Efɛsɩkʋɛ 2:7 - Le Nouveau Testament en langue kroumen tépo

⁷ Kɛ'ɛ nɩ, ɔ nu, 'ɔ naa 'le ‑Yusu 'Klɩsʋ 'mʋ, 'ɔ nu ‑a mʋ ꞊hapʋdɛ 'mʋ, ‑ɛ die nu, ‑tʋnahuin a ꞊hrɩn a ꞊hrɩn ꞊nʋ, ‑ʋ di 'le di, ʋ 'mue 'ye, ‑ɛ mɔ, 'a ꞊hapʋdɛ, ɔ nu ‑a mʋ 'mʋ, 'ke 'le ‑gbʋgbɛkɔ 'kwli 'mʋ, ɛ 'bʋa nɩ, 'ɛ ‑hi 'o 'ɛ nɩ dɛ ꞊de 'mʋ.

Efɛsɩkʋɛ 2:7 Iomraidhean Croise

Rɔmʋkʋɛ 2:4

'Ɛ mɔ ‑tɛɛ, Nyɩsʋa a ꞊wlʋ 'yɔpɔ nɩ, kɔ, 'ɔ kɔ ‑wɛ ꞊wlʋ a 'lɩla, 'ke 'o ‑na nunuŋmli 'kukui a ‑ta 'mʋ. Kɛɛ, dɛ a ‑gbɛ a ‑tɩ, ꞊nɩ yrɔɔ 'le. Kɛɛ, kɔ 'a yiyie, ‑ɛ mɔ, Nyɩsʋa a 'mʋnʋɛlɛ, kɔ 'a ꞊wlʋ a 'lɩla, ɩ blɛ ye bɩ ‑hɛ ‑mʋ 'mʋ, ‑bo hie 'o ‑na nunuŋmli 'kukui gbo, ‑bo ‑nyi ‑na 'klɔ 'bii Nyɩsʋa.

Efɛsɩkʋɛ 1:7

'A 'Yu a ‑gbɛ, nɔ‑ kɔ dablo ɔ nu, 'ɔ ꞊gbla ‑a mʋ, ɛ ꞊hɛn 'nyrɛ, ɔ ‑hri ‑a nɩ dɛ 'kuku a ‑tɩ ‑wɔn. Ɔ nue nɩ, ‑ɛ nue, ‑a kɔ 'a 'Yu a ‑gbɛ 'hɛɛn, ‑a ‑mʋɛ nɩ. Nɛ‑ kɔ 'kwli 'mʋ, ɔ naa 'le, 'ɔ tʋɛ ‑a mʋ, ‑ɛ mɔ, ꞊hapʋdɛ, ɔ nu ‑a mʋ 'mʋ, 'ke 'le ‑gbʋgbɛkɔ 'kwli 'mʋ, 'a ‑tɩ 'bʋa 'yi.

Efɛsɩkʋɛ 2:4

Kɛɛ, ɛ 'deɛ bɛ nɩ lɛ 'mʋ, 'ke 'o ‑a mʋ ‑wɔn, ‑ɛ nue, Nyɩsʋa, ɔ kɔ ‑a nɩ wɔlɩ. Ɔ nʋɛ ‑a mʋ 'mʋ nɩ 'dɔ,

Efɛsɩkʋɛ 3:21

‑Ba baa Nyɩsʋa, 'cʋɛ a nahuin a ‑tɩ, kɔ ‑Yusu 'Klɩsʋ a ‑tɩ. ‑Tʋnahuin a ꞊hrɩn a ꞊hrɩn bʋ ‑nyi ꞊nɔ ‑tɩ a 'yi'bʋaalɛ, ‑tɛ 'klɔ tɛ ye gbo. Kɛ'ɛ nɩ, bɛ nɩ 'mʋ.

Efɛsɩkʋɛ 3:5

Ti ‑hi la a ti 'yri, Nyɩsʋa 'de la ‑huhlidɛ a ‑gbɛ nahuin tɔɔ. Kɛɛ, ‑tɛ ti nɩ lɛ 'mʋ ‑gbo, ɔ ya 'le 'a ‑Hihiu nɩ, ‑ɛ die nu, ɔ 'mʋ dɛ a ‑gbɛ nahuin tɔɔ. 'Ɛ mɔ ‑tɛɛ, 'a ‑wɔnnaanyʋ, kɔ 'a winwlɔn‑hɛnyʋ ꞊nʋ 'hɛɛn, ɔ po 'pɩa ke, 'ke 'o 'a ‑gbɛ ‑wɔn, nʋ‑ ɔ tɔɔ dɛ a ‑gbɛ.

2 Tesalonikɩkʋɛ 1:12

Nahuin 'bʋʋ dɛ a ‑gbɛ 'ye, ‑ye ʋ di ‑a nɩ Kʋkɔnyɔ ‑Yusu 'nɩ baa 'a nɩ ‑tɩ, ʋ 'mʋ ‑wɛ 'a mʋ baa, ‑a nɩ Kʋkɔnyɔ a ‑gbɛ a ‑tɩ. Dɛ a ‑gbɛ, ɛ di ‑wɔn mue 'lu, ‑ɛ nue, ‑a nɩ Nyɩsʋa kɔ ‑a nɩ Kʋkɔnyɔ ‑Yusu 'Klɩsʋ 'hɛɛn, ʋʋ 'a mʋ 'mʋ nu ꞊hapʋdɛ.

Titɩ 3:4

꞊Hapʋkɔ, ꞊aa la lɛ nu, kɛɛ, Nyɩsʋa ꞊nʋ, ‑ɔ mɔ ‑a nɩ Waanyɔ, ɔ tʋɛ ‑a mʋ nɩ, ‑ɛ mɔ, ɔɔ nahuin 'bii 'mʋ nu ꞊hapʋdɛ, kɔ, ɔ nʋʋ 'mʋ nɩ 'dɔ.

1 Piɛlɩ 1:12

Nyɩsʋa 'ɔ le ꞊nʋ, ‑ɛ mɔ, ɛ 'de ꞊nʋ, ʋ 'deɛ bʋ 'ye ‑tɔplɩ a ‑gbɛ, kɛɛ, 'a mʋ'ʋ nɩ, ‑ʋ di 'ye. Ti ‑gbo 'yri, nahuin ꞊nʋ, ‑ʋʋ ‑Yusu a ꞊hapʋtitie po, ʋ le 'a mʋ ‑tɔplɩ 'bii a ‑gbɛ nɩ. Nyɩsʋa a ‑Hihiu ꞊nʋ, ɔɔ nahuin ‑nyi, nʋ‑ ꞊tu ꞊nʋ ‑tɔplɩ a ‑gbɛ wlɔn. ‑Tɔplɩ a ‑gbɛ, Nyɩsʋa a lɛleenyʋ, ʋ nye ‑wɛ 'nɩ ‑hʋa, 'ke bʋ yi wɛn, kɛɛ, Nyɩsʋa a ‑Hihiu 'di ꞊nʋ tɔɔ.