Efɛsɩkʋɛ 3:9 - Le Nouveau Testament en langue kroumen tépo

⁹ 'ɔ le ‑wɛ 'mʋ, 'ke ꞊bo ‑hɩhɩa nahuin 'bii dɛ ꞊nʋ klɛ, Nyɩsʋa ‑yra la, kʋɛ la 'le gbo, 'ke 'le ‑huhlikɔ 'kwli 'mʋ, ‑tɛ dɛ a ‑gbɛ, ɛ di 'lu a ‑wɔnmumue nu. Kʋɛ la 'le gbo, ‑bo yɛ ti ‑gbo ke, Nyɩsʋa, ‑ɔ mɔ ‑tɔplɩ 'bii a nununyɔ, ɔ ‑hli dɛ a ‑gbɛ nahuin ke 'yi.

Efɛsɩkʋɛ 3:9 Iomraidhean Croise

Matie 10:27

'Bɩa ꞊ba bii ye, ‑tɩ ꞊nʋ, 'nɩɩ 'a mʋ ye ꞊tu, ba ꞊tui 'o ‑tɛ ꞊nʋ, nahuin 'bii ‑wɛ 'le bʋ 'wɩɩn 'o. ‑Tɩ ꞊nʋ, 'nɩɩ 'le gbo blee, 'nɩɩ 'a mʋ ye ꞊tu, ba ꞊tui nahuin 'bii ye.

Matie 13:35

Kɛ'ɛ nɩ, ɔ nu 'a nunue, ‑ɛ die nu, ‑tɩ ꞊nʋ Nyɩsʋa a winwlɔn‑hɛnyɔ ‑ye, ɔ 'crɩɩ la, 'ke 'le Nyɩsʋacrɩɩnɩɛ 'kwli 'mʋ, ɛ 'mʋ nue. ‑Tɩ a ‑gbɛ, nɩ‑ ‑gbo: «Nyɩsʋa nɔ 'nɩ: 'N di nu ‑talʋdʋɩ, 'mʋ 'le ꞊nʋ ‑wɔn 'prɛɛ. ‑Tɔplɩ ꞊nʋ, nahuin 'de la yi, kʋɛ la 'le 'klɔ a ‑wlu꞊tutue 'yie 'mʋ gbo, 'mui ꞊nʋ tɔɔ.»

Matie 25:34

'Plɩɩ 'mɔ ‑gbo, ‑ɔ mɔ bodɩɔ, kɛ 'n di nahuin ‑gbo ye po, ‑ʋ nɩ nɔ 'na diidɛpɩa ke: Ba di 'le, 'a mʋ ꞊nʋ, 'na Bu Nyɩsʋa nu ꞊hapʋdɛ 'mʋ, ba kɔ Nyɩsʋa a 'klɔ yrayrʋ ꞊nʋ, ɔ po la lɛ, ɔ di la 'a mʋ ‑nyi, ti ꞊nʋ ‑kɔ 'yri ɔ nu la 'klɔ.

Matie 28:19

Ba mu 'le dakʋ 'bii ‑wɔn, ‑ʋ nɩ nɔ 'klɔ ke, ba nue, ʋ 'mʋ 'na ‑naagbopʋ ‑hɛ. Ba pu 'nie 'lu lɛ, 'ke 'le ‑a nɩ Bu Nyɩsʋa, kɔ 'a 'Yu, kɔ 'a ‑Hihiu a 'dʋ 'kwli 'mʋ.

Luku 24:47

'Plɩɩ Waanyɔ a ‑gbɛ a 'dʋ 'kwli 'mʋ, 'ke a di 'le Nyɩsʋa a ‑tɩ ꞊tuu. Nyɩsʋa a ‑tɩ a gbɛ, a di nahuin ye ꞊tu, ɩ nɩ‑ ‑gbo: Bʋ hie 'o 'waa dɛ 'kuku gbo, bʋ ‑nyi 'waa 'klɔ 'bii Nyɩsʋa, ‑ɛ die nu, ɔ 'mʋ 'waa dɛ 'kuku 'wʋwla. 'Bɩa 'baa Nyɩsʋa a ‑tɩ a ‑gbɛ ꞊tu, kɛ ba kʋɛ nɔ Jrusrɛdɩɔ 'mʋ gbo, kɔ, ba ꞊tui ‑wɛ dakʋ a gblegblei 'bii a nahuin ye, ‑ʋ nɩ nɔ 'klɔ ke.

