1 Samuel 8:7 - Toba del Oeste

⁷ Qama'le ñe'me Jaliaĝanec 'yateguet: «Anaquiaĝanalo, aua'uo ga'me yiyaĝatedaque jogaa'me jiyaĝadipi. Ja naqa'am da'me jetaque am 'yota'n, dite joda'me jayem, qaedi ja ñejaliaĝatelo'te.

La'aqtaqa Ñim Lo'onatac 'Enauacna 2013

⁷ qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.

1 Samuel 8:7 Iomraidhean Croise

1 Samuel 10:19

Qalaĝaja nayi da'me ami ma'te a'uotañi joñe'me Dios jo'ne ami de'uolo'te queda'me ena'uaque gaa'me adajouaĝacodi' choqoda'me nach'e eta't da'me ami lichiguilo, nataq'aen da'me avimii da'me aviyaĝañiyaque ga'me adejaliaĝanequi qaedi ami nejaliaĝatelo'te. Chane'eja, 'noota qom auajoyiya'aguet nayi ñe'me Jaliaĝanec, onolqa'tape gaa'me net'alpi choqoga'me c'oqo'tepi.»

1 Samuel 8:8

Chiyoĝoguet jo'me nolo' ca'li ñaqatedegue di'me Egipto, chayovida'a nayi, da'me jayem etede'ec, jouaĝat da'me jayem yaĝadiñe, e'n gaa'me qop'iyapegalo yate'm nale ga'me lemaĝa'j.

1 Samuel 8:22

Ñe'me Jaliaĝanec 'yateguet: «Anaquiaĝana ga'me yiyaĝatedaque, aua'uo ga'me lejaliaĝane'j.» Chane'eja Samuel yamaĝadeuo gaa'me Israel laje'pi, e'n yec'atapegalo naa'me noyaqa 'me chiyaqapeguelo.

1 Samuel 12:1

Yem da'me dojo' qama'le Samuel yitaĝa dojapegue'to jogaa'me Israel laje'pi, eetac: «Ami qa'a auañiya da'me ami ñaquiaĝanalo yema ga'me jo'ne aviyaĝañiyaque ca'li, qama'le joote ja'uo jena'me adejaliaĝanequi.

1 Samuel 12:12

Qalaĝaja mane'e da'me auañiya ñe'me Nahas, lejaliaĝane'j gaa'me Amón laje'pi, da'me jetaque ami quiiñguilo, qama'le jayem auojiyapegue' qaedi ja'uo ga'me adejaliaĝanequi jo'ne ami yelolo'te. Qalaĝaja nach'eñe ñe'me Jaliaĝanec Dios mach'e Adejaliaĝanequi.