Luku 2:3 - Le Nouveau Testament en langue kroumen tépo

³ Ɛ nɛ‑ nue, 'ɛ nɩ nahuon 'bɔ nɩ 'o, 'ɔɔ 'le 'a 'dɩɔ 'mʋ mu, ‑ɛ die nu, ʋ 'muo 'le ‑hree.

Luku 2:3 Iomraidhean Croise

Luku 2:1

Ti a ‑gbɛ 'yri, Romakʋɛ a 'kɩɩn gblaka ‑ye nɩ la 'le. 'A 'dʋ mɔ la Ogusɩ. 'Kɩɩn Ogusɩ a ‑gbɛ, nɔ‑ mɔ la Romakʋɛ a 'blʋgbɩ 'bii a 'kɩɩn gblaka. ‑Nyrɔwɔ ꞊de 'mʋ, 'ɔ le 'a ‑kʋannunyʋ, 'ke bʋ ‑hre 'a 'blʋgbɩ a ‑gbɛ a nahuin 'bii, ɔ nɔ: «'Ɛ nɩ nahuon 'bɔ nɩ 'o, 'ke bɔ mu 'le 'a 'dɩɔ 'mʋ, 'ke ʋ dio 'le ‑hree!»

Luku 2:2

Nahuin‑hredɛ a ‑gbɛ, ɛ mɔ la 'a ye‑hɛdɛɛ nɩ. Ti a ‑gbɛ 'yri, nahuon ‑gbo, ‑ɔ kɔ 'dʋ mɔ la Kiliniusɩ, nɔ‑ mɔ la Siliblʋgba a ‑gʋlʋnʋma.

Luku 2:4

Ti a ‑gbɛ 'yri, nyɩbɛyu ꞊nʋ, ‑ɔ mɔ Sosɛfʋ, ɔ kɔ 'a 'bʋa Mari 'hɛɛn, 'ke ʋ 'ti 'le 'waa 'dɩɔ ꞊nʋ 'mʋ, ‑ɔ kɔ 'dʋ mɔ Nasalɛtɩ, 'ke 'le Galileblʋgba 'mʋ. Mari a ‑gbɛ, ɔ nɩ la 'mʋ 'kwli, 'ke 'le Nyɩsʋa a 'klɩ 'kwli 'mʋ. Ɔ kɔ Sosɛfʋ 'hɛɛn, ʋ 'de bʋɩ na ye po. Kɛɛ, Sosɛfʋ, nɔ‑ dio kɔ. Sosɛfʋ a ‑gbɛ, 'ke ɔ kɔ 'le 'dɩɔ ꞊nʋ 'mʋ, ʋʋ Betelɛmʋ daa, 'ke 'le Sudeblʋgba 'mʋ. Betelɛmʋ a ‑gbɛ 'mʋ, Sosɛfʋ a bu gblaka, ‑ɔ mɔ la bodɩɔ Dafidɩ, 'ke ɔ kɔ la ‑wɛ 'le. Nɛ‑ nue, Sosɛfʋ kɔ Mari 'hɛɛn 'ʋ ‑hɔn 'le Nasalɛtɩ 'mʋ, 'ʋ mu 'le Sosɛfʋ a ‑gbɛgbɛ a 'dɩɔ ꞊nʋ 'mʋ, ‑ɔ mɔ Betelɛmʋ, ‑ɛ die nu, ʋ 'mu 'le ‑hree.