Saan 10:30

'N Bu Nyɩsʋa kɔ 'mʋ 'hɛɛn, ‑a mʋ mɔ ‑tʋnahuoon ‑doo nɩ.»

Saan 5:17

Kɛɛ ‑ye ‑Yusu ‑hɩhɩʋ klɛ, ɔ nɔ: «'Na Bu, ɔɔ nu ‑kʋan 'ɛ nɩ ti. 'Na ‑gbɛ, dɛɛ ‑do, nɛ‑ɛ nɩ.»

Saan 5:19

‑Tɩ ꞊nʋ, ‑Juukʋɛ a ye'mʋnaanyʋ, ʋʋ ‑Yusu yɛɛ, 'ɔ nyu klɛ ‑hɩhɩa, ɔ nɔ: «'Nɩɩ 'a mʋ 'nɩ le ‑tɛɛ, 'mɔ ‑gbo, ‑ɔ mɔ Nyɩsʋa a 'Yu, 'n ‑do, 'n 'de 'le dɛ ꞊de a nunue 'le ‑wɛ. Dɛ 'nɩɩ 'ye, 'na Buu nu, ɛ ‑do a ‑gbɛ, nɛ‑ 'nɩɩ nu. ‑Tɔplɩ 'bii, 'na Buu nu, 'n nyi ‑wɛ 'nɩ nu.

Nunu‑tɔplɩ 15:18

Kɛ Kʋkɔnyɔ Nyɩsʋa po, ‑ɔ ‑yra ‑tɔplɩ a ‑gbɛ, kʋɛ la 'le gbo, 'plɩɩ ɔ 'mʋ 'klɔ mu nu.»

Rɔmʋkʋɛ 11:25

'Na 'dɩayuo ‑a, 'n nye 'nɩ ‑hʋa, 'ke ba yrii ꞊hapʋ‑tɩ ꞊nʋ 'mʋ lɛ, Nyɩsʋa ‑hli nahuin 'yi ke, 'plɩɩ ɔ tɔɔ 'mʋ, ‑ɛ die nu, a 'nɩ ꞊han 'le 'a nɩ dɩɔnʋ 'yaa. ‑Tɩ a ‑gbɛ, nɩ‑ ‑gbo: ‑Juukʋɛ, 'a 'pɩa ‑ye, nʋ‑ 'nɩnɩ ‑hʋa ‑bʋ kuo Nyɩsʋa ꞊wlʋ ye. Iin, 'ɛ mɔ ‑tɛɛ, kɛɛ, ʋ di ‑wɔn 'nɩ ꞊hɩan. Kɛɛ, 'plɩɩ ʋ 'mʋ ‑wɔn ꞊hɩan, nahuin 'bii ꞊nʋ, ‑ʋ 'de ‑Juukʋɛ, kɔ, Nyɩsʋa ‑ha 'le du 'mʋ, ɛ blɛ ye, nahuin a ‑gbɛ bʋ kuo ꞊wlʋ ye, 'plɩɩ ‑Juukʋɛ a ‑gbɛ, ʋ 'mʋ ‑wɔn ꞊hɩan, ʋ 'muo ‑wɛ ꞊wlʋ ye kuo.

