Joel 2:1 - Toba del Oeste

¹ ¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

La'aqtaqa Ñim Lo'onatac 'Enauacna 2013

¹ Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Joel 2:1 Iomraidhean Croise

Oseas 5:8

¡Auajediiyelo naa'me adajeedeldi'! ¡A'uaqataĝañiyema yemeda jogaa'me ueteda'a di'me Guibeá choqodi'me Ramá nataq'aen di'me Bet-avén! ¡'Noota qom niyamaĝateta'ajalo jogaa'me ueteda'a di'me Benjamín!

Oseas 8:1

Yitaĝa enaac joñe'me Jaliaĝanec: «Auajediye jana'me adajeede, qa'a yovita qomle ñe'me dalataĝanac, ena'am ga'me uole, qaedi yala't jogaa'me yalaqa. Ya'uo jenjo' yajouaĝat da'me ja 'yamaqate'n da'me 'ñaĝataĝac, qama'le ja 'yamaqate'n jogaa'me 'yaqataĝanaĝaco.

Joel 1:15

¡Yataqata nadi'tequena joga'me nolo' qom nac ñe'me Jaliaĝanec! Qama'le 'uo qomle da'me qadachoĝodec, yajouaĝat da'me qo'mi novitalo joga'me napalaĝa. ¡Nach'ena jenjo' 'lonatac joñe'me Qaya'te Yaqalatac!

Joel 2:11

Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

Joel 2:15

¡Male auajediiye jana'me najeede da'me ovi'ta di'me qajoĝonaĝa 'me lenaĝat da'me Sión! ¡Aviyaĝañiyoue joga'me jiyaĝadipi qama'le a'uaĝachiyema da'me 'noota qom yema noqouaqatela'ajalo, cha'li qoyema'a qonetamenot joñe'me Jaliaĝanec!

Joel 2:31

Jañe'me ajeua yitaĝa en 'naltapiye qomle, nataq'aen joñe'me auoĝoic qoyen ena'am jaga'me netauo', qama'le yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a. Naq'aeta da'me 'yaqatac, mach'e jayem Jaliaĝanec.»

Joel 3:14

Yataqata jalcote gaa'me ueteda'a di'me c'ama'ague jo'ne ua'a da'me male ya'uo ñe'me Jaliaĝanec ga'me lec'atenaĝanaĝac, qa'a nadi'tequena ga'me nolo' qom ya'uo ga'me le'uaĝanaĝanaĝac.

Joel 3:17

Qama'le enaac ñe'me Jaliaĝanec Dios: «Chane'eja yataqachiñe jayem auatetoñi qomle, da'me naqayem jo'ne Jaliaĝanec mach'e Anedios, jo'ne joue'ta jenjo' qajoĝonaĝa Sión, mach'e yoĝot jo'ne ja 'nalegue. Qama'le di'me noic Jerusalén yataqata ja 'nalegue qomle, male ja yitaĝa tade'ga jogaa'me jo'ne ja jayem 'te yateto'n.

Amós 3:6

Nale qodomachiya jaga'me najeede qama'le joga'me jiyaĝadipi male jalilegue. Qom 'uo joga'me ja no'en jo'ne ualegue joga'me noic, qama'le yajouaĝat da'me nach'eñe ñe'me Jaliaĝanec ya'uo jena'me jenjo'.

Amós 5:18

¡Degueja da'me lachoĝode'j jogaa'me yaditeda'a joga'me nolo' loĝot joñe'me Jaliaĝanec! Male auayachiñe da'me dojo': qom yovita jenjo' nolo', yataqata 'uo ga'me 'lalaĝa, ja 'yoqochiñe.

Amós 8:2

Qama'le jayem yenat ca'li ñe'me: «Amós: ¿jach'e ga'me male auana?» Qama'le ja'ateguet: «Jauana jona'me nachoĝonaĝaiqui jo'ne qoyachañgui jaga'me nana jala jo'ne joote yi.» Qama'le joñe'me Jaliaĝanec enaac: «Jena'me Israel lec'oqo'tepi ena'am ta'le joote yi': male laloqo' da'me ja yitaĝa ta'le jichoĝode'n.

Abdías 1:15

»Joote nadi'ta joga'me nolo' qom jayem jo'ne Jaliaĝanec male je'uaĝa'n yema joga'me noyaqapi jena'me aleua. Chane'eja nayi, joga'me a'vichiyeque ca'li jogaa'me adaqayadi', nach'e ena'am ami qo'eteque qomle: ¡ami qoyanema qomle joga'me ami tachiguilo!

Sofonías 1:14

¡Male na'taquena ga'me nolo' jo'ne p'ategue! ¡Male nadi'tequena da'me lec'atenaĝanaĝac ñe'me Jaliaĝanec! ¡Male yovita ga'me nolo', qa'a male enegue da'me qoya'uo jenjo'! Qama'le yataqata totelo'te qomle ga'me jiyaĝadipi. ¡Chayovida'alo jogaa'me ja damichiguilo naa'me lai'li male 'yala' jo' qomle!

Sofonías 1:16

Qom yovita ga'me nolo', male qoyajediye jañe'me najeede, male qodomachiya ga'me 'lalaĝa'j gaa'me loiquiaĝayaqa, qama'le jalcote qoyen lachoĝodec gaa'me noyaqa t'adayaqa jo'ne te'me 'uo ga'me lequepaĝanaĝat jo'ne t'adaic nale.

Sofonías 1:7

¡Aueñi tochiñe, da'me ami jo'ne auajoi'tot joñe'me Jaliaĝanec, qa'a male na'taquena joga'me nolo' jo'ne p'ategue! ¡Male na'taquena da'me lec'atenaĝanaĝac joñe'me Jaliaĝanec! ¡Joñe'me jetaque 'uo joga'me ya'uo ga'me lajaqajec, qama'le joote yiyaĝanalo jogaa'me laute'u, da'me natequena qaedi qoyala't ga'me Judá laje'pi!

Sofonías 3:11

Chane'eja, ami yalaqapi, qom yovita ga'me nolo', qama'le yataqata ja adepocoqoilegue yema ga'me auauoyi ca'li te'me jayem anaucheñiya, qa'a ami jachiyoĝotauelo qomle jogaa'me 'yoĝodenaĝayaqa jo'ne ch'e ni'yoĝodela'ajalo. Qama'le ja yitaĝa ta'le ami 'yoĝodenaĝayaqa qom anec'achiije'ma jena'me 'yachaqa' jo'ne ja 'nalegue.

Zacarías 14:1

Am Jerusalén, yamta'le novitequena ga'me nolo' jo'ne loĝot ñe'me Jaliaĝanec, qom male am qo'yiyelaĝateguet yema ga'me mach'e adoĝot jo'ne te'me qodotaĝanec.

Zacarías 8:3

»Nataq'aen ñenaĝategue jenjo': Joote ji'iyelaĝa di'me Sión qaedi male jona'ague. Qama'le jena'me jenjo' Jerusalén qomle qoyen lenaĝat da'me “Noic jo'ne jayem p'iya'a”, nataq'aen jodi'me Sión qoyen lenaĝat qomle da'me “Qajoĝonaĝa jo'ne ja 'nalegue”.

Malaquías 4:1

«Joote nadi'tequena joga'me nolo' qom yataqachiñe edañguilo q'ae'n gaa'me qaleuaĝayaqa choqogaa'me 'yoĝodenaĝayaqa, ena'am ga'me auaqapi da'me yavi'j. Yataqachiñe qaya'te 'liyoĝot, qa'a 'uo da'me yalemataic, mach'e jayem Jaliaĝanec jo'ne ñapacalegue ena'uac.