Joel 2:12 - Toba del Oeste

¹² Ñe'me Jaliaĝanec yitaĝa yiyamaĝachiñi da'me 'laqatac, enaac: «Qalaĝaja nayi, 'noota qom auomachiiya naa'me adai'lidi' da'me yitaĝa jayem a'niyelaqaiyot. ¡Cha'li anoqouaqachela't, ademiya'a joñe'me Jaliaĝanec! ¡Male a'ualaqaitac, nataq'aen anoyeñitac!»

La'aqtaqa Ñim Lo'onatac 'Enauacna 2013

¹² Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.

Joel 2:12 Iomraidhean Croise

2 Samuel 24:10

Qalaĝaja ñe'me David nomeguet da'me ja 'noota joga'me ya'uo queda'me en nedela't ga'me jiyaĝadipi, qama'le nechoĝotot ñe'me Jaliaĝanec, enaac: «Yataqachiñe let'adaic da'me yoec queda'me ja'uo da'me dojo'. Qalaĝaja am ñachoĝodenot, am Jaliaĝanec, qaedi auapalaĝat nayi ga'me yoec, jayem jo'ne mach'e adalemaĝajet, qa'a ja'uo ena'am ga'me ya'uo joga'me chiyoĝojec.»

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

Oseas 12:6

Chane'eja, am Israel, 'noota qom yitaĝa a'niyeloqot joñe'me Dios, aua'uo da'me am choĝodenataĝanaĝaic nataq'aen am chimaqachiñe, nataq'aen yataqata auep'iya'a joñe'me Anedios.

Oseas 12:7

'Laqatac joñe'me Jaliaĝanec: «Am Israel, auena'am ga'me Canaán, qa'a uetauelo naa'me adoua' joda'me noqovinaĝanaĝac, qa'a ja yepaquichigui ga'me lajo'vi nale auemenaĝan.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Oseas 6:1

Qama'le ga'me Israel lec'oqo'tepi male enapega't ca'li: «¡Qolaq! ¡Yitaĝa jec'otaĝa ñe'me Jaliaĝanec! Te'me qo'mi yolaĝachiguilo ca'li, qalaĝaja yataqachiñe qo'mi natade'n qomle; te'me jalcote da'me qo'mi ye'uaĝa'n ca'li, qalaĝaja yataqachiñe qo'mi yichoĝode'n qomle.

Joel 1:13

Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.

Zacarías 7:3

Nataq'aen male yataqata yena't gaa'me Dios 'laqatanaĝanaĝanaqa, chayovida'alo gaa'me tamenaĝaiqui lo'ol jo'ne ueteda'a ga'me 'lemec joñe'me Dios: «¿Qo'li maliaĝa jauoqotac jenjo' qanoenaĝac nataq'aen cha'li ja qaueque'e, nale yovita joga'me auoĝoic jo'ne quinto yemeda naa'me 'uoidi, jo'ne joote jauoqotac chayovida'a nayi?»

Zacarías 7:5

«A'uaĝatem yema joga'me jiyaĝadipi jena'me jenjo' aleua, nataq'aen jogaa'me tamenaĝaiqui lo'ol: “Joote yenoĝodegue setenta naa'me 'uoidi da'me auauoyi nale da'me ja auequiye nataq'aen anoyeñitac, nale yovita ga'me auoĝoic jo'ne quinto nataq'aen ga'me séptimo. Qalaĝaja, ¿qo'li yataqata jayem a'nonaĝachiigui nale auauoyi da'me dojo'?

Malaquías 1:9

Ami tamenaĝaiqui lo'ol: ¡male anachoĝodeñiyot joñe'me Dios qaedi qo'mi yichoĝode'n! Qalaĝaja qom naq'aeta gaa'me adajaqajequidi', qama'le ena'te aueñetapega ta'le jetaque ami naquiaĝanalo. Aja'y. Ñe'me Jaliaĝanec jo'ne napacalegue ena'uac eetac:

1 Samuel 7:3

Chane'eja jouaĝat da'me dojo', ñe'me Samuel yiyaĝanalo ena'uaque gaa'me Israel laje'pi qama'le enaac: «Qom auomachiiya naa'me adai'lidi' da'me a'viyelaqaiyot ñe'me Jaliaĝanec, qama'le auajaqaidegue gaa'me qop'iyapegalo jo'ne yoda'alo choqogaa'me lequi'il jañe'me Astarté. Yataqata a'uonataĝañiuo'o ñe'me Jaliaĝanec, qama'le nach'eñe aueñi nale ademiya'a't, auañem ga'me adamaiqui. Qom naq'aeta da'me auauoyi, qama'le ñe'me ami de'uolo'te da'me dojo' lañoqotaĝanaĝa'j jogaa'me filisteopi.»

1 Samuel 7:6

Chane'eja jogaa'me Israel laje'pi yema'a't ca'li di'me Mispá, qama'le nach'ega ua'a da'me naqachidijeguem ga'me noĝop, yecodedegue ga'me qa'a e'n lajaqaje'j yate'm ñe'me Jaliaĝanec. Jo'me nolo' cha'li noqouaqatela'ajalo qa'a natetola'ajalo queda'me yauo'oe gaa'me loeco jo'ne nauteta ñe'me Jaliaĝanec. Di'me Mispá, ua'a ca'li ñe'me Samuel male qoyen lajoĝola' gaa'me Israel laje'pi.