Luku 4:18 - Le Nouveau Testament en langue kroumen tépo

¹⁸ «Nyɩsʋa a ‑Hihiu, nʋ‑ nɩ 'o 'mʋ ke 'mʋ, Nyɩsʋa 'ɔ ‑ha 'le 'mʋ du 'mʋ, 'ke ꞊bo pue 'a ꞊hapʋtitie nahuin ꞊nʋ, ‑ʋ nɩ wɔlɩ lɛ. Nyɩsʋa, ɔ le 'mʋ nɩ, 'ke ꞊bo le ꞊go, ‑ɛ mɔ, ɔ diu 'nɩ ꞊gbla. ꞊Bo le ‑wɛ 'yiisuanyʋ, ‑ɛ mɔ, ɔ die 'nɩ nu, ʋ 'mʋ lɛ yrii. ꞊Bo le ‑wɛ nahuin ꞊nʋ, ʋʋ ꞊sʋɛ ꞊tue, ‑ɛ mɔ, ɔ diu ‑wɛ 'nɩ ꞊gbla.

Luku 4:18 Iomraidhean Croise

Matie 11:5

Ba lo, ‑ɛ mɔ, 'yiisuanyʋ, ʋʋ lɛ 'nɩ yrii, lɛ‑yɩyrɛnyʋ, ʋʋ 'nɩ na, ‑tɔplɩ‑jɔhʋɩnnunyʋ, 'waa 'kʋɛi, ɩɩ 'nɩ ‑wɛ, 'kikenyʋ, ʋʋ 'wɔn ‑tɩ, 'kʋkʋnyʋ, ʋʋ lɛ 'hrɩ 'klɔ, kɔ ꞊sʋɛnyʋ, ʋʋ 'wɔn Nyɩsʋa a ꞊hapʋtitie, 'ʋ kɔ ꞊wlʋ a 'kwli'mʋgbo꞊tutue.

Matie 12:18

«Nyɩsʋa nɔ 'nɩ: 'Ye kɛ, nahuon ‑gbo, nɔ‑ mɔ 'na ‑kʋannunyɔ. Nɔ‑ 'n ‑ha 'le du 'mʋ, 'ke bɔ nu 'na ‑kʋan. Nahuon a ‑gbɛ, 'n nʋɔ 'mʋ nɩ, 'ɔɔ 'mʋ nue 'manʋ. 'N die 'nɩ nu, 'na ‑Hihiu 'mʋ 'o ꞊nɔ ke 'mʋ bi. Nahuin ꞊nʋ, ‑ʋ 'de ‑Juukʋɛ, ɔ diu 'nɩ le, ‑ɛ mɔ, 'n diu 'nɩ waa.

Matie 12:20

Nahuin ꞊nʋ, ‑ʋ 'de 'klɩ kɔ, ɔ di yrii 'waa wɔlɩ, kɔ, nahuin ꞊nʋ, ‑ʋ 'de 'mʋ‑hɛnyɔ kɔ, ɔ 'mu 'mʋ ‑hɛ. Nɛ‑ ɔ di nu ‑nunu, nahuin 'mue ke wɛɛn, 'ke bɔ 'siu 'o ye, 'ke 'o 'mʋ ye,

Matie 4:16

'Ke 'o 'a nɩ ‑ta 'mʋ, kɛ Nyɩsʋa po: Dakʋ ꞊nʋ, ‑ʋ nɩ 'le gbɩgbɩyrɩ ‑hɛyri, ʋ di 'ye ‑nyrɛ gblaka. ‑Nyrɛ a ‑gbɛ, ɛɛ 'nɩ wlɩn, 'ke 'o 'blʋgba ꞊nʋ a dakʋ a ‑gbɛ ‑wɔn, ‑ʋ nɩ 'le 'kʋkʋɛ a 'blʋgba 'mʋ, ‑ɔ kɔ 'mʋ ‑nyrɛ 'de 'le nɩ.» Kɛ Esai a 'pʋprɛwin po la.

Matie 5:3

Ɔ nɔ: «Nahuin ꞊nʋ, ‑ʋ yie, ‑ɛ mɔ, 'ke 'le 'waa ꞊wlɩ ke, ꞊hapʋdɛ 'de 'le nɩ, 'bɩa Nyɩsʋa a ‑Hihiu 'bʋ 'de 'o ꞊nʋ ke 'mʋ nɩ, nahuin a ‑gbɛ, bʋ kɔ plɔ a bleelɛ, ‑ɛ nue, nʋ‑ʋ nɩ, ‑ʋ di 'le Nyɩsʋa a 'klɔ yrayrʋ 'kwli 'mʋ pa.

