1 Samuel 10:1 - Toba del Oeste

¹ Qama'le Samuel yacona jaga'me lae't ga'me aceite, yecodelegue ga'me laqaic ñe'me Saúl, nec'ouoq qama'le eetac: «Ñe'me Jaliaĝanec am yachalegue nayi queda'me am lejaliaĝane'j gaa'me Israel laje'pi jo'ne mach'e c'oqo'tepi. Naqa'am anejaliaĝatelo'te nataq'aen aue'uolo'te queda'me coletapejopa gaa'me laute'upi. Da'me dojo' nach'eda yaloĝon da'me yataqatelegue queda'me yataqata eja ñe'me Jaliaĝanec en am lajoĝola't gaa'me c'oqo'tepi:

La'aqtaqa Ñim Lo'onatac 'Enauacna 2013

¹ Nache so Samuel ỹacona aso ncoraxanaqte maye laỹe' so aceite, nache icorelec na lqaic so Saúl, ime, qaq napigoxoi' nache 'enapega, 'eeta': Ñim Nataxala', 'am lca'aguishec nagui da yaqto' 'aulo'ogue na lalamaxat nhuo' Israel le'ecpi.

1 Samuel 10:1 Iomraidhean Croise

2 Samuel 1:14

Nachoĝodenaĝac ñe'me David: «¿Toqoch'e qaya'te adoqolanaĝa da'me aualat di'me jaliaĝanec jo'ne Dios liquiyac?»

2 Samuel 19:39

Ena'uaque gaa'me jiyaĝadipi paidiñgui di'me Jordán. Qama'le ca'li male paguegue ñe'me jaliaĝanec, male nec'ouoq ñe'me Barzilai qa'a ja yitaĝa naua'ne'. Chane'eja ñe'me Barzilai male queuo ca'li.

2 Samuel 20:19

Jena'me jenjo' noic jo'ne mach'e qat'achaqa', nach'ena jo'ne yataqachiñe 'uo da'me 'lemaĝac nataq'aen yataqatelegue, jo'ne mach'e 'naleua ga'me Israel, nach'e ena'am da'me p'ajaye. Qalaĝaja, da'me am ma'te jetaque anolaĝachiñe. ¿Toqoch'e jetaque auolaĝachigui ga'me jo'ne loĝot ñe'me jaliaĝanec?»

2 Samuel 5:2

temaq'aen da'me eja, di'me Saúl qadejaliaĝanec ca'li, qalaĝaja nach'e am da'me am lajoĝola't gaa'me Israel laje' nale yec'adeta ga'me nalada't. Nach'e ena'am, ñe'me Jaliaĝanec joote am 'yaĝatem queda'me nach'e am, am lajoĝola' jena'me Israel qomle nataq'aen am lejaliaĝanec.»

Oseas 13:2

Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

1 Samuel 12:3

Naqayem male joueta'ñena nayi: ¿qo'li jecachiya ca'li joga'me uaca uotaĝa ajena jo'ne mach'e aloyi? Uotaĝa ¿qo'li 'uo joga'me ja jodinac, uotaĝa je'etec ga'me ja no'en, uotaĝa ja'uo lajo'vi ca'li qaedi jotauan joga'me? Qom naq'aeta, qama'le 'noota ta'le jayem a'uaĝachiyem nayi, nataq'aen auechoĝochiyem joñe'me Jaliaĝanec Dios choqoñe'me adejaliaĝanequi jo'ne mach'e liquiyac joñe'me, qama'le jayem jejeten nayi yema joga'me ñep'iayaĝac.»

1 Samuel 13:14

Qalaĝaja nayi, ga'me adejaliaĝa ja cop'a qomle, qa'a ñe'me Jaliaĝanec joote yelaque ga'me jiyaĝaua jo'ne yiyamaĝaden. Qama'le yenaqatenec qomle da'me lajoĝola't gaa'me c'oqo'tepi, jouaĝat da'me am ja auoqo'cha ga'me lamajoĝonaĝac jo'ne joote am yanem.»

