1 Samuel 8:6 - Toba del Oeste

⁶ Qama'le ñe'me Samuel ja 'yamaqaten da'me yiyaĝatedaque ga'me lejaliaĝane'j, qama'le ya'uo ga'me netamenaĝac, netamenot ñe'me Jaliaĝanec.

La'aqtaqa Ñim Lo'onatac 'Enauacna 2013

⁶ Qalaxaye so Samuel, ỹataqta sa ỹaỹamaxaren de'era, cha'aye qaiỹaxaatacot da ỹauo'o ca nta'a da ilo'ogue naqa'en somayepi, nache somaye nqouagaxaunot Ñim Nataxala',

1 Samuel 8:6 Iomraidhean Croise

1 Samuel 15:11

«Jayem totelegue da'me jen lejaliaĝane'j gaa'me Israel laje' ñe'me Saúl, qa'a jouaĝat da'me jayem ca'ae, qama'le ja ya'uo ga'me jamaĝalegue ta'le ya'uo.» Da'me domachiya da'me dojo' ñe'me Samuel, yataqachiñe jaqachigui da'me ja matelegue, qama'le yema jo'me pi'yaq nachoĝodetapecot ñe'me Jaliaĝanec.

1 Samuel 12:17

Qa'a nayi queda'me yovita da'me laloqo' da'me naqataĝanaĝac male qonapoc ga'me trigo, qama'le ja uotep. ¿Qo'li ja naq'aeta? Qalaĝaja cha'li ñachoĝodenot ñe'me Jaliaĝanec qaedi namaĝaquena da'me ne'uanaĝañe ga'me qajoĝonaĝa choqoga'me uotep. Chane'eja male auayachiñe queda'me ja no'en ga'me ami yec'ateneque ñe'me Jaliaĝanec, ca'li aviyaĝañiyaque ga'me adejaliaĝanequi.»

1 Samuel 7:5

Yem qama'le Samuel eetac ga'me 'laqatac: «'Noota ta'le ademiya'a't ena'uaque ami Israel laje'pi, ademiya'ña di'me noic Mispá, qama'le jayem ñachoĝodenot ñe'me Jaliaĝanec qaedi ami jajelaĝalo'te.»

1 Samuel 10:19

Qalaĝaja nayi da'me ami ma'te a'uotañi joñe'me Dios jo'ne ami de'uolo'te queda'me ena'uaque gaa'me adajouaĝacodi' choqoda'me nach'e eta't da'me ami lichiguilo, nataq'aen da'me avimii da'me aviyaĝañiyaque ga'me adejaliaĝanequi qaedi ami nejaliaĝatelo'te. Chane'eja, 'noota qom auajoyiya'aguet nayi ñe'me Jaliaĝanec, onolqa'tape gaa'me net'alpi choqoga'me c'oqo'tepi.»

1 Samuel 12:12

Qalaĝaja mane'e da'me auañiya ñe'me Nahas, lejaliaĝane'j gaa'me Amón laje'pi, da'me jetaque ami quiiñguilo, qama'le jayem auojiyapegue' qaedi ja'uo ga'me adejaliaĝanequi jo'ne ami yelolo'te. Qalaĝaja nach'eñe ñe'me Jaliaĝanec Dios mach'e Adejaliaĝanequi.

Oseas 13:10

Qama'le nayi, ¿jego ue'tague joga'me adejaliaĝanec, qaedi am nec'alaĝategue? ¿Jegaua jogaa'me lajoĝola'te gaa'me noyaqa, jo'ne aue'n adejaliaĝanec nataq'aen adajoĝola'te ca'li?

1 Samuel 12:19

Chane'eja ena'uaque dojedapegue' ñe'me Samuel, enaa'j: «Anachoĝodenot ñe'me Jaliaĝanec jo'ne Anedios, qo'mi aualoĝonataĝalo'te jo'ne qo'mi adalemaĝaje'te, qaedi ja qademichiñe qadeleu. Qa'a ena'uaque ñichigaĝataĝaye ga'me qadoec queda'me jiyaĝanaqataque qadejaliaĝanec.»

1 Samuel 12:23

Da'me jayem, 'noota qom ñe'me Jaliaĝanec jayem yejoye qaedi ja ja'uo 'te yoec, qaedi ja jaĝañi da'me ami ñetamelo'te. Qama'le nayi, ami japaĝagueneque ga'me jo'ne 'noota nataq'aen ga'me chimaqachiñe.