Filipʋkʋɛ 3:5 - Le Nouveau Testament en langue kroumen tépo

⁵ ‑Tɩ kɔ ‑tɩ 'nɩ plɛ, 'n kɔ 'o ꞊wɔn, nɛ‑ mɔ, 'mɔ mɔ ‑tɛɛ a Hebrekʋɛyu'u nɩ. 'Ke 'n kɔ 'le Yisraɛkʋɛ a 'blʋgba 'mʋ. 'Nɩɩ po Bɛsamɛ꞊tugba. ‑Tɛ ʋ kɔ 'mʋ, ‑ye ‑nyrɔwɔ a ‑yehɛn‑yehɛn a nɔnɔ 'mʋ, ʋ 'bɛ 'mʋ ye, ‑ɛ 'we ꞊nɔ ye, ‑tɛ ‑a mʋ ‑Juukʋɛ a teteii 'a ꞊tutue nu. 'Ya 'o lele 'lu, 'mɔ mɔ la Falisi꞊tumu a nahuoon nɩ, ‑ʋʋ 'o ‑Juukʋɛ a tetei 'bii 'o ꞊tuu ‑tɛɛ, 'ʋ ‑hi 'o nahuin ‑ye 'mʋ.

Filipʋkʋɛ 3:5 Iomraidhean Croise

Luku 1:59

‑Tɛ 'yu ꞊cɛɛ 'wee, ‑ye ʋ di 'le ꞊le, ‑ɛ die nu, ʋ 'muo ye 'bɛ. ‑Ye ʋʋ ‑hʋa bʋ ꞊tuo 'o 'a bu Sakali 'nyrɛ.

Luku 2:21

‑Nyrɔwɩɩ ‑yehɛn‑yehɛn bɩ ‑hi, ‑ye ti ꞊nʋ ‑kɔ 'yri ʋ di 'o 'yuplu ꞊nʋ ye 'bɛ, ɩ nyre 'o ꞊o, 'ʋ 'bɩɔ ye, ‑ɛ 'we ꞊nɔ ye, ‑tɛ Moise a tetee po, ‑ɛ mɔ, 'yu 'bɔ kɔ ‑nyrɔwɩɩ ‑yehɛn‑yehɛn, ‑ye bʋ 'bɩɔ ye. ‑Ye ʋ ꞊tue 'yu a ‑gbɛ ‑Yusudʋ, ‑ʋ mɔ 'dʋ ꞊nʋ, Nyɩsʋa a lɛleenyɔ tɔɔ la 'a 'dii, ‑tɛ ɔ 'de la 'kwli 'mʋ a nɩɛ.

Luku 5:38

Nɛ‑ nue, 'ke 'le dahʋakɔ a buo yrayrʋ wlɔn, 'ke ʋʋ 'le nɔ yrayrɩ po.

Nunu‑tɔplɩ 22:3

«'Mɔ ‑Juukʋɛyu'u nɩ. 'Ke 'n kɔ 'le Tasɩdɩɔ 'mʋ, 'ke 'le Silisiblʋgba 'mʋ. Kɛɛ, kɛ 'n kuu nɔ Jrusrɛ 'mʋ. 'Na tɔɔnyɔ, 'a 'dʋ mɔ Gamaliɛlɩ. Nɔ‑ tɔɔ la 'mʋ tetei 'bii ꞊nʋ, ‑a nɩ bunʋ ‑Juukʋɛɛ 'o ꞊tuu, ‑ɛ die nu, 'mui ‑wɛ 'o ꞊tuu ‑tɛɛ. ‑Tɛ aa nu, 'a nɩ ꞊wlɩ 'ɩ nye ‑hʋa, 'ke ba nu Nyɩsʋa a ‑kʋan ‑tɛɛ, kɛ'ɛ nɩ, 'na ꞊wlʋʋ la 'a ‑hʋhʋa nu.

