Jonás 4:2 - Toba del Oeste

² Qama'le male netamenot joñe'me Jaliaĝanec, enaac: «Am Jaliaĝanec, jenjo' jo'ne nach'ena, 'me jayem joote ja'aĝatetac ca'li, da'me naqaena 'me 'uo jo' qom'te, ca'li male jayem auana da'me joue'ta di'me mach'e 'ñaleua. Chane'eja paja'a da'me te'me jec, jajoyi di'me noic jo'ne Tarsis, qa'a jayaten da'me naqa'am Dios jo'ne onaĝaicaloec nataq'aen choĝodenataĝanaĝaic, choqoda'me ja paja'a da'me aualemata, qa'a 'uo da'me adoqopich'i let'adaic. Chane'eja da'me a'uaĝatetac da'me aua'uo qomle ga'me ne'uaĝanague'j jenjo' noic, qama'te ja auen 'te yepaquichigui da'me jo'ne a'uaĝatetac 'me jetaque aua'uo.

La'aqtaqa Ñim Lo'onatac 'Enauacna 2013

² Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Jonás 4:2 Iomraidhean Croise

Amós 7:3

Qampaja'a ñe'me Jaliaĝanec yaĝañi joga'me te'me 'yeteque, qama'le enaac: «¡Jenjo' male ja di'yoq qomle!»

Amós 7:6

Qama'le joñe'me Jaliaĝanec yitaĝa ja ya'uo jena'me jenjo' ca'li, qama'le enaac: «Yataqata ja ja'uo qomle jena'me jenjo'.»

Jonás 1:3

Qalaĝaja ñe'me Jonás da'me ja jetaque yoqo'cha da'me jo'ne qoyamaĝalegue, qama'le yelaque ga'me jo'ne jetaque ta'ya da'me male dajo'yem joñe'me Jaliaĝanec. Chane'eja yec'ata di'me noic jo'ne Jope 'me nedapi'ña gaa'me licotal. Qama'le naqaedi 'me ua'a da'me male yauana jaga'me licota jo'ne male yovita da'me laloqo' da'me jetaque ec, dajoyi di'me noic jo'ne Tarsis. Chane'eja ñe'me Jonás da'me yem da'me ecot jajo'me lenotaĝaiqui, qama'le nañgui jajo'me licota da'me male ec, qaedi yec'ata jodi'me Tarsis, qa'a etapega naq'aeta da'me dajo'yem joñe'me Jaliaĝanec.

Jonás 3:10

Chane'eja, ca'li yauana joñe'me Dios da'me jo'ne ya'uo joga'me jiyaĝadipi jo'ne Nínive laje'pi, choqoda'me male nach'e ena'am yaĝadiñe naa'me mach'e 'lamaqatenataĝanaĝaco jo'ne ja 'noe'n, qama'le ja en 'te yepaquichigui da'me jo'ne joote te'me 'yaĝatema.

Jonás 3:9

Qaedi male uotaĝa ja en 'te yepaguelegue da'me ya'uo ga'me qo'mi 'yeteque joñe'me Dios, qama'le uotaĝa paja'a da'me en qaya da'me te'me lalemataic. Chane'eja qom naq'aeta qama'le ja qo'mi 'te yepaguelo'te da'me qadeleuaĝa.»

Miqueas 7:18

Qaya'te Dios laqaya ta'le am ena'am, qa'a auapalaĝa't gaa'me qadoeco, nataq'aen auapalaĝate'talo gaa'me qanautenaĝaco, da'me qo'mi ac'oqo'tepi jo'ne ja qo'mi 'te lama'y. Ja nach'e eta't am ue'tajop da'me adalemataic, qa'a 'uo da'me adamaic nale qo'mi aualoĝonalo da'me adichoĝodenataĝanaĝac.