Luku 1:3 - Le Nouveau Testament en langue kroumen tépo

³ 'A ‑tɩ, 'na ‑gbɛ, 'n ꞊gba lɛ wlɔn ‑tɛɛ, ‑tɛ ‑tɔplɩ a ‑gbɛ, ɩ nu la 'lu a ‑wɔnmumue, kʋɛ la 'o 'a ‑wlu꞊tutue 'yie 'mʋ gbo. ‑Tɛ 'n ꞊gba wlɔn lɛ, ‑ye 'n 'ye nɩ, ‑ɛ mɔ, ɛ nɔɔ 'o lɛ, ‑tɔplɩ a ‑gbɛ, ‑tɛ ɩ nu yrɛkʋkɔlɛ, 'ke ꞊bo 'crɩɩ, 'ke 'o ‑mʋ ‑wɔn, nyɩgblaka Teofilɩ.

Luku 1:3 Iomraidhean Croise

Luku 1:1

‑Na 'wio Teofilɩ. ‑N kɔ 'a yiyie, ‑ɛ mɔ, kɛ nɔ ‑a mʋ ‑hɛyri, ‑tɔplɩ 'plɔplɔ mue la 'lu ‑wɔn, 'ke 'o ‑Yusu 'Klɩsʋ a ‑ta 'mʋ. ‑Tɔplɩ a ‑gbɛ, ‑ɩ mue la 'lu ‑wɔn, 'dai nahuin pui 'yie lɛ, 'ʋ ‑hɛ la nahuin ꞊nʋ, ‑bʋ po Nyɩsʋa a ꞊hapʋtitie, 'ʋ nyi la nahuin ‑wɔn lɛ na. Ɛ kɔ ‑wɛ nahuin 'plɔplɔ ‑ye, 'ʋ nyi 'crɩɩ, ‑ɛ 'we ꞊nɔ ye, ‑tɛ nahuin ꞊nʋ, ‑ʋ 'ye la ‑tɔplɩ a ‑gbɛ, ʋ nu la 'a ꞊tutue.

Nunu‑tɔplɩ 1:1

‑Na 'wio Teofilɩ. 'Ke 'le 'na ye‑hɛcrɩɩnɩɛ 'kwli 'mʋ, 'n le ‑mʋ ‑tɔplɩ 'bii ꞊nʋ nɩ, ‑Yusu 'Klɩsʋʋ la nu, kɔ, ɔɔ la nahuin tɔɔ, kʋɛ la 'le gbo,

Nunu‑tɔplɩ 11:4

Bʋ po 'klɛɛ lɛ, ‑ye ‑tɔplɩ 'bii, ‑ɩ mue 'lu ‑wɔn, Piɛlɩ nɩ ꞊nʋ yrɛ ‑wɔn,

Nunu‑tɔplɩ 15:19

Sakɩ nɔ lele: «'N nye 'nɩ ‑hʋa, nahuin ꞊nʋ, ‑ʋ 'de ‑Juukʋɛ, 'bʋ kuo ‑Yusu ꞊wlʋ ye, ‑a 'nɩ ꞊tue 'le ꞊nʋ ꞊sʋɛ, ‑a 'nɩ hren 'le ꞊nʋ ‑a mʋ ‑Juukʋɛ a tetei 'yaklɩ.

Nunu‑tɔplɩ 15:25

Nɛ‑ nue, ‑a 'bii, ꞊a ‑yrɩ, 'ke ‑ba ‑ha nahuin, ‑a 'mu 'le 'a mʋ ‑wɔn lee, ʋ kɔ ‑a nɩ 'mʋnʋɛnyʋ Banabasɩ kɔ Pɔlʋ 'hɛɛn.