Nunu‑tɔplɩ 23:6

‑Ye 'klɛɛ, Pɔlʋ yie nɩ, ‑ɛ mɔ, ‑gboligbo a nahuin, 'a 'pɩa ‑ye mɔ Sadusɩ꞊tumu a nahuin, kɔ, 'a 'pɩa ‑ye mɔ Falisi꞊tumu a nahuin. ꞊Tumuii 'hɔn a nahuin a ‑gbɛ, ʋ 'de pɛ. Sadusɩ꞊tumu a nahuin, ʋ 'nɩ pui ꞊le ‑tɛɛ, 'ke nahuin ‑gbo, ‑ʋ 'kʋ, bʋ di 'le 'kʋkʋnyʋ ‑hɛyri 'mʋ ‑hɔn, bʋ di 'klɔ 'hrɩ, 'plɩɩ ʋ 'nɩ pui ꞊le ‑wɛ ‑tɛɛ, ‑ɛ mɔ, Nyɩsʋa a lɛleenyʋ nɩ 'klɔ, kɔ 'kuo 'hɛɛn. Falisi꞊tumu a nahuin ‑mɛ ‑ye, ‑tɔplɩdʋ a ‑gbɛ, ʋ nyi pue ‑tɛɛ. Nɛ‑ nue, Pɔlʋ 'ɔ 'yaa 'le win, ɔ nɔ: «‑Dɩayuo ‑a, 'mɔ mɔ Falisi꞊tumu a nahuon. 'Na bu mɔ ‑wɛ Falisi꞊tumu a nahuon. Nahuin, ‑ʋ 'kʋ, bʋ ‑hɔn 'le 'kʋkʋnyʋ ‑hɛyri 'mʋ, bʋ 'hrɩ 'klɔ, 'n kue ye ꞊wlʋ, 'nɩɩ dɛ a ‑gbɛ ‑pre, 'ke 'le ꞊wlʋ a 'lɩla 'kwli 'mʋ. 'Na ꞊wlʋ a yekuolɛ a ‑gbɛ, nɛ‑ nue, 'aa 'mʋ ‑bati lɛ poo.» 'Plɩɩ ɔ 'mʋ ‑tɩ ꞊nʋ mu ꞊tu, Falisi꞊tumu a nahuin kɔ Sadusɩ꞊tumu a nahuin, ʋ ‑tʋa ꞊yʋɛ a pupue gbo, ‑gboligbo a nahuin 'ʋ 'bɛ ꞊tɩɔ, 'ʋʋ lɛ ꞊mʋma.

Nunu‑tɔplɩ 6:1

Ti a ‑gbɛ 'yri, ‑Yusu a nahuin, ʋʋ klɛ 'nɩ bii 'dɔ. ‑Yusu a nahuin a ‑gbɛ, ʋ mɔ la ‑Juukʋɛ. ꞊Ʋ ‑ye, ʋʋ po Glɛkɩkʋɛwin. 'Ke ʋ kuu 'le 'blʋgbɩ ‑ye 'mʋ, 'plɩɩ 'ʋ ‑hɔn 'le 'mʋ, 'ʋ mu 'bri; ꞊ʋ ‑ye ꞊nʋ, ‑ʋʋ ‑Juukʋɛwin po, 'ke ʋ nɩ ꞊ke 'le 'bri. Nahuin ꞊nʋ, ‑ʋʋ Glɛkɩkʋɛwin po, ʋʋ 'mʋ lɛ 'nɩ 'pʋprɛ, 'ke 'o 'waa 'bienʋ ꞊nʋ ke, ‑ʋʋ ‑Juukʋɛwin po, ‑ɛ nue, ʋ nɔ 'nɩ, 'ɛ nɩ ‑nyrɔwɔ, ti ꞊nʋ ‑kɔ 'yri ʋʋ 'o didi‑tɔplɩ 'o woo, 'waa kotianyrʋ, nahuin 'nɩ kɔ ꞊le 'le 'waa dɛ ‑wɔn.

Rɔmʋkʋɛ 11:1

'Nɩɩ lele wlɔn ꞊gba dɛ ‑ye: ‑Tɛ ɛ nɩ lɛ 'mʋ, ꞊be ɛ ꞊hɛn 'nyrɛ, Nyɩsʋa bla 'a dakʋ Yisraɛkʋɛ ke, ‑ʋ mɔ ‑Juukʋɛ? 'Ʋʋn. Gbegbe, ɔ 'diu ke bla, ‑ɛ nue, 'na ‑gbɛ, 'mɔ mɔ Yisraɛkʋɛyu'u nɩ. 'Ke 'n kɔ 'le Bɛsamɛ a ꞊tugba 'mʋ, ‑ɔ mɔ Abrahamʋ a 'yuo a 'yu.

2 Kolɛtɩkʋɛ 11:22

Ʋ nɔ 'nɩ, ʋ mɔ ‑Juukʋɛ'ɛ nɩ. 'Na ‑gbɛ, 'mɔ mɔ ‑wɛ ‑Juukʋɛyuu nɩ. Ʋ nɔ 'nɩ, ʋ mɔ Yisraɛkʋɛ'ɛ nɩ, ‑ʋ mɔ Nyɩsʋa a dakʋ. 'Na ‑gbɛ, 'mɔ mɔ ‑wɛ Yisraɛkʋɛyuu nɩ. Ʋ nɔ 'nɩ, ʋ mɔ Abrahamʋ a 'yuo a 'yuoo nɩ. 'Na ‑gbɛ, 'mɔ mɔ ‑wɛ 'a 'yuo a 'yuu nɩ.