Esdras 2:1 - Toba del Oeste

¹ Janjo' jana'me nedaĝanaĝalate jo'ne uayelo gaa'me lenaqa'te gaa'me Israel lec'oqo'tepi jo'ne lañoqo't di'me Judá, jo'ne qoyauetegue ca'li di'me Babilonia, ca'li 'uo joñe'me jaliaĝanec Nabucodonosor, qama'le naa'me naajo' noloqo'ote male qauadegue 'viyelaĝadeta jodi'me noic jo'ne Jerusalén. Nataq'aen uo'oe gaa'me laqaya' jo'ne yec'atalo gaa'me noyaqa laqaya', qama'le onolqa'tape da'me yec'adeta naa'me mach'e 'lachaqa'te.

La'aqtaqa Ñim Lo'onatac 'Enauacna 2013

¹ So Nabucodonosor maye nta'a ye Babilonia, somaye loxonec co'ollaxa so qalota judiopi, nache ỹaueegue da Babilonia. Qaq so llalaqpi se'eso noxonecpi nacheso som ỹe'eguelaxa ye Jerusalén, qataq so lauoreuapi nma'piolec maye huaigui ye Judá. Huaña nache ñi 'oonolec somayepi ỹe'eguelaxa so lma'pi.

Esdras 2:1 Iomraidhean Croise

Esdras 1:11

Da'me eeta jenjo' naloqotenaĝanaĝac jo'ne 'uo jaga'me oro nataq'aen jaga'me plata nalo'taguet cinco mil cuatrocientos gaa'me 'nonataĝanaqa'te. Qama'le yemeda naa'me naajo' yachi'y ca'li ñe'me Sesbasar, da'me yitaĝa 'viyelaĝague di'me Jerusalén, naequetapegue'to gaa'me qoye'n ne'uaqa joca'li, da'me male chiyoĝotegue jodi'me Babilonia.

Esdras 2:2

Qodajotalo'te joga'me Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm nataq'aen Baaná:

Esdras 2:70

Gaa'me tamenaĝaiqui lo'olpi choqogaa'me levita laje' male neda'ague jodi'me Jerusalén, nach'e ena'am ga'me lae joga'me jiyaĝadipi. Qalaĝaja gaa'me onaĝanaĝayaqa, gaa'me neteloqo't, gaa'me namaĝa's ga'me tamenaĝaiqui nataq'aen gaa'me laqaya' Israel laje'pi, onolqa'tape yataqata neda'ague na'me mach'e 'lachaqa't.

Esdras 5:8

Am jaliaĝanec, mach'e qat'aqataĝanaĝac da'me am qa'uaĝatem queda'me quelqaya jajoĝogue di'me aleua lae jo'ne Judá, qama'le jauanaĝa joñe'me tamenaĝaiqui let'adaic jo'ne loĝot joñe'me Dios jo'ne p'ajaye, da'me yitaĝa qo'noĝotapijeguem. Qama'le naa'me lael jo'ne qadi let'adayaqa joote qoye'n couelo naa'me e'epa. Jena'me jenjo' 'nonataĝanaĝac yataqata qoyiyamaĝatetac nataq'aen enegue joga'me 'nonatac.

Esdras 6:2

Nach'e ena'am da'me qoyelaque joga'me nejaliaĝaiqui jo'ne na'ña di'me noic jo'ne Ecbatana, jo'ne ua'ague di'me aleua jo'ne lenaĝat da'me Media, qama'le 'uo joga'me qoyejomalegue ga'me nediijec jo'ne enaac:

Esdras 8:35

jogaa'me chiyoĝotegue ca'li di'me Babilonia da'me yitaĝa 'viyelaĝategue di'me Jerusalén, uo'oe gaa'me li'yaco jo'ne doce gaa'me uaca le'mi, noventa y seis gaa'me 'nanaĝatel le'mi, setenta y siete gaa'me 'nanaĝate lec'oqo'te, qaedi naqaegaua jo'ne qoye'n lajaqaje'j jo'ne qoyegouelo. Nach'e ena'am uo'oe doce gaa'me quetaq jo'ne qoye'n yelo'teguet da'me jetaque qoyapalaĝa't gaa'me mach'e loeco. Yemeda naa'me naajo' yejidi qoyegouelo ca'li qaedi qoye'n lajaqaje'j jo'ne qoyanem joñe'me Jaliaĝanec.

