Luku 2:4 - Le Nouveau Testament en langue kroumen tépo

^4-5 Ti a ‑gbɛ 'yri, nyɩbɛyu ꞊nʋ, ‑ɔ mɔ Sosɛfʋ, ɔ kɔ 'a 'bʋa Mari 'hɛɛn, 'ke ʋ 'ti 'le 'waa 'dɩɔ ꞊nʋ 'mʋ, ‑ɔ kɔ 'dʋ mɔ Nasalɛtɩ, 'ke 'le Galileblʋgba 'mʋ. Mari a ‑gbɛ, ɔ nɩ la 'mʋ 'kwli, 'ke 'le Nyɩsʋa a 'klɩ 'kwli 'mʋ. Ɔ kɔ Sosɛfʋ 'hɛɛn, ʋ 'de bʋɩ na ye po. Kɛɛ, Sosɛfʋ, nɔ‑ dio kɔ. Sosɛfʋ a ‑gbɛ, 'ke ɔ kɔ 'le 'dɩɔ ꞊nʋ 'mʋ, ʋʋ Betelɛmʋ daa, 'ke 'le Sudeblʋgba 'mʋ. Betelɛmʋ a ‑gbɛ 'mʋ, Sosɛfʋ a bu gblaka, ‑ɔ mɔ la bodɩɔ Dafidɩ, 'ke ɔ kɔ la ‑wɛ 'le. Nɛ‑ nue, Sosɛfʋ kɔ Mari 'hɛɛn 'ʋ ‑hɔn 'le Nasalɛtɩ 'mʋ, 'ʋ mu 'le Sosɛfʋ a ‑gbɛgbɛ a 'dɩɔ ꞊nʋ 'mʋ, ‑ɔ mɔ Betelɛmʋ, ‑ɛ die nu, ʋ 'mu 'le ‑hree.

Luku 2:4 Iomraidhean Croise

Matie 1:20

Bɔɔ 'klɛɛ 'lu lɛ ‑hie, ‑ye Nyɩsʋa a lɛleenyɔ 'hrɩɩ ꞊nɔ ye, 'ke 'le yain 'kwli 'mʋ, ɔ nɔ: «Sosɛfʋ o, Dafidɩ a 'yu a 'Yu, ꞊nɩ pɩ 'le hʋannʋ, 'ke ‑bo kɔ Mari, ‑ɛ nue, Nyɩsʋa a ‑Hihiu a 'klɩ, nɩ‑ nue, 'ɔ nɩ 'kwli ꞊nʋ 'mʋ.

Matie 2:23

'ɔ 'ti 'le 'dɩɔ ꞊nʋ 'mʋ, ‑ɔ mɔ Nasalɛtɩ. ‑Ye ‑tɩ ꞊nʋ, Nyɩsʋa a winwlɔn‑hɛnyʋ ꞊tu la, 'ke 'o Waanyɔ ꞊nʋ ke, Nyɩsʋa po la lɛ, ɔ di la 'le ya, ɩ nyre 'o ꞊o. ‑Tɩ a ‑gbɛ, ɩ nɩ‑ ‑gbo: «Ʋ dio daa Nasalɛtɩ 'mʋ a 'yu.»

Luku 2:3

Ɛ nɛ‑ nue, 'ɛ nɩ nahuon 'bɔ nɩ 'o, 'ɔɔ 'le 'a 'dɩɔ 'mʋ mu, ‑ɛ die nu, ʋ 'muo 'le ‑hree.

Luku 4:16

‑Nyrɔwɔ ꞊de 'mʋ, 'ke ‑Yusu mu 'le Nasalɛtɩdɩɔ 'mʋ, ‑ɔ kɔ 'mʋ ɔ kuu 'le. ‑Wuwle‑nyrɔwɔ 'mʋ, 'ɔ pa 'le Nyɩsʋa a kayu gbo, ‑ɛ 'we ꞊nɔ ye, ‑tɛ ɔ nye lɛ nu, 'ɔ 'ba ye 'mʋ, ‑ɛ die nu, ɔ 'mʋ Nyɩsʋacrɩɩnɩɛ ‑hre,

Saan 1:46

Natanaɛlɩ nɔ: «Nasalɛtɩdɩɔ 'mʋ, ꞊hapʋnahuon ꞊de 'die 'le ‑wɛ bɔ ‑hɔn 'le 'mʋ.» Filipʋ nɔ: «Di 'le ‑ba mu, ‑na ‑gbɛ, ꞊muo 'ye.»

Saan 7:42

Kɛ Nyɩsʋacrɩɩnɩɛɛ po: Waanyɔ a ‑gbɛ, 'ke ɔ di 'le bodɩɔ Dafidɩ a ꞊tugba ‑hɛyri kɔ, kɔ, 'ɔ di 'le Betelɛmʋdɩɔ 'mʋ kɔ, ‑ɔ mɔ Dafidɩ a ‑gbɛ a 'dɩɔ.»