Esdras 10:3 - Toba del Oeste

³ Jenaĝa yepaquichigui ga'me qa'uaĝatem joñe'me Qanedios, qaedi male jamaĝajoĝodegue naa'me naajo' yauo' nataq'aen jogaa'me c'oqo'te. Yataqata jauoqo qomle joga'me qo'mi auamaĝalo'te, chayovida'a joga'me laqataĝa'j jogaa'me que'teguelo gaa'me lamajoĝonaĝaco joñe'me Qanedios. ¡Yataqata joqochaĝa nayi jaga'me lediije joñe'me Jaliaĝanec!

La'aqtaqa Ñim Lo'onatac 'Enauacna 2013

³ Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Esdras 10:3 Iomraidhean Croise

Esdras 10:11

Chane'eja mach'e ami anayachiñela't da'me yataqata jalcote joga'me ja no'en jo'ne at'onataqui, joote ami yec'ate'tape joñe'me Jaliaĝanec mach'e Nedios dia'me qadamol ca'li. 'Noota qom yataqata auoqochiiya joñe'me, qama'le oquiya'ae gaa'me jiyaĝa'u jo'ne yaqa'alo da'me chiyoĝoguelo gaa'me ale'u lael, chayovida'alo jogaa'me yauo' jo'ne aueñi' adouadi'.»

Esdras 10:44

Yemeda naa'me naajo' ca'li yoda'alo gaa'me loua' jo'ne yaqa'a di'me 'lachaqa't, qama'le ua'a ca'li male yegue'm jogaa'me choqogaa'me c'oqo'te.

Esdras 10:9

Chane'eja ca'li yenoĝodegue tres gaa'me noloqo'ote, male yauote da'me lojaĝac di'me Jerusalén. Yemeda jogaa'me jiyaĝadipi jo'ne chiyoĝoteguet di'me Judá nataq'aen di'me 'naleua gaa'me lec'oqo'tepi di'me Benjamín, nolo' jo'ne veinte, auoĝoic jo'ne noveno, ca'li male yema ñichidiñe joga'me nejapichaqa' jo'ne na'ña lae di'me tamenaĝaiqui jo'ne Dios loĝot. Yataqata 'uo da'me loqolanaqa't yajouaĝat joga'me 'laqatac ñe'me Secanías ca'li yataqata qot'oiya, nataq'aen male 'uo joga'me uotep let'adaic.

Esdras 9:4

Qama'le naq'aeta da'me joue'ta chayovida'a da'me 'nalchiñe. Male uo'oe gaa'me jayem yotaua'n, nach'egaua jo'ne yataqata yoqochideta da'me 'laqatac joñe'me Qanedios, qama'le t'oita joñe'me ta'le ya'uo qomle joga'me lec'atenaĝanaĝac, yajouaĝat joga'me nautenaĝa'j gaa'me Israel laje'pi jo'ne chiyoĝotegue ca'li di'me Babilonia.

Nehemías 10:1

Chane'eja nedelegue da'me nediijec joñe'me jaliaĝanec Nehemías, mach'e lec'oĝot ñe'me Hacalías, nataq'aen joñe'me Sedequías.

Nehemías 8:14

Qama'le yauata joga'me 'laqatac joñe'me Jaliaĝanec jo'ne yanem ca'li joñe'me Moisés, da'me nale qoya'uo joga'me neualayaĝac jo'ne tachigui joga'me auoĝoic séptimo lenaĝat Etanim, qama'le qoyamaĝalo'te jogaa'me Israel laje' qaedi cha'li nauelo jogaa'me nomachaĝaiqui'.

Nehemías 9:38

Chiyaqayi yema da'me dojo' 'uo ca'li, da'me qo'mi male ja'anaĝaeñi da'me qat'aqatac qaedi joqochaĝa joñe'me Qanedios, qama'le nach'e ena'am jedaĝañe nataq'aen qoyetouoĝolegue jaga'me netouojoĝonaqate, qama'le nededelegue jogaa'me qadajoĝola'te, jogaa'me levita laje' nataq'aen jogaa'me tamenaĝaiqui lo'ol.