Luku 4:17

'ʋ ‑nyi ꞊nɔ 'crɩɩnɩɛ ꞊nʋ, Nyɩsʋa a winwlɔn‑hɛnyɔ Esai 'crɩɩ la, 'ɔ ꞊wlɛɛ, 'ɔ yɛ 'crɩɩnɩɛ꞊tɩɔ ꞊nʋ ke, ɔɔ wɛn lɛ ꞊mɔ. 'Crɩɩnɩɛ꞊tɩɔ a ‑gbɛ, 'a win, ɩ nɩ‑ ‑gbo:

Luku 6:20

‑Tɛ dɛ a ‑gbɛ, ɛ ‑hi, ‑Yusu 'ɔ 'ba 'lu ye 'mʋ, 'ɔ ta 'le 'a ‑naagbopʋ ‑wɔn lɛ, ɔ nɔ: «'A mʋ ‑gbo, ‑ʋ mɔ ꞊sʋɛnyʋ, ‑ʋ mɔ 'na ‑naagbopʋ, ba kɔ plɔ a bleelɛ, ‑ɛ nue, ti ꞊nʋ ‑kɔ 'yri Nyɩsʋa di 'o 'klɔ yrayrʋ nuu, a kɔ 'mʋ 'hɛɛn‑ di 'le 'klɔ yrayrʋ a ‑gbɛ 'kwli 'mʋ nɩ.

Luku 7:22

‑Ye kɛ ‑Yusu Saan a nahuin a ‑gbɛ ye po, ɔ nɔ: «Ba mu, ba le Saan dɛ ꞊nʋ, a 'ye, kɔ ‑tɩ ꞊nʋ, a 'wɔn. Ba lo, ‑ɛ mɔ, 'yiisuanyʋʋ lɛ 'nɩ yrii, kɔ, lɛ‑yɩyrɛnyʋʋ 'nɩ na, kɔ, ‑tɔplɩ‑jɔhʋɩnnunyʋ a 'kʋɛi, ɩɩ 'nɩ ‑wɛ, kɔ, 'kikenyʋʋ 'wɔn ‑tɩ, kɔ, 'kʋkʋnyʋ, ʋʋ lɛ 'hrɩ 'klɔ, kɔ, ꞊sʋɛnyʋ, ʋʋ Nyɩsʋa a ꞊hapʋtitie 'nɩ 'wɔn.

Saan 1:41

‑Tɛ dɛ a ‑gbɛ, ɛ ‑hi, Adre a ‑gbɛ 'ɔ mu 'le, 'ke 'le 'a ‑dɩayu Simɔ Piɛlɩ ‑wɔn, ɔ nɔ: «‑A 'ye Waanyɔ ꞊nʋ nɩ, Nyɩsʋa po la lɛ, ɔ di la 'le ya, 'ke 'o 'a dakʋ a waalɛ a ‑ta 'mʋ,»

Saan 12:46

'N di nɔ 'klɔ ‑gbo ke nɩ, ‑ɛ 'we ꞊nɔ ‑nyrɛ ye, ‑ɛ die nu, 'ɛ nɩ nahuon 'bɔ nɩ 'o, 'bɔ kuo 'mʋ ꞊wlʋ ye, ɔ 'nɩ ꞊han 'le gbɩgbɩyrɩ ‑hɛyri nɩ.

Saan 3:34

‑Yusu 'Klɩsʋ a ‑gbɛ, Nyɩsʋa lee nɔ ‑a mʋ ‑wɔn, Nyɩsʋa a win, nɩ‑ ɔɔ ‑wɔn lɛ na, ‑ɛ nue, Nyɩsʋa a ‑gbɛ, ɔ ‑nyi ꞊nɔ 'a ‑Hihiu 'bii nɩ.

Nunu‑tɔplɩ 10:38

A yie nɩ, ‑ɛ mɔ, Nasalɛtɩ 'mʋ a ‑Yusu, Nyɩsʋa ‑nyi ꞊nɔ 'a 'klɩ kɔ 'a ‑Hihiu 'hɛɛn nɩ. A yie ‑wɛ nɩ, ‑ɛ mɔ, ‑Yusuu klɛ na 'dɩɛ, 'ɔɔ nahuin ꞊hapʋdɛ 'mʋ nu, ʋ 'bii ꞊nʋ, ‑ʋ nɩ 'le 'kuo ‑hʋɩn a nyɩgblaka a 'klɩ gbo, 'ɔɔ 'waa 'kʋɛi ‑wɔ, ‑ɛ nue, Nyɩsʋa, nɔ‑ nɩ 'o ꞊nɔ ‑wɔn.