1 Samuel 15:1

'Uo jo'me nolo' Samuel dojapegue' ñe'me Saúl, eetac: «Ca'li ñe'me Jaliaĝanec jayem yamaĝalegue qaedi am ja'alegue, queda'me en am lejaliaĝane'j gaa'me Israel laje'pi jo'ne mach'e c'oqo'tepi. Chane'eja nayi anaquiaĝana ga'me jetaque am 'yaĝatem joñe'me.

1 Samuel 15:17

Qama'le eetac ñe'me Saúl: «¿Qo'li ja eja ca'li da'me auetapela't ja am 'te p'ajaye nataq'aen qaya'te adi'yoĝodic? Qalaĝaja ñe'me Jaliaĝanec en am lajoĝola't gaa'me c'oqo'tepi di'me Israel.

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

1 Samuel 16:13

Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me. Yem da'me dojo' ca'li, ñe'me Samuel 'viyelaĝague di'me Ramá.

1 Samuel 2:10

Ñe'me Jaliaĝanec yolaĝachiguilo jogaa'me laute'upi: chiyoĝogue di'me piyem joda'me ne'uaĝa'ñalo jogaa'me. Ñe'me Jaliaĝanec naloqoten yema joga'me aleua laje'pi; yanem da'me lañoqotaĝanaĝac joga'me jaliaĝanec jo'ne mach'e liquiyac nataq'aen en nichiquetaye da'me lañoqotaĝanaĝac.»

1 Samuel 24:6

Qama'le enaac da'me dojapegue'to gaa'me nejoĝonaqa: «Joñe'me Jaliaĝanec nach'eñe jayem yachiyoĝotaue da'me ta'le 'uo joga'me je'etec ñe'me yejaliaĝanec. Qa'a joñe'me mach'e liquiyac ñe'me Jaliaĝanec. ¡Ja jaqanatet ta'le ñodegue jena'me youaq ta'le 'uo joga'me je'etec joñe'me!»

1 Samuel 26:11

qama'le joñe'me ja jayem 'te yaje'tem ta'le 'uo joga'me je'etec ñe'me mach'e liquiyac. Qalaĝaja am e'tegue, auacona jaga'me nemiyoĝo, nataq'aen jaga'me yomaĝaiqui jo'ne uetañgui na'me noĝop, qama'le qolaq.»

1 Samuel 26:9

Qalaĝaja David 'yateguet: «Ena'te aualat, qa'a ga'me jo'ne jetaque yalat ñe'me jaliaĝanec jo'ne liquiyac ñe'me Dios ja ch'e qoyomache'ta, maq da'me qoyanem ga'me ne'uaĝanaguec.»

1 Samuel 8:19

Qalaĝaja gaa'me jiyaĝadipi ja yoqochideta ga'me 'yaĝatema ñe'me Samuel, enapega't: «Dojo' ja yaqalan. Jetaque 'uo ga'me qadejaliaĝanec,

1 Samuel 8:9

Chane'eja aua'uo ga'me lejaliaĝane'j jo'ne yiyaĝatedaque. Qalaĝaja yataqata auayatenaĝanaĝaneque ga'me ya'uo qomle ga'me jaliaĝanec.»

1 Samuel 9:16

«Qom 'yoĝoñi, nach'e ena'am nayi, ñamaĝaquena ga'me jiyaĝaua chiyoĝogue ga'me 'naleua di'me Benjamín. Nach'eñe jo'ne auecodelegue ga'me aceite ga'me laqaic, da'me naqaeñe jo' qomle nejaliaĝatelegue ga'me mach'e yalaqapi jo'ne Israel laje'pi, jo'ne nach'eñe yachiyoĝotedaue queda'me gaa'me filisteopi nach'e eta't da'me nejaliaĝatetapelo'te, qa'a janem da'me yichoĝodenataĝanaĝac gaa'me mach'e yalaqapi, da'me loñiquiaĝac jayem yedaje'ma.»

1 Samuel 9:27

Mane'e da'me natedañe naditede'ga ga'me p'aye di'me noic, qama'le Samuel dojapegue' ñe'me Saúl, eetac: «A'uauaĝata na'me adalemaĝajet, da'me am qamqa'me cada'ac ap'ategue, qa'a jetaque 'uo ga'me am ja'aĝatem jo'ne jayem 'yaĝatem ñe'me Dios.»