Luku 3:1 - Le Nouveau Testament en langue kroumen tépo

^1-2 ‑Tɛ 'dai 'yrɩ ‑hi, 'ke Saan, ‑ɔ mɔ Sakali a 'yu, ɔ 'kɩɛ nɩɛ 'le ‑tɛgbi ꞊nʋ, nahuin ꞊de 'de 'le 'ti, Nyɩsʋa 'ɔ dɔ, 'ke bɔ ꞊tu 'a ‑tɩ, 'ke 'o nahuin ye. Ti a ‑gbɛ 'yri, Romakʋɛ a 'kɩɩn gblaka Tibɛlɩ, 'a 'yrʋ a ‑pu ꞊tu 'o ꞊hun a 'yrʋʋ nɩ, ‑tɛ ɔ bi la gbata ke. Pʋsɩ Pilatɩ, nɔ‑ mɔ Sudeblʋgba a ‑gʋlʋnʋma. Helɔdɩ, nɔ‑ kɔɔ Galileblʋgba win ke. 'A ‑dɩayu Filipʋ, nɔ‑ kɔɔ Yituleblʋgba win ke, kɔ Trakonitɩblʋgba 'hɛɛn. Lisaniasɩ, nɔ‑ kɔɔ Abilɛnɩblʋgba win ke. Hanɩ kɔ Kaifʋ 'hɛɛn, nʋ‑ mɔ Nyɩsʋa a ‑cɔhlʋnpinyʋ a nyɩgblakɩ.

Luku 3:1 Iomraidhean Croise

Matie 14:1

Ti a ‑gbɛ 'yri, Galileblʋgba a ‑gʋlʋnʋma, ‑ɔ kɔ 'dʋ mɔ Helɔdɩ, ɔ 'wɔn ‑Yusu a 'dʋ nɩ.

Matie 14:3

'Ɛ mɔ ‑tɛɛ, dɛ ꞊nʋ, Helɔdɩ a ‑gbɛ, ɔ nu la Saan 'mʋ, 'plɩɩ Saan a ‑gbɛ, ɔ 'mʋ la 'kʋ, ɛ nɛ‑ ‑gbo: Helɔdɩ a ‑dɩayu nyɩbɛyu Filipʋ, nɔ‑ kɔ la nyrʋgba. 'A 'dʋ mɔ Helɔdiadɩ. Helɔdiadɩ a ‑gbɛ, nɔ‑ Helɔdɩ ‑ha la Filipʋ kwa, 'ɔ kʋɔ la. ‑Tɛ Saan 'wɩn la, ‑ye ɔ nɔ: «Ɛ 'de 'o lɛ nɔɔ, 'ke ‑na ‑dɩayu Filipʋ ‑gbo, ‑ɔ 'kɩɛ nɩɛ 'klɔ, ‑bo di ꞊nɔ 'a nyrʋgba kwa ‑ha, ‑bo dio kɔ.» ‑Tɛ Saan ꞊tu ‑tɩ a ‑gbɛ, nɛ‑ nue Helɔdiadɩ a ‑gbɛ, 'ɔ ꞊tutuo Helɔdɩ, 'ke bɔ le 'a 'sɔyuo, bʋ klɩ Saan, bʋ mʋɔ, bʋ puo ꞊jɩ 'mʋ. ‑Tɛ ʋ puo 'klɛɛ ꞊jɩ 'mʋ, ‑ye Helɔdɩ a ‑gbɛ, ɔ nye 'nɩ ‑hʋa, bɔ le 'a 'sɔyuo, bʋ 'la Saan a ‑gbɛ. Kɛɛ, ɔ 'die la nu, ‑ɛ nue, ɔɔ la pɩ nahuin a hʋannʋ. Nahuin ‑mɛ ‑ye, ʋ nɔ 'nɩ, Saan a ‑gbɛ, ɔ mɔ Nyɩsʋa a winwlɔn‑hɛnyɔɔ nɩ. Ʋ 'de ye blɛ bʋ 'tʋɔ lɛ.

Matie 14:6

‑Ye 'klɛɛ, ‑nyrɔwɔ ꞊nʋ ‑kɔ 'mʋ ʋ kɔ la Helɔdɩ, ɔ nyre 'o ꞊o, Helɔdɩ 'ɔ nu 'a lɛ'mimre. 'Ke ʋ nɩ 'klɛɛ 'o gbo, ‑ye Helɔdiadɩ a 'yu nyrɔyu, nɔ‑ nyre 'o, 'ɔ ‑tʋa ‑wla a yiyie gbo, 'ke 'o nahuin 'bii ye, ʋ da lɛ'mimre ke. 'A yiyie a ‑gbɛ, ɛ klɩɩ Helɔdɩ ke 'dɔ.

