Luku 4:2 - Le Nouveau Testament en langue kroumen tépo

² ‑Ye 'kuo ‑hʋɩn a nyɩgblaka, ‑ɔ mɔ Satan, 'ɔ plɛ, ɔ 'mʋ ‑Yusu 'mʋ lɛ ꞊tɔ, ‑ɛ die nu, ‑Yusu 'mʋ ‑tɩ 'wla, 'ke 'o 'a Bu Nyɩsʋa ye, 'ɔ ꞊tʋɔ 'mʋ lɛ, 'ke 'le ‑nyrɔwɩ a ‑wlɩɩ 'hɔn 'kwli 'mʋ. ‑Nyrɔwɩ a ‑gbɛ 'mʋ, ‑Yusu ꞊ci nɩ. ‑Tɛ ɩ ‑hi, ‑ye kanʋ nyo nu.

Luku 4:2 Iomraidhean Croise

Matie 21:18

‑Tɛ ‑nyrɛ cɛ lɛ, ‑ye ‑Yusuu de 'nɩ ‑mɛ, 'ɔɔ Jrusrɛdɩɔ 'mʋ di, ɔ kɔ 'a ‑naagbopʋ 'hɛɛn. Bʋʋ 'klɛɛ 'le di, ‑ye kanʋ bi 'le ‑Yusu 'kwli 'mʋ.

Matie 4:2

'Ke 'le ‑tɛgbi a ‑gbɛ, 'ke ɔ ‑hi 'le ‑nyrɔwɩ a ‑wlɩɩ 'hɔn kɔ 'tɔyrʋwɩ a ‑wlɩɩ 'hɔn. Ti a ‑gbɛ 'yri, ɔ 'nɩ di ꞊le dɛ. ‑Nyrɔwɩ a ‑wlɩɩ 'hɔn a ‑gbɛ, bɩ ‑hi, ‑ye kanʋ nyo nu.

Luku 4:3

‑Ye 'kuo ‑hʋɩn a nyɩgblaka nɔ: «'Bɩa ꞊nɩ 'ya Nyɩsʋa a 'Yu 'mʋ, le 'hɩɔ ‑gbo, bɔ ‑hɛ 'flɔɔ.»

Saan 4:6

'Ke 'le ‑ci a ‑gbɛ 'kwli 'mʋ, 'ke Sakɔbʋ 'bluu la 'o 'nɩhʋɔ. ‑Tɛ ʋ nyre 'klɛɛ 'o 'nɩhʋɔ a ‑gbɛ wien, 'ke ‑Yusu a ‑naagbopʋ hio 'o gbo, 'ʋ mu 'le 'dɩɔ 'mʋ, ‑ɛ die nu, ʋ 'mʋ didi‑tɔplɩ ‑tɔ. ‑Yusu ‑mɛ ‑ye, 'a 'klɩ ‑wɛ 'le ꞊le, 'ke 'o 'hru ꞊nʋ, ʋʋ na a ‑ta 'mʋ. Nɛ‑ nue, 'ɔ nɩ 'o 'nɩhʋɔ a ‑gbɛ nʋa 'mʋ gbo. Ti a ‑gbɛ 'yri, 'yrʋ nyra gbo. Ɔ ‑do bɔ nɩ 'klɛɛ 'o gbo, ‑ye Samalikʋɛyrɔwlʋ ꞊de, nɔ‑ di 'nie 'pi wɔn. ‑Ye kɛ ‑Yusu nyo ye po, ɔ nɔ: «‑Nye 'mʋ 'nie, ꞊bo 'na!»

Hebrekʋɛ 2:18

‑Tɛ ‑Yusu a ‑gbɛ, ɔ nɩ la nɔ ‑tʋtʋ ke, ɔɔ la 'ye ꞊sʋɛ 'dɔ, 'ʋ nyo la 'mʋ lɛ ꞊tɔ. 'A ‑tɩ, ‑a ‑mɛ ‑ye, 'bɩa 'bʋʋ ‑a mʋ 'mʋ lɛ ꞊tɔ, ‑ye ‑Yusu kɔ 'klɩ, 'ke bɔ dii ‑a mʋ ke.

Hebrekʋɛ 4:15

‑A nɩ ‑cɔhlʋnpinyɔ a ‑gbɛ, ɔ yrii ‑a nɩ 'kla‑wliye'yɩya 'bii 'mʋ lɛ, 'ɔ yie ‑wɛ, ‑ɛ mɔ, ‑a mʋ ‑tʋnahuin, ɛ kɔ ti, 'mʋlɛ꞊tɔdɛ 'bɛ yɛ ‑a mʋ, ꞊a 'de 'klɩ kɔ, 'ke ‑ba ‑wɔn 'mʋlɛ꞊tɔdɛ a ‑gbɛ ye, kɔ, 'ɔ kɔ ‑a nɩ wɔlɩ, ‑ɛ nue, 'a ‑gbɛ, ‑tɛ ɔ nɩ la nɔ ‑tʋtʋ ke, 'mʋlɛ꞊tɔ‑tɔplɩ a gblegblei, nɩ‑ yɛ ꞊nɔ, ‑ɛ 'we ꞊nɔ ‑a mʋ ye. Kɛɛ, ɔ ‑mɛ ‑ye, ɔ 'de dɛ 'kuku nu.