Rut 1:8 - Toba del Oeste

⁸ Qama'le ca'li yeuo'tape, jañe'me Noemí male dojapegue'to naa'me latel, qama'le enaac: «Jamoyi, 'noota qom auajoyiyi joga'me at'achaqadi': auajoyiyilo jogaa'me adat'eldi'. 'Noota qom joñe'me Jaliaĝanec yataqachiñe ami yichoĝode'n, ami e'teque ena'am joga'me jayem aueñe'tec ca'li, da'me yataqachiñe jayem avichoĝodeñi nataq'aen da'me avichoĝodeñi' ca'li dia'me yalaqa.

La'aqtaqa Ñim Lo'onatac 'Enauacna 2013

⁸ Qalaxaye co'ollaq mashe quetrague' so nqa'aic, nache 'enapegalo' soomaye, 'eeta': Qavi'iguelaqai qome, qavi'iguelaqaiua'alo caua qarma'achilli' da qoñiỹo'oto caua qarachi'illi', qaq Ñim Nataxala' qami' ỹanema qome da lchoxonntaxanaxa, 'eeta'am da qoñeetec da aỹem qauchoxoyiñi, qataq yeua ỹalqa co'ollaxa.

Rut 1:8 Iomraidhean Croise

2 Samuel 2:6

Chane'eja 'noota qom ñe'me Jaliaĝanec yataqachiñe ami yichoĝode'n; nach'e ena'am da'me jayem, onaĝaic da'me ami je'eteque qomle jouaĝat dojo' auauoyi ca'li.

Rut 1:5

qama'te nataq'aen male yele'u dia'me Mahlón nataq'aen di'me Quilión, qama'le jaga'me Noemí yataqachiñe ja yayaten ga'me ya'uo, yataqachiñe totelegue queda'me male qayaua dia'me c'oqo'te, nataq'aen qaya'te lequiaĝaua.

Rut 1:7

Chane'eja jañe'me male nechachiñi qama'le ca'e di'me Moab qaedi yitaĝa 'viyelaĝague di'me mach'e 'naleua jo'ne Judá. Nataq'aen quetedapegue' ñaa'me la'yoĝo'u.

Rut 1:9

'Noota qom ñe'me Jaliaĝanec yitaĝa ami yaje'tema ta'le a'uoñi, qama'le auauoyi ga'me mach'e at'achaqadiaĝa'u, qaedi yataqachiñe ami made'tape jo' qomle.» Yem ca'li dojetac, jañe'me Noemí male onole'tape da'me nec'ouo' ñaa'me yauo' ca'li, qalaĝaja ca'li yem da'me dojo', ñaa'me yauo' male noye'n ca'li,

Rut 2:20

Qampaja'a joca'li domachiya jena'me jenjo' jañe'me Noemí male enaac: «¡'Noota qom joñe'me Jaliaĝanec Dios yataqachiñe ue'tajop joñe'me! Yataqachiñe onaĝaicaloec queda'me qo'mi yichoĝode'n, ena'am da'me e'tema ca'li jodia'me joote qayaua jo'ne qadoua'. Jetaque nataq'aen am ja'aĝatem queda'me jenjo' jiyaĝaua mach'e ya'yoĝoua, qama'le qoyaje'tem da'me qo'mi netelalo.»

Rut 3:10

Enaac joñe'me Booz: «¡'Noota qom joñe'me Jaliaĝanec yataqachiñe am ue'tajop! Nataq'aen yitaĝa am jec'atenec da'me yataqachiñe adoqopita jodi'me adoua, te'me jalcote jena'me jiyaĝadipi ta'le auelaque ga'me nejoqolec neuoyaq, uotaĝa qaya'te yauana, qaedi ona'ajop, qalaĝaja ja naq'aeta.