Matie 22:17

Le 'klɛɛ ‑a mʋ dɛ ꞊nʋ, ‑nɩɩ 'lu ‑wɔn lɛ ‑hie, 'ke 'o ‑tɩ ꞊nʋ a ‑ta 'mʋ, ‑aa ‑mʋ wlɔn mu ꞊gba: ꞊Be Nyɩsʋa a tetei nɔ 'nɩ, ‑ba ‑ha 'blʋwli, ‑ba ‑nyi Romakʋɛ a 'kɩɩn gblaka, ‑hee' ‑a 'de ye blɛ ‑ba ‑nyi ꞊nɔ?»

Matie 27:2

‑Ye ʋ nɔ: «‑Ba le ‑a nɩ 'sɔyuo, bʋ mʋɔ, ʋ 'muo 'le ‑gʋlʋnʋma Pilatɩ ye gba.» (Pilatɩ a ‑gbɛ, Romakʋɛ a 'kɩɩn gblaka, nɔ‑ ꞊tuo la 'o gbata ke gbo.)

Makɩ 6:17

'Ɛ mɔ ‑tɛɛ, dɛ ꞊nʋ, Helɔdɩ nu la Saan 'mʋ, 'plɩɩ ɔ 'mʋ la 'kʋ, ɛ nɛ‑ ‑gbo: Helɔdɩ, 'a ‑dɩayu nyɩbɛyu Filipʋ, nɔ‑ kɔ la nyrʋgba. 'A 'dʋ mɔ la Helɔdiadɩ. Helɔdiadɩ a ‑gbɛ, nɔ‑ Helɔdɩ ‑ha la Filipʋ kwa, 'ɔ kʋɔ la. ‑Tɛ Saan 'wɩn la, ‑ye ɔ nɔ: «Ɛ 'de 'o lɛ nɔɔ, 'ke ‑na ‑dɩayu Filipʋ ‑gbo, ‑ɔ 'kɩɛ nɩɛ 'klɔ, ‑bo di ꞊nɔ 'a nyrʋgba kwa ‑ha, ‑bo dio kɔ.» ‑Tɛ Saan ꞊tu ‑tɩ a ‑gbɛ, nɛ‑ nue, Helɔdiadɩ a ‑gbɛ 'ɔ ꞊tutuo Helɔdɩ, 'ke bɔ le 'a 'sɔyuo, bʋ klɩ Saan, bʋ mʋɔ, 'plɩɩ bʋ puo ꞊jɩ 'mʋ. ‑Tɛ ʋ puo 'klɛɛ ꞊jɩ 'mʋ, ‑ye Helɔdiadɩ, ɔ nye lɛ 'nɩ ꞊mɔ, 'ke bʋ 'lɔ. Kɛɛ, ɔ 'die 'le ‑wɛ,

Makɩ 6:21

‑Nyrɔwɔ ꞊de 'mʋ 'klɛɛ, ‑ye 'a nyrʋgba Helɔdiadɩ, ɔ 'ye la 'hru, 'ke bɔ nue, bʋ 'la Saan. ‑Nyrɔwɔ a ‑gbɛ, nɔ‑ mɔ la ‑nyrɔwɔ ꞊nʋ ‑kɔ 'mʋ, ʋ kɔ la 'o Helɔdɩ a lɛ'mimre. ‑Nyrɔwɔ a ‑gbɛ a ‑tɩ, 'ɔ da la nahuin, 'ke ʋ 'mʋ la lɛ 'mre, kɔ, ʋ 'mʋ la dɛ di. Nahuin ꞊nʋ, ɔ da la, nʋ‑ mɔ la 'a 'blʋgba, ‑ɔ mɔ Galileblʋgba a ye'mʋnaanyʋ, ʋ kɔ 'sɔyuo a nyɩgblakɩ, kɔ 'blʋgba a nyɩgblakɩ ‑ye 'hɛɛn.

Luku 13:31

Tii ‑do a ‑gbɛ 'yri, Falisi꞊tumu a nahuin ꞊de, nʋ‑ 'yɩya 'o ‑Yusu 'hʋɩn 'mʋ gbo, 'ʋ lo, ʋ nɔ: «‑Tɛgbi ‑gbo, ‑n nɩ mɔ, ‑hɔn nɔ 'mʋ, ‑bo mu 'le ‑tɛgbi ‑ye, ‑ɛ nue, 'kɩɩn Helɔdɩ, ɔɔ ‑na 'lɩla lɛ 'nɩ ꞊mɔ.»