1 Kolɛtɩkʋɛ 2:7

꞊Tɔdʋ ‑gbo, ‑ɔ kɔ ‑tɩ 'nɩɩ ꞊tu, nɔ‑ mɔ Nyɩsʋa a ꞊tɔ. ꞊Tɔ a ‑gbɛ, ɔ ‑hli la nahuin ke 'yi, ti ‑hi la ti 'yri, kɛɛ, ‑tɛ ti nɩ lɛ 'mʋ ‑gbo, Nyɩsʋa tʋɔ ‑a mʋ nɩ. Ti ꞊nʋ ‑kɔ 'yri ɔ 'de la 'klɔ a nue, ɔ ‑hie la ꞊tɔdʋ a ‑gbɛ ‑wɔn lɛ 'lu, ɔ 'muo 'le 'kwli 'mʋ naa, ɔ 'mʋ ‑a mʋ waa, ‑ɛ die nu, ɔ kɔ ‑a mʋ 'hɛɛn, ‑a 'mʋ 'le 'a ‑tɩ a 'yi'bʋaalɛ ‑hɛyri nɩ.

Efɛsɩkʋɛ 1:4

Ti ꞊nʋ kɔ 'yri Nyɩsʋa 'de la 'klɔ a nue, 'ke ɔ ‑ha la 'le ‑a mʋ du 'mʋ, ‑ɛ nue, ‑a kɔ ‑Yusu 'Klɩsʋ 'hɛɛn, ‑a ‑mʋɛ nɩ, ‑ɛ die nu, ‑a 'mʋ 'a nahuin 'mʋ 'ya, kɔ, 'ke 'o ꞊nɔ ye, dɛ 'klan ꞊de 'nɩ ꞊han 'le ‑a mʋ 'mʋ nɩ. ‑Tɛ ɔ nʋɛ ‑a mʋ 'mʋ,

Efɛsɩkʋɛ 3:2

'N pui ‑tɛɛ, a yie nɩ, ‑ɛ mɔ, Nyɩsʋa, nɔ‑ ‑nyi 'mʋ ‑kʋan a ‑gbɛ, 'nɩɩ nu, 'ke 'o 'a nɩ ‑ta 'mʋ. Ɔ nu 'mʋ 'mʋ ꞊hapʋdɛ, 'ke 'le ‑gbʋgbɛkɔ 'kwli 'mʋ, 'ɔ ‑nyi 'mʋ ‑kʋan a ‑gbɛ.

Efɛsɩkʋɛ 6:19

Ba da ‑wɛ Nyɩsʋa, 'ke 'o 'na ‑ta 'mʋ, ‑ɛ die nu, ‑tɩ 'n di ꞊tu, ɔ 'mui 'mʋ tɔɔ, 'nɩ ꞊han hʋannʋ pɩ, 'mʋ ‑Yusu a ꞊hapʋtitie ꞊nʋ po, ti ‑hi la a ti 'yri, ‑ɛ ‑hli la, kɛɛ, ɔ tɔɔ 'klɛɛ ‑a mʋ.

Kolɔsɩkʋɛ 1:23

Kɛɛ, a kɔ ba 'kɩɛ kue ‑Yusu 'Klɩsʋ ꞊wlʋ ye, a 'mʋ 'o 'a 'hru wlɔn 'cipi, a 'nɩ ꞊han 'pɩ klɛ bi, kɔ, ba 'kɩɛ kue ꞊hapʋ‑tɩ ꞊nʋ ꞊wlʋ ye, aa la 'wɔn, ti ꞊nʋ ‑kɔ 'yri ʋʋ la 'a mʋ ‑Yusu 'Klɩsʋ a ꞊hapʋtitie ꞊nʋ pue. ꞊Hapʋtitie a ‑gbɛ, ʋ pue 'klɔ ‑gbo ke a nahuin 'bii ye. 'Mɔ Pɔlʋ, ‑kʋan, Nyɩsʋa lee 'mʋ ‑wɔn, nɛ‑ mɔ ꞊bo pue nahuin ꞊hapʋtitie a ‑gbɛ.

Kolɔsɩkʋɛ 1:26

Ti ‑hi la a ti 'yri, Nyɩsʋa ‑hli la 'a ‑tɩ nahuin ke 'yi, kɛɛ, ‑tɛ ti nɩ lɛ 'mʋ ‑gbo, ɔ pui 'mʋ pepe', 'ke 'o 'a nahuin ‑wɔn.

