Ester 2:7 - Toba del Oeste

⁷ Mardoqueo 'uo ca'li jañe'me liaqata jo'ne lenaĝat Hadasá, nataq'aen lenaĝat laqaya jo'ne Ester. Janjo' mach'e lec'oqote' gaa'me netejoqo't ñe'me Mardoqueo, qalaĝaja japelo', qa'a yele'u ca'li dia'me let'al. Chane'eja Mardoqueo yataqata nauela't qama'le e'tem c'oqote. Ester yataqata onaĝae chayovida'a nalo'ta't joga'me 'loyaĝac.

La'aqtaqa Ñim Lo'onatac 'Enauacna 2013

⁷ Qaq so Mardoqueo huo'o co'ollaxa aso lasoshe saploxo, qaq somaye ỹacona co'ollaxa asomaye da ỹaqchet da 'eco' llale, co'ollaq ileu' soua lta'al asomaye. Qaq asomaye le'enaxat Jadasá, qaq da lỹa le'enaxat Ester, qaq asomaye ỹataqta 'onaxai qataq nalochiguiñi da lataxac.

Ester 2:7 Iomraidhean Croise

Ester 1:11

Qama'le paja'a da'me damaĝajoĝolo'te qaedi qoyelaque jañe'me jaliaĝana Vasti, nataq'aen ya'uo 'laqatac qaedi ua'ña da'me yec'ata joñe'me, 'noota ta'le yaeñi jaga'me noqop'a jo'ne onaĝae, qaedi ga'me jiyaĝadipi chayovida'alo gaa'me jaliaĝanaqa laqaya' qoyauana joda'me yataqata onaĝae jañe'me Vasti.

Ester 2:15

Jodi'me let'a jañe'me Ester qa'a lenaĝat da'me Abihail, netejoqo' ñe'me Mardoqueo, jo'ne en c'oqote ca'li yeleu di'me Abihail. Ca'li qauaye jañe'me Ester da'me male yec'ata joñe'me jaliaĝanec Asuero, qama'le gaa'me leuo jo'ne en yaediñe ca'li ñe'me Hegai, nach'eñe jo'ne yelolo'te ca'li gaa'me yauodipi. Qama'le yataqata qo'yamaqaten yemeda jogaa'me neteloqo't.

Ester 2:20

Ester yataqata yoqo'cha ñe'me Mardoqueo jo'ne naquetaje'mec ca'li jaqayi, qama'le nach'e eta't maliaĝa quetalegue jenjo'. Qaya'te yayaten joga'me layi uotaĝa joga'me noic jo'ne chiyoĝogue ca'li, qa'a ñe'me Mardoqueo dojapegue' ca'li qaedi ja nenaĝategue jena'me jenjo'.

Ester 8:1

Nach'ejo jo'me nolo' ca'li joñe'me jaliaĝanec Asuero ya'uo neme jañe'me jaliaĝana joga'me 'lachaqa' ca'li di'me Amam, jo'ne lauteua' naa'me judiopi. Nataq'aen joñe'me Mardoqueo qoyen yec'ata ñe'me jaliaĝanec, qa'a jañe'me Ester joote 'yaĝatem da'me mach'e netejoqo' joñe'me Mardoqueo.