Luku 2:9 - Le Nouveau Testament en langue kroumen tépo

⁹ Tii ‑do a ti 'yri, ‑ye Nyɩsʋa a lɛleenyɔ 'hrɩɩ ꞊nʋ ye, Nyɩsʋa a ‑nyrɛ 'ɛ ꞊glaa 'le ꞊nʋ, 'ɛɛ wlɩn. Nyɩsʋa a ‑nyrɛ a ‑gbɛ kɔ 'a lɛleenyɔ a ‑gbɛ 'hɛɛn, nɩ‑ po 'le ꞊nʋ hʋannʋ 'kwli 'mʋ.

Luku 2:9 Iomraidhean Croise

Matie 1:20

Bɔɔ 'klɛɛ 'lu lɛ ‑hie, ‑ye Nyɩsʋa a lɛleenyɔ 'hrɩɩ ꞊nɔ ye, 'ke 'le yain 'kwli 'mʋ, ɔ nɔ: «Sosɛfʋ o, Dafidɩ a 'yu a 'Yu, ꞊nɩ pɩ 'le hʋannʋ, 'ke ‑bo kɔ Mari, ‑ɛ nue, Nyɩsʋa a ‑Hihiu a 'klɩ, nɩ‑ nue, 'ɔ nɩ 'kwli ꞊nʋ 'mʋ.

Luku 1:28

‑Tɛ ɔ pa 'le Mari a ‑tɛ, ɔ nɔ: «Mari, ‑mɔ 'n yɛ. Kɔ plɔ a bleelɛ! ‑Mɔ ‑gbo Kʋkɔnyɔ Nyɩsʋa ‑ha 'le du 'mʋ, 'ke 'o 'a ‑kʋan a ‑ta 'mʋ. Ɔɔ ‑mʋ 'yie 'nɩ ꞊tu.»

Luku 2:8

'Tɔ 'mʋ, 'ke blablɔ'yie꞊tunyʋ nɩ la 'o Betelɛmʋ a ‑gbɛ ꞊hlɔn, 'ʋʋ la 'waa blablɔ 'yie ꞊tu.

Luku 24:4

Bʋ 'di 'klɛɛ 'le gbo yɛ, ‑ye ʋ saka nɩ. Dɛ bʋ di 'lu ‑wɔn lɛ ‑hie, ʋ 'die yi. Bʋ nɩ 'klɛɛ 'o gbo, ‑ye nyɩbɛpʋʋ 'hɔn ꞊de 'hrɩɩ ꞊nʋ ye. Nyɩbɛpʋʋ 'hɔn a ‑gbɛ, ʋ pue wlawlɩ pʋɔpʋɩ, 'ɩɩ wlɩn. Nyɩsʋa a lɛleenyʋ'ʋ nɩ.

Saan 12:41

Esai a ‑gbɛ, ɔ ꞊tui la nɩ, ‑ɛ nue, ɔ 'ye la ‑Yusu a ‑tɩ a 'yi'bʋaalɛ nɩ, 'ɔ ꞊tu la ‑Yusu a ‑gbɛ a ‑tɩ.

Nunu‑tɔplɩ 12:7

Tii ‑do a ti 'yri, Nyɩsʋa a lɛleenyɔ 'hrɩɩ 'le ꞊jɩkayu a ‑gbɛ gbo, ‑nyrɛ 'ɛɛ 'le wlɩɩn, Nyɩsʋa a lɛleenyɔ a ‑gbɛ 'ɔ 'tʋ Piɛlɩ a 'pɩa lɛ, 'ɔ ‑hɩɔ ŋmla 'mʋ, ɔ nɔ: «'Ba ye 'mʋ ‑tɛ ti nɛ,» 'cɩɩn 'ɩ ble 'le ꞊nɔ dabʋɩ 'mʋ lɛ.

Nunu‑tɔplɩ 27:23

'Ɛ mɔ ‑tɛɛ, Nyɩsʋa ꞊nʋ, ‑ɔ mɔ 'na Kʋkɔnyɔ, kɔ, ‑ɔ kɔ ‑kʋan 'nɩɩ nu, 'a lɛleenyɔ 'hrɩɩ 'mʋ ye, 'tɔyrʋwɔ ‑gbo 'mʋ,

Nunu‑tɔplɩ 5:19

Kɛɛ, 'tɔ 'mʋ, Nyɩsʋa a lɛleenyɔ ꞊de, 'ɔ ‑ha 'o ꞊jɩkayu a ‑gbɛ a 'maji lɛ, 'ɔ 'hrʋʋ, 'ɔ lu, ɔ nɔ:

