Joel 3:16 - Toba del Oeste

¹⁶ Ga'me ua'a qama'le joñe'me Jaliaĝanec da'me lajamaĝa ena'am jaga'me qajoĝonaĝa nale ne'uaĝanaĝatapiñi, chimaqapi'ña di'me Sión, jo'ne nach'edi di'me noic Jerusalén, qama'le jena'me piyem nataq'aen jena'me aleua yataqata deda'y qomle. Qalaĝaja joñe'me Jaliaĝanec naqaeñe 'me nañoĝotaqa' ga'me Israel laje'pi mach'e lec'oqo'tepi.

La'aqtaqa Ñim Lo'onatac 'Enauacna 2013

¹⁶ Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Joel 3:16 Iomraidhean Croise

Oseas 11:10

Jogaa'me male quetegue joñe'me Jaliaĝanec, qama'le da'me lajamaĝa yataqata ena'am joga'me jauaĝaic nale ya'uo lajamaĝa; qama'le uo'oe gaa'me novi't diviloĝo'l, chiyoqo'tegue jodi'me chauo'o.

Amós 1:2

Naq'aeta da'me 'laqataĝanaĝac ñe'me Amós ca'li: Ñe'me Jaliaĝanec Dios en qodomachiya da'me lajamaĝa jo'ne ena'am ta'le qajoĝonaĝa lajamaĝa, chimaqapi'ña di'me qajoĝonaĝa jo'ne Sión, jo'ne nach'edi di'me noic let'adaic Jerusalén. Qama'le daqaqa'y gaa'me 'nale'u gaa'me 'nanaĝate nouatoqo't, nataq'aen daqaqa qomle di'me p'ajeguem ga'me qajoĝonaĝa jo'ne lenaĝat Carmelo.

Amós 3:8

Qom t'oqo ñe'me jauaĝaic, ¿jach'e ga'me ja do'e? Nataq'aen qom doje joñe'me Jaliaĝanec, ¿jach'e ga'me aqataĝanaĝaic jo'ne ja 'yaĝatetac?

Nahúm 1:7

Joñe'me Jaliaĝanec yataqata onaĝaicaloec; yapiyetot nale gaa'me jo'ne 'uo da'me lachoĝode'j, qa'a netelalo jogaa'me p'iida'a joñe'me.

Hageo 2:6

»Ja cop'a jo' qomle male jen t'oqo jodi'me piyem, jen deda jena'me aleua: joga'me ñache let'a choqona'me aleua yataqata jen deda'y qomle.

Hageo 2:7

Male yema jen deda naa'me 'nachaqa'te jena'me jenjo' aleua, qama'le yema qonedo'quena joga'me leuoyaĝac, qama'le joñe'me tamenaĝaiqui yataqata najaĝaye da'me 'lonaĝac.» Naq'aeta joda'me 'laqatac joñe'me Jaliaĝanec jo'ne napacalegue ena'uac.

Zacarías 10:12

Ja'uo 'lañaĝa'j qomle, qama'le que'teguelo naa'me yadico. Mach'e jayem Jaliaĝanec, naq'aeta jenjo' 'yaqatac.»

Zacarías 10:6

Jenjo' 'laqatac ñe'me Jaliaĝanec: «Qomle ja'uo 'lañaĝa'j gaa'me chiyoĝoteguet di'me Judá, nataq'aen ñec'alaĝatedegue gaa'me chiyoĝoteguet di'me José. Yataqata jouetauelo chayovida'a qom yitaĝa 'niyela' jogaa'me, qa'a yataqata jichoĝode'n gaa'me. Qama'le yitaĝa ena'am ta'le qaya'te 'uo ca'li da'me jo'ota'n, qa'a naqayem Jaliaĝanec jo'ne mach'e Nedios, jo'ne ñaquiaĝanalo jogaa'me netamenaĝaco.

Zacarías 9:12

Ami jo'ne ne'uaqa jo'ne ami uetauelo da'me adeuataqataĝanaĝaqui, a'viyelaqaeya joga'me mach'e at'achaqadi', nach'ega jo'ne 'uo ga'me lequepaĝanaĝat. Ami ja'aĝatema da'me ami uauelo qomle joga'me adeuoyaĝaqui jo'ne jen napacalegue joga'me adachoĝodequi jo'ne ami jachalo'te ca'li.

1 Samuel 15:29

Ñe'me Jaliaĝanec, jo'ne nach'eñe 'lonaĝac ga'me Israel, ja doqovinaĝan nataq'aen ja nejouoĝoñe, qa'a ñe'me ja ch'e jiyaĝaua qaedi nejouoĝoñe ga'me lelnataĝac.»