Kolɔsɩkʋɛ 3:3

A yie nɩ, ‑ɛ mɔ, 'a nɩ 'klɔ 'ka ꞊nʋ, ɔ ‑wɛ 'le ꞊le, a 'we ꞊nɔ ‑tɛ ba 'nɩnɩ 'kʋ wɛn, 'plɩɩ ‑tɛ Nyɩsʋa bɔ 'nɩnɩ ‑ha wɛn 'le 'a mʋ 'kʋkʋɛ wlɔn. 'A nɩ 'klɔ yrayrʋ ꞊nʋ, 'ke ɔ puo 'le ‑Yusu 'Klɩsʋ kwa 'mʋ. Nyɩsʋa, nɔ‑ nyo 'yie ꞊tu.

Kolɔsɩkʋɛ 4:3

Ba da ‑wɛ Nyɩsʋa, 'ke 'o ‑a nɩ ‑ta 'mʋ, ‑ɛ die nu, ɔ 'mʋ 'hru ye kla, 'ke ‑ba pue nahuin 'a ꞊hapʋtitie, kɔ, ‑ba ꞊tu ‑Yusu 'Klɩsʋ a ‑tɩ ꞊nʋ, ‑ɩ ‑hli nahuin 'yi ke, ‑a 'mui ꞊nʋ klɛ ‑hɩhɩa. 'Be a yie nɩ, ‑ɛ mɔ, ‑tɛ 'nɩɩ ‑Yusu a ‑tɩ ꞊tu, nɛ‑ nue, 'ʋ po 'mʋ ꞊jɩ 'mʋ.

2 Tesalonikɩkʋɛ 2:13

'Dɩayuo ‑a, 'a mʋ ꞊nʋ, Nyɩsʋa nʋɛ 'mʋ, ɛ nɔɔ 'o lɛ, 'ke ‑ba ‑nyo 'wio 'ɛ nɩ ti, 'ke 'o 'a nɩ ‑ta 'mʋ, ‑ɛ nue, ‑tɛ Nyɩsʋa 'mʋ la 'klɔ ‑wlu mu ꞊tu, ɔ ‑ha la 'le 'a mʋ 'mʋ du, 'ke bɔ waa 'a mʋ, 'ke 'le 'a ‑Hihiu a 'klɩ 'kwli 'mʋ. 'A ‑Hihiu a ‑gbɛ, nʋ‑ nue, 'a ‑hɛ Nyɩsʋa a nahuin. Ɔɔ ‑wɛ 'a mʋ 'nɩ waa, ‑ɛ nue, a kuo ‑tɩ a ‑tɛɛ ye ꞊wlʋ.

1 Timote 3:16

‑Tɩ a ‑tɛɛ a ‑gbɛ, ɛ ‑hli o nahuin ke 'yi, Nyɩsʋa 'ɔ tʋɛ ‑a mʋ. Ɛ nye ‑a mʋ 'nɩ tɔɔ, ‑tɛ ‑a kɔ ‑ba nu Nyɩsʋa a 'hru a nɩna. ‑Tɩ a ‑tɛɛ a ‑gbɛ, ɛ mɔ dɛ gblakaa nɩ, ‑ɛ mɔ: ‑Yusu 'Klɩsʋ, ɔ ‑hɛ ‑tʋnahuon, 'ɔ di nɔ 'klɔ ke, kɛɛ, Nyɩsʋa a ‑Hihiu tʋɛ nahuin nɩ, ‑ɛ mɔ, ɔ mɔ Nyɩsʋa a 'Yuu nɩ. ‑Tɛ ɔ nɩ 'mʋ, kɛ Nyɩsʋa a lɛleenyʋ nu 'a 'yiye, nahuin 'ʋ ꞊tu 'a ‑tɩ, 'ke 'le dakʋ 'bii ‑hɛyri, dakʋ a ‑gbɛ a nahuin a gblegblei 'ʋ kuo ꞊wlʋ ye, Nyɩsʋa 'ɔ gbɔ 'le yakɔ 'mʋ, 'ɔ ‑nyi ꞊nɔ ‑tɩ a 'yi'bʋaalɛ.

