Luku 4:6 - Le Nouveau Testament en langue kroumen tépo

⁶ ʋ nɔ: «'Blʋgbɩ ‑gbo a 'klɩ, kɔ 'a ‑tɩ a 'yi'bʋbʋa, 'n di ‑mʋ 'nɩ ‑nyi. Ɩ 'bii ‑gbo, ʋ ‑nyi 'mʋ nɩ. 'Na ‑gbɛ, nahuon 'nɩɩ ‑hʋa, nɔ‑ 'n nyi ‑wɛ ‑nyi.

Luku 4:6 Iomraidhean Croise

Luku 4:7

'A ‑tɩ, 'bɩa ꞊nɩ bla 'mʋ kwlɩ ye gbo, 'ke 'o 'na 'o꞊tuulɛ a ‑ta 'mʋ, ɩ 'bii ‑gbo, ‑mɔ di kɔ.»

Saan 12:31

Ti nyre 'o ꞊o, ‑ɩ kɔ 'yri Nyɩsʋa di 'o 'klɔ ‑gbo ke a nahuin ‑bati lɛ poo. ‑Tɛ ti nɩ lɛ 'mʋ ‑gbo, Nyɩsʋa di 'klɔ ‑gbo a nyɩgblaka Satan gbata ke 'nɩ ‑ha.

Saan 14:30

'Dai ti ꞊de 'de 'le hie, 'ke ꞊bo 'prɛɛ 'le 'a mʋ ‑wɔn, ‑ɛ nue, 'klɔ ‑gbo a nyɩgblaka Satan, ɔɔ 'le 'nɩ di. ꞊Hapʋkɔ, 'ɔ 'de 'klɩ kɔ, 'ke 'o 'mʋ ke,

Saan 8:44

'A nɩ bu, nɔ‑ mɔ Satan, ‑ɔ mɔ 'kuo ‑hʋɩn a nyɩgblaka. 'A mʋ mɔ 'a 'yuo꞊pli. ‑Ye ‑tɔplɩ ꞊nʋ, ‑ɩɩ 'a nɩ bu a plɔ blee, nɩ‑ a nʋɛ 'mʋ ba nu. Kʋɛ la 'le gbo, ɔɔ ꞊ke 'la nahuin. Ɔ yraa ‑tɩ a ‑tɛɛ nɩ, ‑ɛ nue, ‑tɩ a ‑tɛɛ 'de 'le 'a ꞊wlʋ ke nɩ. Hɩ a lɛ'dudue, nɛ‑ mɔ 'a ‑kʋan, ‑ɛ nue, ɔ mɔ hɩnyɔ'ɔ nɩ, 'plɩɩ hɩ a gblegblei 'bii, 'ke ɩɩ 'le ꞊nɔ ‑wɔn 'mʋ ‑hɔn.

2 Kolɛtɩkʋɛ 11:14

Dɛ a ‑gbɛ, ɛ nɩ saka 'le 'a mʋ, ‑ɛ nue, ɛ kɔ ti, Satan 'ɔɔ ‑wɛ Nyɩsʋa a lɛleenyʋ ꞊nʋ wlɔn lɛ ‑hre.

Efɛsɩkʋɛ 2:2

'Klɔ ‑gbo ke a nahuin ꞊nʋ, ‑ʋ 'de Nyɩsʋa yi, 'waa nunuŋmli, nɩ‑ aa la ‑wɔn kʋɛ, kɔ, 'aa la ‑wɛ 'kuo ‑hʋɩn a nyɩgblaka ‑wɔn kʋɛ, ‑ɔ kɔ 'klɩ, kɛ nɔ ‑tʋtʋ kɔ yakɔ 'hɛɛn ‑gbahlɔn. 'Kuo ‑hʋɩn a nyɩgblaka a ‑gbɛ, ɔɔ nu ‑kʋan, 'ke 'le nahuin ꞊nʋ 'mʋ, ‑ʋ 'nɩnɩ ꞊tuu 'o Nyɩsʋa.

1 Piɛlɩ 1:24

Ʋ 'crɛɛ la nɩ, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ: «‑Tʋnahuin 'bii, ʋ 'we ꞊nɔ ‑piti ye, ‑ɩɩ 'kʋ. 'Waa 'yilɛnɩnɔ, ɛ 'we ꞊nɔ ‑piti a ‑pui ꞊nʋ ye, ‑ɩɩ 'yrɔ.

1 Saan 5:19

‑A yie nɩ, ‑ɛ mɔ, ‑a mʋ mɔ Nyɩsʋa a 'yuo꞊pli'i nɩ. Kɛɛ, 'klɔ ke a nahuin 'bii ‑ye ꞊nʋ, Satan, nɔ‑ kʋʋ win ke.

'Kwla'mʋ'yeecrɩɩnɩɛ 12:9

'ʋ po 'le dɔhre a ‑gbɛ ‑patʋ 'mʋ. Dɔhre a ‑gbɛ, nɛ‑ mɔ hre 'ka ꞊nʋ, ‑ɛɛ 'klɔ ‑gbo a nahuin kaa. Ʋ nye ‑wɛ daa 'kuo ‑hʋɩn a nyɩgblaka. 'A 'dʋ ‑ye mɔ Satan. Nɛ‑ ʋ po 'le ‑tʋtʋ ke, ɛ kɔ 'a lɛleenyʋ 'hɛɛn.

'Kwla'mʋ'yeecrɩɩnɩɛ 13:2

Dɛhʋɛ a ‑gbɛ, ɛ 'we ꞊nɔ ‑ji ye. 'A bʋɩ 'we ꞊nɔ ‑tui a bʋɩ ye. 'A wuntɔ 'we ꞊nɔ kɔkɔ' a wuntɔ ye. Dɔhre ‑nɩ wɛn, nɛ‑ ‑nyi dɛhʋɛ a ‑gbɛ 'a 'klɩ, dɛhʋɛ a ‑gbɛ 'ɛ nɩ 'o dɔhre a ‑gbɛ a gbata ke gbo.

'Kwla'mʋ'yeecrɩɩnɩɛ 13:7

'ʋ ‑nye ‑wɛ 'hru, 'ke bɛ ‑wɔn Nyɩsʋa a nahuin ye, ‑ɛ die nu, ɛ 'mu 'o 'hru wlɔn ‑ha, 'ʋ ‑nye ‑wɛ 'klɩ, 'ke bɛ kɔɔ 'klɔ ‑gbo a dakʋ 'bii a nahuin win ke. Nahuin a ‑gbɛ, ʋʋ po 'briwiin a gblegblei, 'ʋ nɩ 'o 'ɛ nɩ 'blʋgbɩ ꞊de ke.