Luku 12:14 - Le Nouveau Testament en langue kroumen tépo

¹⁴ ‑Ye kɛ ‑Yusuu ꞊nɔ ye po, ɔ nɔ: «Nyɩbɛyu o, nyɔ ꞊de 'de 'mʋ 'a nɩ ‑batiponyɔ 'mʋ nuu, kɔ 'a nɩ ‑tɔplɩwonyɔ 'hɛɛn.»

Luku 12:14 Iomraidhean Croise

Luku 12:13

‑Yusu bɔ nɩ 'le 'pʋprɛ kwa 'mʋ, ‑ye nahuon ‑ye, ‑ɔ nɩ 'le nahuin ‑hɛyri, kɛ ɔɔ ‑Yusu ye po, ɔ nɔ: «Tɔɔnyɔ, le 'na ‑dɩayu, 'ke ‑tɔplɩ ꞊nʋ, ‑a nɩ bu hie ‑a mʋ lɛ, ɔ kɔ 'mʋ 'hɛɛn ‑ba wi.»

Luku 22:58

Bɛ ‑hi 'klɛɛ, ‑ye nyɩbɛyu ‑ye 'ye Piɛlɩ nɩ. Kɛ ɔ nyo ye po: «‑Na ‑gbɛ ‑gbo, 'ke ‑n nɩ o 'le 'a nahuin ꞊nʋ ‑hɛyri.» ‑Ye Piɛlɩ nɔ: «Nyɩbɛyu o, ɛ 'de 'mɔ mɔ.»

Luku 5:20

‑Tɛ ‑Yusu 'ye, ‑ɛ mɔ, nahuin a ‑gbɛ, ʋ kuo ye ꞊wlʋ, ‑ɛ mɔ, ɔ ‑wɛ 'le bɔ nue nɩ, 'waa nɩ lɛ‑yɩyrɛnyɔ a ‑gbɛ, 'a 'kʋɛ bɛ ‑wɛ nɩ, ‑ye ɔ lo nɩ, ɔ nɔ: «Nyɩbɛyu o, ‑tɔplɩ ‑gbo, ‑n nu, ‑ɩ nyre 'yi lɛ, 'ke 'o Nyɩsʋa ye, ɩ 'wʋwlɛ nɩ.»

Saan 6:15

Kɛɛ, ‑Yusu yrie nɩ, ‑ɛ mɔ, ʋ dio 'nɩ klɩ, 'ke 'le 'klɩkɔ 'kwli 'mʋ, ɔ 'muo bodɩɔdɛ ‑nyi. Dɛ a ‑gbɛ, ɛ 'de ‑Yusu a kewɛɛnlɛ. Nɛ‑ nue, 'ɔ hren ꞊nʋ ‑wɔn, ɔ ‑do, 'ɔ mu 'le lele dʋgba 'lu.

Saan 8:11

‑Ye ɔ nɔ: «Iin ‑o, Kʋkɔnyɔ o. 'A nahuon ꞊de 'de 'o hie.» ‑Ye ‑Yusu nɔ: «'Na ‑gbɛ, 'nɩ po ꞊le ‑wɛ lɛ, ‑ɛ mɔ, ‑n nɩ 'mʋ 'kʋkʋɛ. ‑N ‑wɛ 'le ‑bo mu nɩ. Kɛɛ, ꞊nɩ nu 'le 'klɛɛ lele dɛ 'kuku.»]

Rɔmʋkʋɛ 2:1

‑Mɔ ꞊nʋ, ‑ɔɔ lɛ po: «Nahuin a 'klɔ nyre lɛ 'yi,» nahuon a gblo tio‑ ‑n 'ya 'mʋ 'le, ꞊nɩɩ nahuin ‑bati lɛ poo. ꞊Betɩ ‑bo 'ya 'ɛ nɩ nahuon ꞊de 'mʋ, ‑n 'de 'o ꞊wɔn kɔ, 'ke 'o Nyɩsʋa ye, ‑ɛ nue, kɛ ‑nɩɩ po: «Nahuiin 'wla ‑tɩ, 'ke 'o Nyɩsʋa ye,» kɛɛ ‑ye ‑tɔplɩɩ ‑do a ‑gbɛ, ‑ɩ kɔ ‑bati ‑nɩɩ nahuin lɛ poo, ɩ ‑do a ‑gbɛ, nɩ‑ mɔ ‑na nunuŋmli. 'Bɩa ꞊nɩɩ lɛ 'pʋprɛ nu, ‑n ‑do, ‑mɔɔ ‑n dɩɔnʋ ‑bati lɛ poo.

Rɔmʋkʋɛ 2:3

‑Mɔ ꞊nʋ, ‑ɔɔ 'yilɛnyre‑tɔplɩ a ‑gbɛ nu, Nyɩsʋa a ‑bati kɔ bɩ yɛ ‑mʋ.

Rɔmʋkʋɛ 9:20

'N nɔ 'nɩ: Nahuon tio‑ ‑n 'ya 'klɛɛ 'le, ‑mɔ ꞊nʋ, ‑ɔɔ lɛ 'le Nyɩsʋa a ‑wɔn'prɛɛlɛ nu? ꞊Be ya ‑gbo, ʋ mo, ɔ wɛ 'le bɔ le 'a nununyɔ nɩ, ‑ɛ mɔ: «Dɛ‑ kɔ 'mɔ ‑n nu lɛ nunue 'le?» 'Ʋʋn, ɔ 'die 'le ‑wɛ.