Ester 5:1 - Toba del Oeste

¹ Male yenoĝodegue tres jaa'me noloqo'ote qama'le Ester yaediñe jogaa'me leuo da'me jaliaĝana, qama'le yec'ata joga'me najom ga'me nejaliaĝaiqui jo'ne dajoya'aguet jaga'me neje'onaĝaiqui joñe'me jaliaĝanec, qama'le ñe'me yataqata ñichiñe ca'li.

La'aqtaqa Ñim Lo'onatac 'Enauacna 2013

¹ Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

Ester 5:1 Iomraidhean Croise

Ester 1:11

Qama'le paja'a da'me damaĝajoĝolo'te qaedi qoyelaque jañe'me jaliaĝana Vasti, nataq'aen ya'uo 'laqatac qaedi ua'ña da'me yec'ata joñe'me, 'noota ta'le yaeñi jaga'me noqop'a jo'ne onaĝae, qaedi ga'me jiyaĝadipi chayovida'alo gaa'me jaliaĝanaqa laqaya' qoyauana joda'me yataqata onaĝae jañe'me Vasti.

Ester 2:5

Di'me Susa 'uo ca'li joñe'me judío jo'ne chiyoĝoguet di'me Benjamín, jo'ne lenaĝat da'me Mardoqueo, c'oĝot jodi'me Jaír, jo'ne c'oĝot di'me Simí, jo'ne c'oĝot di'me Quis.

Ester 4:11

«Yemeda naa'me lamaĝa's joñe'me jaliaĝanec nataq'aen joga'me jiyaĝadipi jo'ne netalo'te naa'me ale'u lael, qoyayaten da'me ja ch'e qoyec'ata nale ñe'me jaliaĝanec qom ja qoniyaĝana. Qa'a gamachaqaega joga'me ya'uo da'me dojo', yataqata qoyalat: nach'edata da'me qoyichoĝoden qom ñe'me jaliaĝanec male talaĝanec da'me nodegue ga'me laje'l jo'ne oro. Qalaĝaja da'me jayem, nayi qa'a nalo'taguet da'me treinta naa'me noloqo'ote ñe'me jaliaĝanec ja jayem 'te niyaĝana.»

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

Ester 4:17

Mardoqueo male ec, yataqata ya'uo yema joga'me Ester yamaĝalegue joca'li.

Ester 6:4

Mate naloja'a da'me yenoĝoneuo joñe'me Amam, qa'a yelotaque ñe'me jaliaĝanec qaedi dojapegue' da'me jetaque yecoñedajeguem ñe'me Mardoqueo, qa'a joote 'uo jaga'me 'lonata. Qama'le ñe'me Asuero denataĝan: «¿Jach'e joga'me que'tague jona'me nojo'?»

Ester 8:15

Ñe'me Mardoqueo da'me ca'e joñe'me nejaliaĝaiqui, uo'oe jogaa'me louo jo'ne 'loyaĝac da'me malaĝadaic nataq'aen pagaĝaic, jaga'me noqop'a yataqata yaqajelec jaga'me oro, nataq'aen ga'me lapoto lae yataqata chichiñe nataq'aen pit'aladic. Ca'li di'me noic jo'ne Susa yataqata yema da'me matac.