Nunu‑tɔplɩ 26:18

'N di ‑mʋ 'nɩ lee, ‑ɛ die nu, ꞊mue nu, ʋ 'mʋ 'mʋ lɛ yrii, kɔ, ꞊mu 'le gbɩgbɩyrɩ ‑hɛyri ‑ha, ꞊mu 'le ‑nyrɛ 'mʋ gba, kɔ, ꞊mu 'le 'kuo ‑hʋɩn a nyɩgblaka Satan a 'klɩ gbo ‑ha, ꞊mu 'le Nyɩsʋa a 'klɩ gbo po, ʋ 'mʋ 'mʋ ꞊wlʋ ye kuo, ‑ɛ die nu, Nyɩsʋa 'mʋ 'waa dɛ 'kuku ꞊nʋ, ʋ nu a ‑tɩ ‑wɔn ‑hri, kɔ, ʋ 'mʋ 'le nahuin ꞊nʋ ‑hɛyri nɩ, Nyɩsʋa po 'pɩa ke, 'ke bʋ 'ya 'a nahuin 'mʋ.»

Nunu‑tɔplɩ 4:26

‑Tʋtʋ ‑gbo a 'blʋgbɩnaanyʋ, ʋ bibi 'mʋ lɛ 'yi, ʋ 'mʋ Kʋkɔnyɔ Nyɩsʋa ye ‑wɔn, ɔ kɔ Waanyɔ ꞊nʋ 'hɛɛn, ɔ po la lɛ, ɔ di la 'le ya. Kɛ Dafidɩ po la.

Nunu‑tɔplɩ 4:27

'Ɛ mɔ ‑tɛɛ, kɛ nɔ 'dɩɔ ‑gbo 'mʋ, 'kɩɩn Helɔdɩ kɔ ‑gʋlʋnʋma Pʋsɩ Pilatɩ 'hɛɛn, ʋ bibi 'mʋ lɛ 'yi, ʋ kɔ dakʋ a nahuin ꞊nʋ, ‑ʋ 'de ‑Juukʋɛ, ʋ kɔ Yisraɛkʋɛ a ꞊tugbɩ 'hɛɛn, 'ke bʋ ‑wɔn ‑na ‑kʋannunyɔ ‑Yusu ye. Nɔ‑ ‑n ‑ha 'le du 'mʋ, 'ke bɔ 'ya Waanyɔ ꞊nʋ 'mʋ, ‑n po la lɛ, ‑n di la 'le ya.

Kolɔsɩkʋɛ 1:13

Nɔ‑ waa ‑a mʋ, 'ɔ ‑ha 'le ‑a mʋ gbɩgbɩyrɩ a 'klɩ gbo, 'ɔ nue, ꞊a nɩ 'le 'a 'Mʋnʋɛyu a 'klɩ gbo.

Sakɩ 2:5

Ba po 'mʋ nʋa ye gbo, 'na 'mʋnʋɛ‑dɩayuo ‑a! Ba kɔ 'a yiyie, nahuin ꞊nʋ, ‑ʋ 'de dɛ kɔ, kɛ nɔ ‑tʋtʋ ke, nʋ‑ Nyɩsʋa ‑ha 'le du 'mʋ, 'ke bʋ kuo ‑Yusu ꞊wlʋ ye. ‑Yusu a ꞊wlʋ a yekuolɛ a ‑gbɛ, ɛ mɔ dɛ gblakaa nɩ, 'ɛ ‑hi 'o dɛ a kʋkɔ 'mʋ. Nahuin a ‑gbɛ, nʋ‑ Nyɩsʋa ‑ha ‑wɛ 'le du 'mʋ, 'ke bʋ pa 'le Nyɩsʋa a 'klɔ yrayrʋ 'kwli 'mʋ. 'Klɔ yrayrʋ a ‑gbɛ, Nyɩsʋa nɔ 'nɩ, nahuin ꞊nʋ, ‑ʋ nʋɔ 'mʋ, nʋ‑ dio 'le 'kwli 'mʋ pa.

1 Piɛlɩ 2:9

A ‑mɛ ‑ye, 'a mʋ mɔ dakʋ ꞊nʋ, Nyɩsʋa ‑ha 'le du 'mʋ. 'A mʋ mɔ bodɩɔpʋʋ nɩ, ‑ʋ 'we ꞊nɔ ‑cɔhlʋnpinyʋ ye, ‑ʋʋ Nyɩsʋa a ‑kʋan nu. 'A mʋ mɔ Nyɩsʋa a dakʋʋ nɩ, ɔ po 'pɩa ke, 'ke 'o ꞊nɔ ‑wɔn. Ɔ ꞊gbla 'a mʋ nɩ, ‑ɛ die nu, a 'mʋ nahuin le, 'ke 'o ‑tɔplɩ gblakɩ ꞊nʋ, ɔ nu a ‑ta 'mʋ. 'Ɛ mɔ ‑tɛɛ, ɔ da 'a mʋ nɩ, 'ɔ ‑ha 'le 'a mʋ gbɩgbɩyrɩ ‑hɛyri, 'ɔ gba 'le 'a mʋ 'a ‑nyrɛ 'mʋ, ‑ɛɛ wlɩn, ‑ɛ ‑hi 'o 'ɛ nɩ dɛ ꞊de 'mʋ.