Joel 2:2 - Toba del Oeste

² Ga'me nolo' yataqata 'naltapiye qomle, qa'a jalcote joga'me piyem lo'oc, chayovida'a 'uo jena'me paqal. Male na'j joga'me coicopi jo'ne 'uañaĝayaqa: joote nelagaĝa da'me tauelo naa'me qajoĝona'a, ena'ama joga'me ajeua lichel nale yamta'le 'yoĝoñi. Jenjo' yataqata ja qoyauana ca'li, nataq'aen ja yitaĝa qoyauana ta'le ena'am.

La'aqtaqa Ñim Lo'onatac 'Enauacna 2013

² nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Joel 2:2 Iomraidhean Croise

Joel 1:6

Qa'a jana'me qojequioĝoe yataqata jalcote, qama'le joote uetedalegue jenjo' mach'e qa'naleua. Ena'ama joga'me coicopi jo'ne nalada't lo'ol: yataqata diquiya'ape jogaa'me, gaa'me lodaitel ena'am joga'me jauaĝaic.

Joel 2:25

«Male ami ji'iyelaĝatoto gaa'me 'uoidi jo'ne onaĝayaqa, qa'a jaa'me jaajo' 'uoidi ca'li qaya'te chiyaqayilo nale ye'm. Ja yitaĝa ta'le uo'oe gaa'me qojequioĝoel jo'ne yapalaĝat ena'uac, ca'li ami ñamaĝalo qaedi ami nautenalo.

Joel 2:31

Jañe'me ajeua yitaĝa en 'naltapiye qomle, nataq'aen joñe'me auoĝoic qoyen ena'am jaga'me netauo', qama'le yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a. Naq'aeta da'me 'yaqatac, mach'e jayem Jaliaĝanec.»

Joel 2:5

Qom tauelo naa'me qajoĝona'a, qama'le da'me lajamaĝa ena'am jaga'me cadeeta jo'ne nalada't lo'o, uotaĝa yejam ena'am jaga'me epaq layoqote nale qaqata qama'le tañgui ga'me dole' da'me yavic. Ena'ama joga'me coicopi jo'ne 'uo da'me lichic nale nalochiñe da'me male jetaque deloiqui'y gaa'me.

Joel 3:4

Ami noyaqa Tiro choqodi'me Sidón, nataq'aen yema ga'me aleua jo'ne Filistea: ¿jach'e ga'me ami je'eteque ca'li? ¿Qo'li jetaque auauoyi lajo'vi ga'me ami je'eteque ca'li? Qalaĝaja qom naq'aeta qama'le paja'a da'me ami janema joga'me mach'e ane'uaĝanaguequi.

Amós 4:13

Joñe'me jo'ne ye't ca'li gaa'me qajoĝona'a nataq'aen joga'me layat, jo'ne 'yaĝatema nale joga'me jiyaĝadipi joga'me 'yetetac, jo'ne yaqanatet ta'le jena'me jenjo' 'yoqochiñe male en 'naltapiye, jo'ne quetalo'te nale dia'me qayaje'meque jena'me aleua: joñe'me Jaliaĝanec jo'ne napacalegue ena'uac, naqaeñe jo'ne ye'et yema da'me dojo'.

Sofonías 1:7

¡Aueñi tochiñe, da'me ami jo'ne auajoi'tot joñe'me Jaliaĝanec, qa'a male na'taquena joga'me nolo' jo'ne p'ategue! ¡Male na'taquena da'me lec'atenaĝanaĝac joñe'me Jaliaĝanec! ¡Joñe'me jetaque 'uo joga'me ya'uo ga'me lajaqajec, qama'le joote yiyaĝanalo jogaa'me laute'u, da'me natequena qaedi qoyala't ga'me Judá laje'pi!

Zacarías 14:6

Qom yovita ga'me nolo' qom 'uo jena'me jenjo', male qaya joga'me 'yoqochiñe, qa'a male om jañe'me ajeua nataq'aen joga'me auoĝoic.