2 Samuel 3:3 - Toba del Oeste

³ ñe'me Quilab, lep'ayaĝaua joñe'me, mach'e c'oĝot jañe'me Abigail, nach'añe loua ca'li di'me Nabal, jo'ne Carmel le'ec; ñe'me Absalón, mach'e c'oĝot jañe'me Maacá, nach'añe c'oqote ñe'me Talmai, lejaliaĝanec di'me Guesur;

La'aqtaqa Ñim Lo'onatac 'Enauacna 2013

³ qaq so lỹa llalec le'enaxat, Quilab, som llalec aso Abigaíl maye npa'ai so Nabal maye lma' ye Carmel, qaq so lỹa llalec le'enaxat Absalón, som llalec aso Macá, maye llale so Talmay, som nta'a ye Gesur,

2 Samuel 3:3 Iomraidhean Croise

2 Samuel 13:1

Ñe'me Absalón, c'oĝot ñe'me David, 'uo jañe'me la'nole jo'ne yataqachiñe onaĝae, nach'añe lenaĝat da'me Tamar. Qalaĝaja dojo' da'me 'uo ca'li queda'me Amnón, jo'ne nepiloĝot ñe'me David, yataqachiñe 'uo da'me loqopich'i jañe'me,

2 Samuel 14:23

Ñe'me Joab ja nayaloĝoden paja'a dajoyi di'me Guesur qaedi male 'yiyelaĝategue di'me Jerusalén ñe'me Absalón.

2 Samuel 14:24

Qalaĝaja ñe'me jaliaĝanec damajoĝolegue qaedi ñe'me Absalón yelo'ta ga'me mach'e 'lachaqa': ja yajeta ta'le dajoya'aguet joñe'me.

2 Samuel 14:32

Qama'le ñe'me Absalón 'yateguet joñe'me: «Am jamajoĝona qaedi anec'atequena qa'a jetaque am jamaĝa ñe'me jaliaĝanec qaedi auojapegue' da'me ¿toqoch'e da'me en jeca'ae di'me Guesur, queda'me ja jayem 'te yaje'tem qaedi jejapichiya? Yataqata p'ajaye 'noota ta'le nach'e joue'tague jodi'me. Jetaque jauana ñe'me jaliaĝanec, qalaĝaja qom 'uo ga'me yaviyaĝajet, 'noota qom jayem yalat.»

2 Samuel 15:7

Yoĝo'yilo jaa'me cuatro 'uoidi, qama'le ñe'me Absalón dojapegue' ñe'me jaliaĝanec, enaac: «Am ñachoĝodenot, yejaliaĝanec, qaedi jayem auaje'tem da'me jec'ata di'me Hebrón, qa'a jetaque ja'uo ga'me jo'ne joote 'ñaĝatot ñe'me Jaliaĝanec.

2 Samuel 15:8

Ca'li joue'tague di'me Guesur, mach'e 'naleua di'me Siria, qama'le 'ñaĝatot ñe'me Jaliaĝanec queda'me qom jayem 'niyelaĝata jena'me Jerusalén, qama'le 'ñonaĝachigui.»

2 Samuel 18:33

Ñe'me jaliaĝanec yataqachiñe yec'on ca'li da'me lelnataĝac, qama'le quije'mec ca'li ga'me 'lemec jo'ne p'ajeguem, noyenegue ca'li que'tague da'me enaac: «¡Yalecolec, Absalón! ¡Yalecolec, Absalón! ¿Toqoch'e da'me ja naqayem da'me jeleu, qama'le ja naqa'am da'me adeleu?»

2 Samuel 2:2

Chane'eja ñe'me David yec'ata di'me Hebrón, lequiaĝa'u ñaa'me dojole loua': jañe'me Ahinóam, jo'ne Jezreel laje, nataq'aen jañe'me Abigail, nach'añe p'ae loua ca'li di'me Nabal jo'ne 'lachaqa' di'me Carmel.

1 Samuel 25:3

Da'me lenaĝat joñe'me qa'a Nabal, jañe'me loua lenaĝat Abigail. Jañe'me ca'li qa'a yauo jo'ne yataqachiñe onaĝae nataq'aen yatenaĝanaĝae, qalaĝaja ñe'me Nabal, jo'ne nach'eñe chiyoĝoguet di'me Caleb, yataqachiñe ja damitelegue nataq'aen qaleuaĝaic.

1 Samuel 25:42

Yem, qama'le Abigail lequiaĝa'u gaa'me cinco q'añolel jo'ne lalemaĝajetel, qama'le nalegue ga'me ajena, equeguelo jogaa'me lamaĝa's ñe'me David qaedi male en loua joñe'me.

1 Samuel 27:8

David choqogaa'me jiyaĝa'u jo'ne lauegaqataqa nach'e eta't da'me quetapiñguilo jogaa'me 'lachaqa't di'me Guesur, di'me Guézer nataq'aen gaa'me Amalec laje' jo'ne jalchi'ena neta'ñalo naa'me naajo' ale'u. Naa'me naajo' ale'u nichiquetedaye tateda'a di'me aleua jo'ne Sur chayovida'a di'me Egipto.