Luku 1:53 - Le Nouveau Testament en langue kroumen tépo

⁵³ Nahuin ꞊nʋ, kanʋʋ nu, ɔ ‑ha 'le ꞊hapʋ‑tɔplɩ, 'ɔ ‑nyi ꞊nʋ. Dɛkɔnyʋ ‑mɛ ‑ye, ɔ 'diu dɛ ꞊de ‑nyi, 'ɔ blʋ lɛ.

Luku 1:53 Iomraidhean Croise

Matie 5:6

Nahuin ꞊nʋ, ‑ʋ nye lɛ ꞊mɔ 'dɔ, 'ke 'le waa ꞊wlɩ 'bii ke, 'waa 'yrinaabʋɩ bɩ 'sii 'o ye, 'ke 'o Nyɩsʋa ye, nahuin a ‑gbɛ, bʋ kɔ plɔ a bleelɛ, ‑ɛ nue, dɛ ꞊nʋ, ʋʋ lɛ ꞊mɔ, Nyɩsʋa die ꞊nʋ 'nɩ ‑nyi 'bii.

Luku 1:54

'Plɩɩ, 'ɔ le la ‑a nɩ bunʋ, ‑ɛ mɔ, ɔ di la 'a dakʋ Yisraɛkʋɛ 'mʋ nu ꞊hapʋdɛ, ‑tɛ 'klɔ tɛ ye gbo. Kɛ'ɛ nɩ, ɔ nu la Abrahamʋ kɔ 'a 'yuo a 'yuo a leelɛ. 'Lepoodɛ a ‑gbɛ, ɛ 'de ꞊nɔ ‑wɔn ‑hri, 'ɔ dii 'a dakʋ ke.» Kɛ'ɛ nɩ, Mari nu Nyɩsʋa a baalɛ.

Luku 6:21

'A mʋ ‑gbo, kanʋʋ nu, kɛ nɔ 'klɔ ke, ba kɔ plɔ a bleelɛ, ‑ɛ nue, kanʋ 'deɛ bʋ nu lele 'a mʋ. 'A mʋ ‑gbo, ‑ʋʋ we, kɛ nɔ 'klɔ ke, ba kɔ plɔ a bleelɛ, ‑ɛ nue, a di 'nɩ 'ca.

Luku 6:24

Kɛɛ ‑ye kɛ ‑Yusuu nahuin ꞊nʋ ye po, ‑ʋ 'nɩnɩ ꞊tuu 'o Nyɩsʋa, ɔ nɔ: «A ‑mɛ ‑ye, 'jrɔ 'ke 'o 'a mʋ ‑wɔn, ‑ʋ mɔ dɛkɔnyʋ, ‑ɛ nue, a 'ye 'a nɩ plɔ a bleelɛ nɩ ‑dodo.

Saan 6:35

‑Ye kɛ ɔɔ 'klɛɛ ꞊nʋ ye po, ɔ nɔ: «'Mɔ 'we ꞊nɔ dididɛdʋ ꞊nʋ ye, ‑ɛɛ nahuin 'klɔ yrayrʋ ‑nyi. Nahuon 'bɔ nɩ 'o, 'bɔ kuo 'mʋ ꞊wlʋ ye, 'bɔ ‑hɛ 'na ‑naagbopʋyu, ɔ 'we ꞊nɔ nahuon ꞊nʋ ye, kanʋ 'nɩnɩ nu, kɔ 'nie'natʋ 'hɛɛn.

1 Kolɛtɩkʋɛ 1:26

‑Dɩayuo ‑a, ‑tɩ ‑gbo, 'nɩɩ mu ꞊tu, ba ‑hi 'lu ‑wɔn lɛ: 'A mʋ ꞊nʋ, Nyɩsʋa da, 'ke ba ‑hɛ 'a nahuin, nahuin a 'dʋ tio‑ a 'ya 'mʋ 'le? 'Ke 'le 'a mʋ ‑hɛyri, nahuin 'plɔplɔ 'de 'le nɩ, ‑ʋ kɔ ꞊tɔ, 'ke 'le 'klɔ ‑gbo a nahuin 'yi 'mʋ, kɔ, 'klɩkenɩnyʋ, kɔ nyɩblakɩ 'plɔplɔ 'de ‑wɛ 'le 'a mʋ ‑hɛyri nɩ.

1 Kolɛtɩkʋɛ 4:8

Ɛ 'we ꞊nɔ ye, a nye ‑wɔn lɛ ‑hie 'lu, ‑ɛ mɔ, ‑tɔplɩ 'bii ꞊nʋ, Nyɩsʋa, ɔɔ nahuin ‑nyi, a kʋɩ nɩ. A 'nɩ ‑hʋa ꞊le 'klɛɛ lele dɛ ꞊de, 'a ꞊cɛɛ 'o ye, 'ke 'o Nyɩsʋa a 'hru wlɔn. A nɔ 'nɩ, a 'bii, 'a mʋ mɔ nyɩgblakɩɩ nɩ, 'ke 'o Nyɩsʋa a 'hru wlɔn. Kɛɛ, ‑a ‑mɛ ‑ye, ‑a 'de nyɩgblakɩ. 'N nye wɛn 'nɩ ‑hʋa, 'ke ba 'ya ‑tɛɛ a nyɩgblakɩ 'mʋ, ‑ɛ die nu, a kɔ ‑a mʋ 'hɛɛn, ‑a 'bii, ‑a 'mʋ nyɩgblakɩ 'mʋ 'ya, 'ke 'o Nyɩsʋa a 'hru wlɔn.