Joel 1:14 - Toba del Oeste

¹⁴ ¡Aviyaĝañiyoue ga'me jiyaĝadipi qaedi anoqouaqachela't, qama'le ademiya'a nayi joñe'me Ja 'Nalegue! ¡Auec'achiya joga'me tamenaĝaiqui jo'ne 'lemec ñe'me Adet'ai mach'e Anedios! Auemachiya'a't qomle jogaa'me 'yaĝaicachidipi nataq'aen yema joga'me jiyaĝadipi jo'ne neteda'ña jena'me jenjo' aleua, qaedi yataqata qoyiyaĝanot joñe'me Jaliaĝanec.

La'aqtaqa Ñim Lo'onatac 'Enauacna 2013

¹⁴ Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Joel 1:14 Iomraidhean Croise

Jonás 3:8

Dite da'me ademiya da'me ami auaeñidiñe gaa'me nouo jo'ne ena'am ta'le jiyac layoĝot da'me 'loyaĝac, qa'a nach'egaua jo'ne laloĝoqui da'me 'uo da'me nayaliaĝa, qama'le nach'e ena'am da'me a'nañaĝachi da'me aviyaĝañiya joñe'me Dios. Nataq'aen da'me ami onolqa'tape da'me aĝañidiñe naa'me jo'ne mach'e at'amaqatenataĝanaĝacodi' jo'ne ja 'noe'n, choqonaa'me mach'e adoecodi' jo'ne ami 'yañaqatetapeque da'me adepatenaĝanaĝaqui jo'ne 'uo chayovida'a nayi.

Nehemías 8:18

Chane'eja yauote joga'me neualayaĝac jogaa'me siete noloqo'ote: yemeda jaa'me noloqo'ote, joñe'me Esdras dojetapelegue jaga'me 'laqatanaĝalate joñe'me Dios, chayovida'a da'me yem joga'me neualayaĝac. Qama'le ca'li yovita joga'me octavo nolo', male yauote ga'me nemaĝac jo'ne p'ategue, qa'a naq'aeta da'me Dios lamajoĝonaĝac.

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

Joel 1:2

Ami 'yaĝaicachidipi, cha'li yataqata anaquiaĝañiya jenjo', nataq'aen yema da'me ami jo'ne oñita'ña jenjo' aleua. ¿Qo'li 'uo ga'me joote auañiya ta'le ena'am jena'me jenjo' jo'ne 'uo qomle, uotaĝa ta'le qoyauana ca'li uo'oe dia'me adet'aldi'?

Jonás 3:5

Chane'eja jogaa'me 'lachaqa't di'me noic, jo'ne ja 'yaĝayaqa choqogaa'me 'yaĝayaqa, male p'iida'a joñe'me Dios, qama'le paja'a da'me nayachidigui da'me cha'li ja deque'y, gaa'me neuoyaĝadi choqogaa'me choĝodache, nataq'aen da'me yaediñe gaa'me leuo lael jo'ne ena'am ta'le jiyac layoĝot da'me 'loyaĝa'j, qa'a en laloĝoqui' da'me 'uo da'me layaliaĝa'j.

Sofonías 2:1

Ami Judá laje'pi: 'noota qom ademiya'a't qomle; ami pecayaqa: cha'li auajoi'tot joñe'me Dios.