2 Timote 1:9

Nyɩsʋa a ‑gbɛ, nɔ‑ waa ‑a mʋ, 'ɔ da ‑a mʋ, 'ke ‑ba 'ya 'a nahuin 'mʋ. Ɛ 'de ‑ba nu ꞊hapʋ‑tɔplɩ a ‑tɩ, ɔ 'de ‑a mʋ waa, kɛɛ, ɔ waa ‑a mʋ nɩ, ‑ɛ nue, ɔ ‑yrɩ nɩ, 'ke bɔ nu ‑a mʋ ꞊hapʋdɛ 'mʋ, 'ke 'le ‑gbʋgbɛkɔ 'kwli 'mʋ. Ɛ ꞊hɛn 'nyrɛ, ti ꞊nʋ ‑kɔ 'yri ɔ 'de la 'klɔ a nue, 'kee nɩ, ɔ ‑yrɩ la, 'ke bɔ nu la ‑a mʋ ꞊hapʋdɛ a ‑gbɛ 'mʋ, 'ke 'o dɛ ꞊nʋ, ‑Yusu 'Klɩsʋ di la nu a ‑ta 'mʋ.

2 Timote 4:17

Kɛɛ, ‑a nɩ Kʋkɔnyɔ, nɔ‑ 'de 'o 'mʋ gbo hie. Nɔ‑ ‑nyi 'mʋ 'klɩ, 'nɩ ꞊tu Nyɩsʋa a ‑tɩ ‑tɛɛ, dakʋ a nahuin a gblegblei 'ʋ 'wɩn. Kʋkɔnyɔ a 'klɩ, nɩ‑ nue ‑wɛ, ‑bati 'ɩ 'de 'mʋ klɩ, 'nɩ ꞊ta kɔkɔ' kwa.

Titɩ 1:2

Kɛ 'nɩɩ 'a nunue nu, ‑ɛ die nu, nahuin 'mue yi ‑tɛɛ, ‑ɛ mɔ, ʋ kɔ 'klɔ yrayrʋ ꞊nʋ nɩ, ‑ɔ 'nɩnɩ ‑wɛ 'le. Ti ꞊nʋ ‑kɔ 'yri Nyɩsʋa 'de la 'klɔ a nue, 'ke ɔ pue la 'le, 'ke bɔ ‑nyi la nahuin 'klɔdʋ a ‑gbɛ. 'Plɩɩ gbegbe, Nyɩsʋa 'nɩ 'du ꞊le hɩ.

1 Piɛlɩ 1:20

'Plɩɩ Nyɩsʋa 'mʋ la 'klɔ nu, 'kee nɩ, Nyɩsʋa ‑ha 'le ‑Yusu 'Klɩsʋ du 'mʋ. Kɛɛ, ti ‑gbo 'yri, ‑ɩ mɔ 'lelɛ'bɔɔti, ɔ titio nahuin 'bii ye, ‑ɛ die nu, ɔ 'mʋ 'a mʋ waa.

'Kwla'mʋ'yeecrɩɩnɩɛ 13:8

'Klɔ ke a nahuin 'bii, ʋ di dɛhʋɛ a ‑gbɛ 'nɩ baa, 'bɛ 'de nahuin ꞊nʋ, ‑ʋ kɔ 'dʋɩ ʋ 'crɩɩ 'le nahuin ꞊nʋ, ‑ʋ kɔ 'klɔ yrayrʋ a 'crɩɩnɩɛ 'kwli 'mʋ. ‑Tɛ Nyɩsʋa 'de la 'klɔ a nue, 'ke ʋ 'crɩɩ la 'dʋɩ a ‑gbɛ. 'Crɩɩnɩɛ a ‑gbɛ, 'Blayu ꞊nʋ, ʋ 'la la, nʋ‑ kʋɛ.

