Joel 3:2 - Toba del Oeste

² Male japotena't yema jogaa'me noyaqa, qama'le jaueguelo di'me c'ama'ague jo'ne lenaĝat da'me Josafat. Qama'le ua'a da'me ja'uo yec'atenaĝanaĝac, yajouaĝat ca'li joga'me 'yeteque jena'me yalaqapi jo'ne Israel laje'pi: ua'a ca'li male nelagaĝa, laguedelegue jena'me aleua; chayovida'a da'me necolaĝachidegui di'me mach'e 'ñaleua.

La'aqtaqa Ñim Lo'onatac 'Enauacna 2013

² nache llaỹona't qome 'enauac na ỹotta'a't shiỹaxauapi, nache sauega ye ca'amegue Josafat, yem huaña da ñemit qome namayepi, souaxat nam ỹo'otecpi co'ollaxa nam ỹalamaxat nhuo' Israel le'ecpi, da ilagaxaalec nam ỹotta'a't 'alhuapi, qataq namayepi nalogui na ña'alhuapi.

Joel 3:2 Iomraidhean Croise

Joel 3:12

¡'Noota qom aniyamaĝacheta't, ena'uac ami jo'ne noyaqa laqaya'! ¡Auec'achiya jodi'me c'ama'ague 'me lenaĝat da'me Josafat! Qa'a male ua'a da'me ya'uo lec'atenaĝanaĝac joñe'me Jaliaĝanec, qaedi ye'uaĝa'n qomle yemeda naa'me noyaqa jo'ne neje'gue.

Joel 3:14

Yataqata jalcote gaa'me ueteda'a di'me c'ama'ague jo'ne ua'a da'me male ya'uo ñe'me Jaliaĝanec ga'me lec'atenaĝanaĝac, qa'a nadi'tequena ga'me nolo' qom ya'uo ga'me le'uaĝanaĝanaĝac.

Amós 1:11

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Edom, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yecaa'tape ga'me mach'e laqaya' chayovida'a da'me yalateque gaa'me ledaĝanaqa'te. Qaya'te lichoĝodenataĝanaĝa'j, yataqata dalemata'y, qama'le qaya'te loiquiaqa' da'me 'lotanaĝanaĝa'j.

Miqueas 4:12

Qalaĝaja naa'me naajo' noyaqa ja yateto'n gaa'me lelnataĝaco joñe'me Jaliaĝanec mach'e Dios, nataq'aen ja yetade'n joga'me jetaque 'lonataĝanaĝac joñe'me. Ja yayate'n da'me naqaeñe yemata'a't qomle, ene'tem joga'me auaqapi p'inec da'me naqa't gaa'me layoqotel, qom ya'uo lec'atenaĝanaĝac.

Sofonías 3:8

Chane'eja nayi, cha'li jayem auajoi'ta da'me joñejeguem qomle qama'le yitaĝa ja'uo ga'me 'yaqatac, qaedi ami ja'aĝatema da'me 'uo joga'me je'eteque gaa'me noyaqa. Nach'ena jenjo' ñenaĝategue, mach'e jayem jo'ne Jaliaĝanec: male jen dajoya't yemeda gaa'me 'nachaqa'te, nataq'aen jiyaĝanalo jogaa'me lejaliaĝanaqa jogaa'me, qaedi male jecodelo'te jogaa'me da'me yalemataic, nataq'aen joda'me yec'atenaĝanaĝac jo'ne ja 'nalegue. Qa'a jena'me yalemataic ena'am ga'me dole' t'adaic, qama'le japalaĝat jo' qomle yema da'me 'nachaqayaĝac.