Joel 2:11 - Toba del Oeste

¹¹ Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

La'aqtaqa Ñim Lo'onatac 'Enauacna 2013

¹¹ Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Joel 2:11 Iomraidhean Croise

Joel 1:15

¡Yataqata nadi'tequena joga'me nolo' qom nac ñe'me Jaliaĝanec! Qama'le 'uo qomle da'me qadachoĝodec, yajouaĝat da'me qo'mi novitalo joga'me napalaĝa. ¡Nach'ena jenjo' 'lonatac joñe'me Qaya'te Yaqalatac!

Joel 1:6

Qa'a jana'me qojequioĝoe yataqata jalcote, qama'le joote uetedalegue jenjo' mach'e qa'naleua. Ena'ama joga'me coicopi jo'ne nalada't lo'ol: yataqata diquiya'ape jogaa'me, gaa'me lodaitel ena'am joga'me jauaĝaic.

Joel 2:1

¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

Joel 2:2

Ga'me nolo' yataqata 'naltapiye qomle, qa'a jalcote joga'me piyem lo'oc, chayovida'a 'uo jena'me paqal. Male na'j joga'me coicopi jo'ne 'uañaĝayaqa: joote nelagaĝa da'me tauelo naa'me qajoĝona'a, ena'ama joga'me ajeua lichel nale yamta'le 'yoĝoñi. Jenjo' yataqata ja qoyauana ca'li, nataq'aen ja yitaĝa qoyauana ta'le ena'am.

Joel 2:25

«Male ami ji'iyelaĝatoto gaa'me 'uoidi jo'ne onaĝayaqa, qa'a jaa'me jaajo' 'uoidi ca'li qaya'te chiyaqayilo nale ye'm. Ja yitaĝa ta'le uo'oe gaa'me qojequioĝoel jo'ne yapalaĝat ena'uac, ca'li ami ñamaĝalo qaedi ami nautenalo.

Joel 2:31

Jañe'me ajeua yitaĝa en 'naltapiye qomle, nataq'aen joñe'me auoĝoic qoyen ena'am jaga'me netauo', qama'le yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a. Naq'aeta da'me 'yaqatac, mach'e jayem Jaliaĝanec.»

Joel 3:14

Yataqata jalcote gaa'me ueteda'a di'me c'ama'ague jo'ne ua'a da'me male ya'uo ñe'me Jaliaĝanec ga'me lec'atenaĝanaĝac, qa'a nadi'tequena ga'me nolo' qom ya'uo ga'me le'uaĝanaĝanaĝac.

Joel 3:16

Ga'me ua'a qama'le joñe'me Jaliaĝanec da'me lajamaĝa ena'am jaga'me qajoĝonaĝa nale ne'uaĝanaĝatapiñi, chimaqapi'ña di'me Sión, jo'ne nach'edi di'me noic Jerusalén, qama'le jena'me piyem nataq'aen jena'me aleua yataqata deda'y qomle. Qalaĝaja joñe'me Jaliaĝanec naqaeñe 'me nañoĝotaqa' ga'me Israel laje'pi mach'e lec'oqo'tepi.

Amós 1:2

Naq'aeta da'me 'laqataĝanaĝac ñe'me Amós ca'li: Ñe'me Jaliaĝanec Dios en qodomachiya da'me lajamaĝa jo'ne ena'am ta'le qajoĝonaĝa lajamaĝa, chimaqapi'ña di'me qajoĝonaĝa jo'ne Sión, jo'ne nach'edi di'me noic let'adaic Jerusalén. Qama'le daqaqa'y gaa'me 'nale'u gaa'me 'nanaĝate nouatoqo't, nataq'aen daqaqa qomle di'me p'ajeguem ga'me qajoĝonaĝa jo'ne lenaĝat Carmelo.

Amós 5:18

¡Degueja da'me lachoĝode'j jogaa'me yaditeda'a joga'me nolo' loĝot joñe'me Jaliaĝanec! Male auayachiñe da'me dojo': qom yovita jenjo' nolo', yataqata 'uo ga'me 'lalaĝa, ja 'yoqochiñe.

Amós 5:20

Qama'le naq'aeta qomle joga'me nenolo' joñe'me Jaliaĝanec yataqachiñe 'naltapiye; qaya'te ta'le 'yoqotelegue, qa'a qaya'te namaic nataq'aen qaya'te neuataqataĝanaĝac.

Abdías 1:15

»Joote nadi'ta joga'me nolo' qom jayem jo'ne Jaliaĝanec male je'uaĝa'n yema joga'me noyaqapi jena'me aleua. Chane'eja nayi, joga'me a'vichiyeque ca'li jogaa'me adaqayadi', nach'e ena'am ami qo'eteque qomle: ¡ami qoyanema qomle joga'me ami tachiguilo!

Nahúm 1:6

¿Jach'e ga'me yaqanatet ta'le etapega nechatetañe qom qoyauana joñe'me ja 'nalegue? ¿Jach'e ga'me nalo'oguet ga'me lalemataic joñe'me? Qa'a da'me lalemataic 'uo da'me lauaq let'adaic jo'ne edañgui, qama'le 'uo joga'me p'aiyet jo'ne yecolaĝachiguilo gaa'me qadi.

Malaquías 3:2

Qalaĝaja qom novi', male qaya'te dajo'tot: yataqachiñe qaya'te yaqanatet ta'le nechatetañe, qa'a ñe'me yamaĝajec ena'am joga'me dole' nale en yavic jaga'me laicaua, nataq'aen ena'am joga'me niyonaĝa't nale en yoqovita ga'me paĝachigui.