'Kwla'mʋ'yeecrɩɩnɩɛ 14:6

'Plɩɩ dɛ a ‑gbɛ, ɛ 'mʋ mu ‑hi, ‑ye 'n 'ye lele Nyɩsʋa a lɛleenyɔ ‑ye, 'ke 'le yrayrɩ, 'ɔɔ wan. 'A ‑kʋan, nɔ‑ mɔ bɔ mu Nyɩsʋa a ꞊hapʋtitie ꞊nʋ po, ‑ɛ 'nɩnɩ ‑wɛ gbo, kɛ nɔ 'klɔ ‑gbo ke a nahuin ‑wɔn, 'ke 'le 'blʋgbɩ 'bii 'mʋ, kɔ dakʋ 'bii ‑wɔn, ‑ʋ nɩ 'o 'ɛ nɩ ‑tɛgbi ꞊de, ‑ʋʋ 'ɛ nɩ 'briwin po;

'Kwla'mʋ'yeecrɩɩnɩɛ 17:8

Dɛhʋɛ ꞊nʋ, ‑n 'ye, ɛɛ o po ‑hʋnhlʋn. Kɛɛ, ‑tɛ ti nɩ lɛ 'mʋ ‑gbo, ɛ 'nɩ po ꞊le 'klɛɛ lele ‑hʋnhlʋn. Ti, ‑ɩ hie 'le, ɩ 'de ‑huo, ɛ 'mʋ 'le 'hʋɔ ꞊nʋ wlɔn 'mʋ ‑hɔn, ‑ɔ hren 'mʋ gbo. 'Bɛ ‑hɔn 'le 'mʋ, 'ke ɛ di 'le gbo‑wɛɛlɛ 'mʋ mu. Ti ꞊nʋ ‑kɔ 'yri 'klɔ ꞊tue la 'le ‑wlu, kɔ, ‑tɛ Nyɩsʋa 'crɩɩ la 'o nahuin a 'dʋɩ, 'ke 'le 'crɩɩnɩɛ ꞊nʋ 'kwli 'mʋ, ‑ɛ mɔ nahuin ꞊nʋ, ‑ʋ kɔ 'klɔ yrayrʋ a 'crɩɩnɩɛ, ti a ‑gbɛ 'yri, ɛ kɔ la nahuin ‑ye, ‑ʋ kɔ 'dʋɩ 'de la 'crɛɛ. Nahuin ꞊nʋ, ‑ʋ kɔ 'dʋɩ 'de la 'crɛɛ, 'bʋ 'ye dɛhʋɛ a ‑gbɛ, ɩ di ꞊nʋ 'nɩ saka, ‑ɛ nue, dɛhʋɛ a ‑gbɛ, ɛɛ o po ‑hʋnhlʋn, kɛɛ, ‑tɛ ti nɛ 'mʋ ‑gbo, ɛ 'nɩ po ꞊le 'klɛɛ lele ‑hʋnhlʋn, 'plɩɩ, 'ke 'le ti gbi 'kwli 'mʋ, ɛ 'mʋ lele 'klɔ 'hrɩ.»

'Kwla'mʋ'yeecrɩɩnɩɛ 4:11

«‑A nɩ Kʋkɔnyɔ Nyɩsʋa, ‑mɔɔ nɩ, ‑ɔ nu ‑tɔplɩ 'bii. Ɛ 'we ꞊nɔ ye, ‑n ‑hʋɛ nɩ, nɛ‑ nue, ꞊nɩ nu ‑tɔplɩ 'bii a ‑gbɛ, 'plɩɩ 'ɩ nɩ 'o. Nɛ‑ nue, 'ɛ blɛ ye nahuin 'bii bʋ ‑nyi ‑mʋ ‑tɩ a 'yi'bʋaalɛ, kɔ, bʋ ꞊tuu 'o ‑mʋ, kɔ, bʋ yrie, ‑ɛ mɔ, 'ke 'klɩ 'bii 'le ‑mʋ ‑wɔn 'mʋ ‑hɔn.»