2 Kolɛtɩkʋɛ 3:18

'A ‑tɩ, ‑a 'bii ꞊nʋ, ‑ʋ kuo ‑Yusu 'Klɩsʋ ꞊wlʋ ye, ‑a 'nɩ nu ꞊le danɩ, ‑a 'nɩ ‑hli ꞊le ‑a nɩ yigbaklɩ, ꞊baa ‑a nɩ Kʋkɔnyɔ ‑Yusu a ‑tɩ a 'yi'bʋaalɛ 'ye, 'plɩɩ, ‑tɩ a 'yi'bʋaalɛ a ‑gbɛ, 'ɛ nye nu, ꞊aa gbo ‑jihie, ‑tɛ ɔ nɩ 'mʋ, ꞊aa lɛ 'mʋ nɩ. Nɛ‑ nye nu, ꞊a kɔ 'a ‑tɩ a 'yi'bʋaalɛ, 'a ‑tɩ a 'yi'bʋaalɛ 'ɛɛ klɛ bii, 'ke 'le ‑a mʋ 'mʋ. Nɛ‑ mɔ ‑kʋan ꞊nʋ, Nyɩsʋa a ‑Hihiu, ʋʋ nu.

2 Kolɛtɩkʋɛ 4:6

Ti ꞊nʋ ‑kɔ 'yri Nyɩsʋaa la 'klɔ nu, kɛ ɔɔ la po: «‑Nyrɛ bɛ 'bɛ, 'ke 'le gbɩgbɩyrɩ ‑hɛyri.» Nyɩsʋaa ‑do a ‑gbɛ, nɔ‑ nue, 'a ‑nyrɛ 'ɛɛ kɛ wlɩn, 'ke 'le ‑a nɩ ꞊wlɩ ke. ‑Nyrɛ a ‑gbɛ, nɛ‑ɛ ‑a mʋ ‑Yusu a yigbakla ꞊nʋ tɔɔ, ‑ɔɔ wlɩn, 'ke 'o Nyɩsʋa a ‑tɩ a 'yi'bʋaalɛ ‑wɔn. Nɛ‑ nue, ꞊aa nahuin ‑Yusu a ꞊hapʋtitie a ‑gbɛ pue.

1 Timote 3:16

‑Tɩ a ‑tɛɛ a ‑gbɛ, ɛ ‑hli o nahuin ke 'yi, Nyɩsʋa 'ɔ tʋɛ ‑a mʋ. Ɛ nye ‑a mʋ 'nɩ tɔɔ, ‑tɛ ‑a kɔ ‑ba nu Nyɩsʋa a 'hru a nɩna. ‑Tɩ a ‑tɛɛ a ‑gbɛ, ɛ mɔ dɛ gblakaa nɩ, ‑ɛ mɔ: ‑Yusu 'Klɩsʋ, ɔ ‑hɛ ‑tʋnahuon, 'ɔ di nɔ 'klɔ ke, kɛɛ, Nyɩsʋa a ‑Hihiu tʋɛ nahuin nɩ, ‑ɛ mɔ, ɔ mɔ Nyɩsʋa a 'Yuu nɩ. ‑Tɛ ɔ nɩ 'mʋ, kɛ Nyɩsʋa a lɛleenyʋ nu 'a 'yiye, nahuin 'ʋ ꞊tu 'a ‑tɩ, 'ke 'le dakʋ 'bii ‑hɛyri, dakʋ a ‑gbɛ a nahuin a gblegblei 'ʋ kuo ꞊wlʋ ye, Nyɩsʋa 'ɔ gbɔ 'le yakɔ 'mʋ, 'ɔ ‑nyi ꞊nɔ ‑tɩ a 'yi'bʋaalɛ.

Hebrekʋɛ 12:21

‑Tɔplɩ ꞊nʋ, ʋ 'ye, ɩ pu la 'le 'kwli 'mʋ hʋannʋ 'dɔ. Ɛ nue, Moise a ‑gbɛ, 'ɔ ꞊tui ‑wɛ, ɔ nɔ: «'Na 'hʋɩɩn 'nɩ 'hɩhrɔ, hʋannʋ a ‑tɩ.»

'Kwla'mʋ'yeecrɩɩnɩɛ 18:1

'Plɩɩ dɛ a ‑gbɛ, ɛ 'mʋ mu ‑hi, ‑ye 'n 'ye Nyɩsʋa a lɛleenyɔ ‑ye, 'ɔ ‑hɔn 'le yakɔ 'mʋ. Ɔ nɩ ke 'klɩ 'dɔ, 'a ‑tɩ a 'yi'bʋaalɛ 'ɛ nue, ‑nyrɛ 'ɛ 'bɛ nɔ 'klɔ 'bii ke,

'Kwla'mʋ'yeecrɩɩnɩɛ 20:11

‑Tɛ dɛ a ‑gbɛ, ɛ ‑hi, ‑ye 'n 'ye ‑batipogbata gblaka pʋɔpʋ, nahuon 'ɔ nɩɔ 'le wlɔn gbo. ‑Tʋtʋ kɔ yakɔ 'hɛɛn, ʋ 'wan nɩ, 'ke 'o ꞊nɔ ye. Nahuon ꞊de 'deɛ bɔ 'yi 'klɛɛ lele.