Luku 3:4 - Le Nouveau Testament en langue kroumen tépo

⁴ ‑Tɛ Saan, ɔɔ ‑tɩ a ‑gbɛ ꞊tu, ‑ye ‑tɩ ꞊nʋ, Nyɩsʋa a winwlɔn‑hɛnyɔ Esai 'crɩɩ la, 'ke 'le Nyɩsʋacrɩɩnɩɛ 'kwli 'mʋ, ti ꞊de ‑hi la a ti 'yri, ɩ nyre 'o ꞊o. ‑Tɩ a ‑gbɛ, ɩ nɩ‑ ‑gbo: «Nyɩsʋa nɔ 'nɩ: Nahuon ꞊de, ‑tɛ 'dʋ di 'le ye bii, 'kee nɩ, ɔ di 'le 'ti. 'Bɔɔ 'prɛ, ɔ 'mʋ 'le win 'yaa. Kɛ ɔ di po: Kʋkɔnyɔ a 'hru ꞊nʋ, ‑ʋ kɔ wlɔn ɔ di 'o na, ba 'siu 'o ye, 'plɩɩ Kʋkɔnyɔ a ‑gbɛ, ɔ 'mʋ 'le di. Ɛ 'we ꞊nɔ ye, 'a nɩ 'klɔ bɔ 'sii 'o ye, ‑ɛ die nu, a 'mʋ ‑wɔn ‑wɛ, 'plɩɩ Kʋkɔnyɔ 'mʋ 'le di ‑o.

Luku 3:4 Iomraidhean Croise

Matie 3:3

Ti ꞊de a ti 'yri la, ‑tɛ ʋ 'de la ‑Yusu a kʋɛ, ɛ kɔ la Nyɩsʋa a winwlɔn‑hɛnyɔ ꞊de. 'A 'dʋ mɔ Esai. Saan, nɔ‑ mɔ nahuon ꞊nʋ, ‑ɔ kɔ ‑tɩ Esai a ‑gbɛ, ɔ 'crɩɩ la, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ, nɔ‑ di ‑Yusu a 'hru ye kla, 'plɩɩ ‑Yusu a ‑gbɛ, ɔ 'mʋ 'le di. ‑Tɩ a ‑gbɛ, ɔ 'crɩɩ la, ɩ nɩ‑ ‑gbo: «Nyɩsʋa nɔ 'nɩ: Nahuon ꞊de, ‑tɛ 'dʋ di 'le ye bii, 'kee nɩ, ɔ di 'le 'ti. 'Bɔɔ 'prɛ, ɔ 'mʋ 'le win 'yaa. Kɛ ɔ di po: Kʋkɔnyɔ a 'hru ꞊nʋ, ‑ʋ kɔ wlɔn ɔ di 'o na, ba 'siu 'o ye, 'plɩɩ Kʋkɔnyɔ a ‑gbɛ, ɔ 'mʋ 'le di. Ɛ 'we ꞊nɔ ye, 'a nɩ 'klɔ bɔ 'sii 'o ye, ‑ɛ die nu, a 'mʋ ‑wɔn ‑wɛ, 'plɩɩ Kʋkɔnyɔ 'mʋ 'le di ‑o.»

Makɩ 1:3

'Ke 'le Nyɩsʋacrɩɩnɩɛ a ‑gbɛ 'kwli 'mʋ, ʋ 'crɩɩ la lele ‑tɩ ‑ye. ‑Tɩ a ‑gbɛ, ɩ nɩ‑ ‑gbo: «Nyɩsʋa nɔ 'nɩ: Nahuon a ‑gbɛ, ‑tɛ 'dʋ di 'le ye bii, 'kee nɩ, ɔ di 'le 'ti. 'Bɔɔ 'prɛ, ɔ 'mʋ 'le win 'yaa. Kɛ ɔ di po: Kʋkɔnyɔ a 'hru ꞊nʋ, ‑ʋ kɔ wlɔn ɔ di 'o na, ba 'siu 'o ye, 'plɩɩ Kʋkɔnyɔ a ‑gbɛ, ɔ 'mʋ 'le di. Ɛ 'we ꞊nɔ ye, 'a nɩ 'klɔ bɔ 'sii 'o ye, ‑ɛ die nu, a 'mʋ ‑wɔn ‑wɛ, 'plɩɩ Kʋkɔnyɔ 'mʋ 'le di ‑o.»

Saan 1:23

‑Ye kɛ ɔɔ po: «Nyɩsʋa a winwlɔn‑hɛnyɔ Esai, ɔ 'crɩɛ la nɩ, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ: Nyɩsʋa nɔ 'nɩ: Nahuon ꞊de, 'ke ɔ di 'le ‑tɛgbi ꞊nʋ 'ti, nahuin ꞊de 'de 'le 'ti. Nahuon a ‑gbɛ, 'bɔɔ 'prɛ, ɔ 'mʋ 'le win 'yaa. Kɛ ɔ di nahuin ꞊nʋ ye po, ‑ʋ dio nʋa ye gbo po: Ba 'sii 'o Kʋkɔnyɔ a 'hru ye, 'plɩɩ Kʋkɔnyɔ a ‑gbɛ, ɔ 'mʋ 'le di. Ɛ 'we ꞊nɔ ye, 'a nɩ 'klɔ bɔ 'sii 'o ye, ‑ɛ die nu, a 'mʋ ‑wɔn ‑wɛ, 'plɩɩ Kʋkɔnyɔ 'mʋ 'le di ‑o.» Kɛ Saan, ɔɔ lele leenyʋ a ‑gbɛ ye po: «Nahuon ꞊nʋ, ‑ɔ kɔ ‑tɩ Nyɩsʋa ꞊tu la, 'mɔɔ nɩ.»

Saan 1:7

'ke bɔ ꞊tu ‑nyrɛ a ‑gbɛ a ‑tɩ nahuin ye, nahuin 'mʋ Nyɩsʋa a Wintɛ ꞊wlʋ ye kuo.