Ester 7:4 - Toba del Oeste

⁴ Qa'a joote qoya'uo lajo'vi jena'me qanejiyaĝauayaĝac, chayovida'a da'me yataqata jetaque qo'mi qoyapalaĝa't qaedi male qo'mi qayaua. Ta'le nach'edata da'me jetaque qo'mi qoyeme'n, uotaĝa jetaque qo'mi ne'uaqa, qama'le je'emaqata nataq'aen ja am 'te jeloiquiaĝan, am jaliaĝanec, ta'le am ja'aĝatem joga'me qaya'te chiyaqayi.»

La'aqtaqa Ñim Lo'onatac 'Enauacna 2013

⁴ cha'aye na ihuo' le'ecpi qataq aỹem, qomi' qaime'n da yaqto' imauec da qomi' qailaxachiguilo. Taxa da qomi' qaime'n da yaqto' qomi' nlataqa, nache qaica taxa ca ỹa'aqtac, cha'aye ñim qomi' ipa'agueeta'ape, saishet taxa da na'axat da 'aro'onataxanaxac 'am nta'a.

Ester 7:4 Iomraidhean Croise

Nehemías 5:5

Nach'e ena'am noqotedegue, enaa'j: «Temaqaedi da'me jenaqa'ama jogaa'me qadaqaya', nataq'aen jogaa'me qac'oqo'te ena'ama jogaa'me mach'e lec'oqo'te, qalaĝaja da'me qo'mi yedalo'te da'me dojo': qama'le qauadegue jogaa'me qac'oqo'te nataq'aen gaa'me qac'oqotel da'me jenaĝa namaĝa's. Joote janaĝadegue gaa'me qac'oqotel laqaya', qama'le ja jaqanatetaq ta'le yitaĝa jenaĝa uojotedañi, qa'a jogaa'me qa'nale'u nataq'aen jogaa'me uva lichidijat male loqo'te jogaa'me jiyaĝa'u laqaya'.»

Ester 3:13

Qama'le naa'me nede lael yataqata yema qoyamaĝalo naa'me 'nachaqa'te jo'ne uaue jenjo' nejaliaĝa: qoyamaĝalegue qaedi joga'me nolo' jo'ne trece, auoĝoic 'me Adar, yataqata qoyapalaĝa't yemeda gaa'me judiopi, yemeda jogaa'me 'yaĝayaqa choqogaa'me nejoqolqa, gaa'me yauo' nataq'aen gaa'me ñoqolqapi, qaedi yataqata qonouo't qomle.

Ester 3:9

Am jaliaĝanec, qom naq'aeta da'me adelnataĝac, qama'le yataqata auamaĝalegue qaedi yataqata qoyapalaĝa't jenjo' jiyaĝadipi, qama'le da'me jayem, ja'uo qomle ga'me yajaqajec jo'ne trescientos treinta mil kilos jaga'me plata, da'me janema jogaa'me yelodelegue jaga'me laicaua lae't jena'me jenjo' adejaliaĝaiqui.»

Ester 7:5

Ñe'me jaliaĝanec Asuero yenat ca'li: «¿Jach'e joga'me jetaque ya'uo jena'me jenjo'? ¿Jego ueta'ña?»

Ester 7:6

Qama'le Ester 'yateguet: «¡Ñe'me qadauteua nach'ena jenjo' Amam!» Ca'li domachiya da'me dojo', ñe'me Amam yataqata 'yemaqatam da'me do'e.

Ester 8:11

Jaga'me nediije uaye da'me qoyaje'tem joda'me yema'a't gaa'me judiopi, yemeda naa'me noyaqa, qaedi necochiyapega't, nataq'aen qaedi dalataĝa'n chayovida'a da'me yataqata yapalaĝa't gamachaqaegaua jogaa'me jo'ne yec'atalo qaedi nautenalo uotaĝa ja yalemaĝa't gaa'me yauo' nataq'aen gaa'me ñoqolqa, qama'le nach'e ena'am da'me qoyaje'tem da'me qoyacona yema joga'me leuoyaĝa'j gaa'me laute'u.

Ester 8:6

Qa'a yataqata ja jalo'oguet qom 'uo jena'me jenjo' lachoĝodec jena'me yayi, qom qonolaĝachidiñe jogaa'me mach'e yaqaya'.»

Ester 9:25

Qalaĝaja ca'li noma'a joñe'me jaliaĝanec Asuero da'me eeta da'me lelnataĝac ñe'me Amam, qama'le ya'uo joga'me lamajoĝonaĝac 'me yataqata qoyediñe, qaedi qoyen nedo'oguet joñe'me Amam da'me yataqata ja no'en jo'ne te'me 'lonataĝanaĝac ca'li, qama'le Amam nataq'aen gaa'me lec'oqo'te yataqata qoyecoñededajeguem ca'li.

Joel 3:6

Nataq'aen ca'li aueñi qaya'alo joga'me jiyaĝadipi jo'ne Judá lec'oqo'tepi, chayovida'alo ga'me Jerusalén laje'pi, qama'le auemeñi' jogaa'me qaedi qoye'n ne'uaqa, auañema ca'li gaa'me Grecia laje'.

Amós 2:6

Nach'e ena'am ya'uo da'me 'laqatac ñe'me Jaliaĝanec, enaac: «Da'me Israel laje'pi, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yeme'n nale ga'me qaya'te laviyaĝajet, uotaĝa ga'me choĝodac qoyen tayi nale ga'me pela'.

1 Samuel 22:23

Qalaĝaja jayem oue'tajop nataq'aen ena'te at'oiyac: ga'me jayem yelotaque qaedi jayem yalat, nach'e ena'am am yelaque. Qalaĝaja da'me jayem oue'tajop, yataqachiñe eja da'me am ñec'alaĝategue.»