Joel 2:14 - Toba del Oeste

¹⁴ Uotaĝa male ja ya'uo joga'me ane'uaĝanaguequi, qama'le ami namaĝalo da'me lichoĝodenataĝanaĝac: uotaĝa male ami yanema joga'me trigo jala choqoga'me uva li'i, qaedi yitaĝa auañem ga'me adajaqajequi joñe'me Jaliaĝanec mach'e Anedios.

La'aqtaqa Ñim Lo'onatac 'Enauacna 2013

¹⁴ Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Joel 2:14 Iomraidhean Croise

2 Samuel 12:22

Ñe'me David 'yategueta: «Ca'li maliaĝa nec'aletaye di'me notolec, ñoqouaqatetapela't nataq'aen ñoyetac qa'a jetapega jayem yichoĝoden ñe'me Jaliaĝanec, qama'le nec'alaĝategue di'me notolec.

2 Samuel 16:12

Uotaĝa ñe'me Jaliaĝanec yauana da'me yachoĝodec, qama'le jayem 'yetec da'me onaĝaic, qama'le ja yepaquichigui ga'me nejouenaĝanaĝac jo'ne jomachiya nayi.»

Joel 1:13

Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.

Joel 1:16

Yataqata jauanaqachigui da'me qodeuodaĝanec joda'me te'me qadiqui'yaĝac, qama'le qaya jo'me namaic nale jec'ataĝa'uo na'me tamenaĝaiqui jo'ne loĝot ñe'me Dios.

Joel 1:9

Nataq'aeta male noye'n gaa'me Dios nejoĝonaqa jo'ne tamenaĝaiqui lo'ol, qa'a joga'me tamenaĝaiqui qaya'te uva li'i uotaĝa ga'me trigo jala, qama'le qaya'te qoyen najaqajec ta'le qoyanem ñe'me Jaliaĝanec.

Amós 5:15

¡Ena'te a'uamaqachiñe joga'me ja no'en, maq joga'me 'noota yataqata adoqopichiya! Anechilila't, qaedi qom qoya'uo nec'atenaĝanaĝac, male ami 'noote', qama'le ami jo'ne auachiyoĝoyeguet di'me José, uotaĝa ami yichoĝode'n joñe'me Jaliaĝanec Dios jo'ne napacalegue ena'uac.»

Jonás 1:6

Chane'eja ga'me lejaliaĝane'j jogaa'me licota lo'ol ec, da'me yec'ata di'me ueta'ña joñe'me Jonás, qama'le eetac: «¿Jach'e ga'me a'uetetac da'me oueta'ñena? ¿Toqoch'e am 'uochaĝaic? ¡Oñejeguem, qama'le aviyaĝana ga'me mach'e Anedios! ¡Uotaĝa maqachaĝa qo'mi nec'alaĝatedegue, qama'le qo'mi yachalo'te da'me qadec'alaĝa!»

Jonás 3:9

Qaedi male uotaĝa ja en 'te yepaguelegue da'me ya'uo ga'me qo'mi 'yeteque joñe'me Dios, qama'le uotaĝa paja'a da'me en qaya da'me te'me lalemataic. Chane'eja qom naq'aeta qama'le ja qo'mi 'te yepaguelo'te da'me qadeleuaĝa.»

Sofonías 2:3

Aueloyaque joñe'me Jaliaĝanec, yema da'me ami aleua laje' jo'ne joĝodayaqa naa'me adai'lidi', ami jo'ne auauoyi da'me lamajoĝonaĝac joñe'me. A'nechiita't, aueñi chimaqachiñe, nataq'aen ena'te ami 'yoĝodenaĝayaqa, qama'le uotaĝa ami nec'alaĝatedegue qomle joñe'me Jaliaĝanec, joga'me nolo' da'me ya'uo lachoĝode'j jena'me jiyaĝadipi.

Hageo 2:19

Qama'le nayi, yataqata auec'achiñe da'me male ja qaya joga'me trigo jala jo'ne uetañgui na'me lae't. Temaq'aen da'me qaga'te jala jana'me uva lichidic nataq'aen jana'me higuera, jaga'me granada nataq'aen jana'me olivo, qa'a chiyoqodayi naa'me naajo' noloqo'ote male ami janema da'me yeyalaqataĝanaĝac yema qaedi yataqata 'noote' jogaa'me.»

1 Samuel 6:5

A'vichi' jogaa'me aueñi lequi'il ga'me napite'na jo'ne daloĝo choqogaa'me chigoĝonaĝae lequi'il jo'ne 'naĝa't ga'me qa'naleua, nataq'aen a'nonaĝachiigui ñe'me Nedios gaa'me Israel laje'pi, qa'a uotaĝa yaĝañi da'me ami yachetalo'te da'me lalemataic choqogaa'me auep'iiyapegalo choqoga'me a'naleuai.