Nunu‑tɔplɩ 15:28

Nyɩsʋa a ‑Hihiu, ʋ kɔ ‑a mʋ 'hɛɛn, ‑a 'ye nɩ, ‑ɛ mɔ, ɛ nɔɔ 'o lɛ, 'ke ‑a nɩ hren 'le 'a mʋ bɛnʋ, ‑ʋ mɔ ‑Juukʋɛ a tetei 'yaklɩ. Kɛɛ, dɛ ‑gbo, ‑aa 'a mʋ ‑hʋa, nɛ‑ mɔ:

Nunu‑tɔplɩ 18:23

'ɔ ‑hi 'le 'dai ti gbi. ‑Ye ɔ bi lele wlɔn 'hru, 'ɔ 'bɛ 'blʋgbɩ ꞊nʋ ꞊tɩɔ, ‑ɩ mɔ Galatɩ kɔ Flisi, ‑Yusu a nahuin 'bii ꞊nʋ, ‑ʋ nɩ 'le 'blʋgbɩ a ‑gbɛ 'mʋ, 'ɔ ‑nyu 'klɩ, 'ke bʋ 'cipi 'o ‑Yusu a ꞊wlʋ a yekuolɛ.

Nunu‑tɔplɩ 23:26

«‑Gʋlʋnʋma Felisɩ, ‑na 'wio. 'Mɔ, Klodɩ Lisiasɩɩ nɩ, ‑ɔɔ ‑mʋ ‑wɔn 'crɩɩ.

Nunu‑tɔplɩ 26:25

‑Ye Pɔlʋ nɔ: «Nyɩgblaka Fɛtusɩ o, ‑na ‑kafania. 'Na 'lu 'de 'o 'hru wlɔn 'mʋ ‑hɔn. ‑Tɩ ꞊nʋ, 'nɩɩ ꞊tu, ‑tɩ a ‑tɛɛ nɩ, 'plɩɩ 'ɩ kɔ 'o.

1 Kolɛtɩkʋɛ 16:12

‑A nɩ 'dɩayu Apɔlɔsɩ ‑mɛ ‑ye, 'ke 'le ti 'plɔplɔ 'kwli 'mʋ, 'n 'bɔtɩɔ lɛ, 'ke ɔ kɔ ‑Yusu a nahuin ‑ye 'hɛɛn, ʋ 'mʋ 'a mʋ ye mu ‑mrɛ. Kɛɛ, ɔ 'de wɛn ‑wɔn a ‑wɛɛ, 'ke bɔ di 'le 'a mʋ ‑wɔn. Kɛɛ, 'bɔ kɔ 'hru, ɔ di 'le 'nɩ di.

1 Kolɛtɩkʋɛ 7:40

Kɛɛ, 'mɛ ‑ye, 'n nɔ 'nɩ, 'bɔ 'nɩnɩ di tɔ kɔ, ɔ di kɔ plɔ a bleelɛ, ɛ 'mʋ 'o ‑tɛ ɔ 'nɩnɩ kɔ wɛn tɔ 'mʋ ‑hi. 'N yie nɩ, ‑ɛ mɔ, Nyɩsʋa a ‑Hihiu nɩ ‑wɛ 'o 'mʋ 'mʋ ke. 'A ‑tɩ, ba po 'na win nʋa ye gbo.

1 Timote 4:6

‑Tɩ ‑gbo, 'nɩɩ ꞊tu, 'bɩa ꞊nɩ nyi ‑Yusu a nahuin tɔɔ, ‑ye ‑mɔ mɔ ‑Yusu 'Klɩsʋ a ‑tɛɛ a ‑kʋannunyɔ. Ɛ 'we ꞊nɔ ye, Nyɩsʋa a wintɛ, ‑n kue ye ꞊wlʋ, 'plɩɩ ‑tɛ ɛɛ po, kɛ'ɛ nɩ, ‑nɩɩ naalɛ nu. ‑Ye Nyɩsʋa a ꞊hapʋtɔɔlɛ, nɛ‑ ‑nɩɩ ‑wɔn kʋɛ.