1 Samuel 13:3 - Toba del Oeste

³ Qama'le ñe'me Jonatán nomachichidiñe gaa'me filisteo laje' jo'ne coicopi ueteda'a di'me Guibeá, qama'le yemeda gaa'me filisteopi paja'a da'me nomedaye. Chane'eja Saúl damajoĝolegue da'me qoyajediyelo gaa'me lajeedel, yema di'me aleua jo'ne Israel, qaedi paja'a qoyayatenaĝanaĝaneque da'me dojo' jogaa'me hebreopi.

La'aqtaqa Ñim Lo'onatac 'Enauacna 2013

³ Nache so Jonatán iloquiaxan co'ollaxa so alleppi filisteopi maye hueta'a ye Gabaa, nache loxonec, qaq de'era qoỹeetec, ỹaỹaten co'ollaxa so filisteopi. Qalaxaye so Saúl damaxasoxoolec co'ollaxa da qaỹashiiyigui aso nasheerepi da qaiconnaxaalec 'enauac se'eso nma', da yaqto' qaicoyeguen som hebreopi.

1 Samuel 13:3 Iomraidhean Croise

2 Samuel 2:28

Chane'eja ñe'me Joab paja'a damajoĝolegue jaga'me najeede da'me qoyajediye, qama'le ena'uaque jogaa'me coicopi yaĝadiñe da'me yecana'ape jogaa'me Israel laje' qama'le ja yitaĝa deloi'ye'to.

2 Samuel 20:1

'Uo ñe'me jiyaĝaua jo'ne qaleuaĝaic jo'ne chiyoĝogueta gaa'me c'oqo'te di'me Benjamín, lenaĝat da'me Sebá, mach'e c'oĝot ñe'me Bicrí, ue'ta ca'li di'me Guilgal. Ñe'me Sebá yejoĝonoue ca'li di'me noic qaedi nalade'te' ñe'me David, eetac ca'li: «Ami Israel laje', da'me qo'mi qa'a qo'mi niyoda'alo nataq'aen ja qo'mi 'te ua'ajopa ga'me lae ena'uac ga'me leuoyaĝac ñe'me David, jo'ne c'oĝot ñe'me Jesé. ¡'Noota qom qolaĝauo!»

2 Samuel 23:14

Ñe'me David cha'li nañoĝotetapiñe ca'li, qa'a jaa'me noloqo'ote gaa'me coicopi jo'ne filisteo laje' ueteda'a di'me Belén.

Zacarías 14:10

Yema jenjo' aleua onolec da'me nalo'ta't chiyoĝogue di'me Gueba, loiquiaqa' di'me Rimón jo'ne chaje'ma jena'me Jerusalén. Di'me Jerusalén qa'a p'ajeguem, qama'le yataqata qona'ña joga'me, chiyoqochi'ña joga'me Najom di'me Benjamín chayovida'a joga'me jom jo'ne lenaĝat da'me Ángulo (jo'ne ca'li na'ña ga'me Jom Toĝoic), nataq'aen qona'ña joga'me qayaje'mec jo'ne lenaĝat da'me Hananel, chayovida'a yovita ga'me 'netaĝaiqui jaga'me uva nale qoye'et ga'me lataĝa, jo'ne jaliaĝanec loĝot.

1 Samuel 10:5

Yem qama'le auovida'a di'me Guibeá jo'ne loĝot ñe'me Dios, nach'edi jo'ne ue'ta gaa'me coicopi jo'ne filisteopi. Qom male aue di'me noic, qama'le auada'agueta gaa'me Dios 'laqatanaĝanaĝanaqa jo'ne t'aqataĝa'tape, 'yaĝatetedac da'me Dios 'laqatac, jo'ne yec'adeta ga'me 'lachaqa' nale ga'me yema'a't. Jogaa'me dajota'yelo gaa'me jiyaĝa'u jo'ne diviquinaĝa'tape uo'oe gaa'me natoviaĝanata, gaa'me najeedel choqogaa'me neviquil.

1 Samuel 13:16

Qama'le ñe'me Saúl choqoñe'me c'oĝot Jonatán ueteda'a di'me Guibeá, choqoga'me coicopi jo'ne nalada't lo'ol. Gaa'me filisteopi qamqa'me yauote lomachaqa't di'me Micmás.