Nehemías 12:1

Naajo' naa'me tamenaĝaiqui lo'ol nataq'aen jogaa'me levita laje' jo'ne chiyoĝotegue jodi'me Babilonia, lequiaĝaua' joñe'me Zorobabel lec'oĝot ñe'me Salatiel nataq'aen joñe'me Josué: Jogaa'me Seraías, Jeremías, Esdras,

Ester 1:1

Naajo' uo'oe joca'li ñe'me Asuero nejaliaĝatelo'te ciento veintisiete gaa'me ale'u laqaya' jo'ne laguelegue di'me India chayovida'a loiquiaqa' di'me Etiopía,

Ester 1:11

Qama'le paja'a da'me damaĝajoĝolo'te qaedi qoyelaque jañe'me jaliaĝana Vasti, nataq'aen ya'uo 'laqatac qaedi ua'ña da'me yec'ata joñe'me, 'noota ta'le yaeñi jaga'me noqop'a jo'ne onaĝae, qaedi ga'me jiyaĝadipi chayovida'alo gaa'me jaliaĝanaqa laqaya' qoyauana joda'me yataqata onaĝae jañe'me Vasti.

Ester 1:3

Ca'li male tres jaa'me 'uoidi da'me 'uo ga'me lejaliaĝa ñe'me Asuero, qama'le ya'uo joga'me neualayaĝac let'adaic qaedi yanema gaa'me jaliaĝanaqa jo'ne lecochaĝa'u nataq'aen gaa'me najoĝola'te jo'ne yelodelegue di'me Persia choqodi'me aleua laqaya lenaĝat Media. Nataq'aen yiyaĝanalo gaa'me coico lejaliaĝanaqa chayovida'alo yemeda gaa'me nejaliaĝanaqa nataq'aen gaa'me necochaĝa'u jo'ne yelolo'te gaa'me ale'u laqaya'.

Ester 1:8

Qalaĝaja joñe'me Asuero yamaĝalo'te jogaa'me yatedapeguegue joga'me naquip da'me ja jetaque yiyaĝatot ga'me ja niyom, dite qom mach'e yataqata lelnataĝac ga'me.

Ester 8:9

Chane'eja Ester nataq'aen Mardoqueo paja'a yiyaĝanalo jogaa'me ledaĝanaĝanaqa ñe'me jaliaĝanec, qama'le ga'me nolo' jo'ne veintitrés, auoĝoic tercero jo'ne lenaĝat Siván, gaa'me ledaĝanaĝanaqa male yedidiñe yema joga'me yamaĝalo'te ñe'me Mardoqueo gaa'me judiopi. Jenjo' namajoĝonaĝac yataqata qoyamaĝalo yemeda naa'me ale'u jo'ne uo'oe gaa'me nejaliaĝanaqa, chayovida'alo gaa'me necochaĝa'u jo'ne uo'oe ciento veintisiete naa'me noyaqa. Qoyediñe joga'me 'laqatac jo'ne mach'e yayaten, chiyoqo'taguet di'me India chayovida'a di'me Etiopía. Nach'e ena'am qoyamaĝalo gaa'me judiopi.

Sofonías 2:7

Qama'le jogaa'me Judá laje' jo'ne qonec'alaĝatedegue qomle male yitaĝa 'noĝodijeguem gaa'me 'lachaqa'te jena'me jenjo' aleua. Ñe'me Jaliaĝanec Dios male ue'tajopa jogaa'me, qama'le qoyen nichiquetaye qomle da'me leuoyaĝa'j. Chane'eja male naqaedi jo'ne ueteda'a da'me netelalo ga'me lalopi jo'ne quetaĝapi, qama'le da'me pi'yaq nale 'nomatedegue yec'atalo naa'me 'lachaqa'te di'me Ascalón.