Luku 2:1

Ti a ‑gbɛ 'yri, Romakʋɛ a 'kɩɩn gblaka ‑ye nɩ la 'le. 'A 'dʋ mɔ la Ogusɩ. 'Kɩɩn Ogusɩ a ‑gbɛ, nɔ‑ mɔ la Romakʋɛ a 'blʋgbɩ 'bii a 'kɩɩn gblaka. ‑Nyrɔwɔ ꞊de 'mʋ, 'ɔ le 'a ‑kʋannunyʋ, 'ke bʋ ‑hre 'a 'blʋgbɩ a ‑gbɛ a nahuin 'bii, ɔ nɔ: «'Ɛ nɩ nahuon 'bɔ nɩ 'o, 'ke bɔ mu 'le 'a 'dɩɔ 'mʋ, 'ke ʋ dio 'le ‑hree!»

Luku 23:24

Bʋ 'nɩnɩ wɛɛn 'klɛɛ ꞊nɔ, ‑ye Pilatɩ ‑yrɩ nɩ, 'ke bɔ wɛɛn dɛ ꞊nʋ ke, ʋʋ ‑hʋa.

Luku 3:19

Kɛɛ ‑ye ‑gʋlʋnʋma Helɔdɩ, nɔ‑ Saan ꞊hɛn 'nyrɛ, ‑ɛ nue, Helɔdɩ a ‑gbɛ, nɔ‑ ‑ha 'a ‑dɩayu nyrɔ kwa, kɔ, 'ɔ nu 'yilɛnyre‑tɔplɩ 'plɔplɔ ‑ye.

Luku 9:7

Ti a ‑gbɛ 'yri, Galileblʋgba a ‑gʋlʋnʋma, ‑ɔ kɔ 'dʋ mɔ Helɔdɩ, ɔ 'wɔn ‑tɔplɩ 'bii ꞊nʋ nɩ, ‑Yusu nu, ɔ kɔ 'a ‑naagbopʋ 'hɛɛn. Dɛ bɔ di 'lu ‑wɔn lɛ ‑hie, 'ke 'o ‑Yusu a ‑ta 'mʋ, ɔ 'die yi, ‑ɛ nue, kɛ nahuin ‑yee po: «Saan Batisɩɩ nɩ. ‑Tɛ ɔ 'kʋ la, ɔ 'hrɩ lele 'klɔ.»

Nunu‑tɔplɩ 23:26

«‑Gʋlʋnʋma Felisɩ, ‑na 'wio. 'Mɔ, Klodɩ Lisiasɩɩ nɩ, ‑ɔɔ ‑mʋ ‑wɔn 'crɩɩ.

Nunu‑tɔplɩ 24:27

Nɛ‑ ɔ nu ‑nunu, 'yrɩɩ 'hɔn 'ɩ ‑hi, 'plɩɩ Romakʋɛ 'ʋ ya 'le ‑gʋlʋnʋma yrayrʋ, 'ɔ bi 'o gbata ke, 'ke 'o Felisɩ a ‑ta 'mʋ. ‑Gʋlʋnʋma a ‑gbɛ, 'a 'dʋ mɔ Pɔkiusɩ Fɛtusɩ. Felisɩ ‑mɛ ‑ye, ɔɔ ‑hʋa bɔ blee ‑Juukʋɛ a plɔ. Nɛ‑ nue, 'ɔ 'de Pɔlʋ ꞊jɩ 'mʋ ‑ha.

Nunu‑tɔplɩ 26:30

‑Tɛ Pɔlʋ po 'klɛɛ lɛ, ‑gʋlʋnʋma bi 'le ye, kɔ 'kɩɩn, kɔ 'a ‑dɩayu nyrɔyu Belenisɩ 'hɛɛn, kɔ nahuin 'bii ꞊nʋ, ‑ʋ kɔ ꞊nʋ 'hɛɛn ‑nɩ 'o ‑tuoo ‑do a ‑gbɛ ke, 'ʋ 'ba ye 'mʋ,

Nunu‑tɔplɩ 4:27

'Ɛ mɔ ‑tɛɛ, kɛ nɔ 'dɩɔ ‑gbo 'mʋ, 'kɩɩn Helɔdɩ kɔ ‑gʋlʋnʋma Pʋsɩ Pilatɩ 'hɛɛn, ʋ bibi 'mʋ lɛ 'yi, ʋ kɔ dakʋ a nahuin ꞊nʋ, ‑ʋ 'de ‑Juukʋɛ, ʋ kɔ Yisraɛkʋɛ a ꞊tugbɩ 'hɛɛn, 'ke bʋ ‑wɔn ‑na ‑kʋannunyɔ ‑Yusu ye. Nɔ‑ ‑n ‑ha 'le du 'mʋ, 'ke bɔ 'ya Waanyɔ ꞊nʋ 'mʋ, ‑n po la lɛ, ‑n di la 'le ya.