Mateo 9:4 - Tachi Ak'õre Pedea

⁴ Maamina ãchia k'ɨ̃risia p'anɨ Jesupa k'awasima. Mãɨpuru jarasima: —Mãrapa ¿k'ãre k'orea mãra sõne jãɨya piawẽa k'ɨ̃risia p'anɨma?

Mateo 9:4 Iomraidhean Croise

Mateo 12:25

Maamina ãchia k'ɨ̃risia p'anɨ Jesupa k'awada pẽra jarasima: «Tua abarik'a berã ãstu k'ĩruupik'adaipɨra, chi jõnaipɨ. P'uuru abarik'a berã wa te abarik'a berã ãstu k'ĩruupik'adaipɨra, tãaraa p'ananaiwẽma.

Marco 12:15

Maamina Jesupa ãchi ẽpẽerã pia jĩra berãt'a k'awaside, nãɨya jarasima: —Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.

Marco 2:8

Ara mãɨne Jesupa ãchia k'ɨ̃risia p'anɨt'a ichi sõne k'awasima. Mãɨpuru ãchiá jarasima: «¿K'ãre k'orea mãra sõne jãɨya k'ɨ̃risia p'anɨma?

Luca 11:17

Maamina ãchi k'ɨ̃risia p'anɨ Jesupa k'awada pẽra nãɨya jarasima: «Tua abarik'a berã ãstu k'ĩruupik'adaipɨra, chi jõnaipɨ. Ara mãɨ jĩra te abarik'a berã ãstu k'ĩruupik'adaipɨra, tãaraa p'ananaiwẽma.

Luca 5:22

Maamina Jesupa ãchia k'ɨ̃risia p'anɨ k'awada pẽra nãɨya idisima: —¿K'ãre k'orea mãra sõne jãɨya k'ɨ̃risia p'anɨma?

Luca 6:8

Maamina ãchia k'ɨ̃risia p'anɨt'a Jesupa k'awa bada pẽra chi ẽpẽra jua sorek'ea bɨa nãɨya jarasima: —P'irabarik'ari ãareaɨrã taade bai nɨbeese. Ara mãɨne chi ẽpẽra p'irabarik'ari maapae bai nɨbeesima.

Luca 7:40

Mãɨ k'orea Jesupa nãɨya jarasima: —Simón, mɨa pɨá ne jara k'ɨ̃ria bɨma. Simonpa jarasima: —Jarase, Jarateaparí. Jesupa jarasima:

Juan 16:19

Jesupa k'awasima ãchia mãɨ k'orea idi k'ɨ̃ria p'anɨt'a. Mãɨpuru jarasima: —Mɨa mãrá jarasima tãaraawẽa bɨde mɨ waa ununaiwẽane asima mãɨnepa mãɨya nak'ari tãaraawẽa bɨde mɨ mãicha ununayade asima. ¿Mãɨ k'orea ara mãra tuaba idi para p'anɨwẽk'ãra?

Juan 16:30

Naapae taipa k'awautama pɨa ne ãarea k'awa bɨt'a. Taipa ne ididai naena pɨa sãmaasã́ p'anooi k'awa bɨma. Mãɨnepa k'awa p'anɨma pɨ Tachi Ak'õrenepa chesit'a.

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Juan 6:61

Jesupa k'awasima ichia jarateada k'orea ãchi mãɨya piawẽa pedea p'anɨt'a. Mãɨpuru jarasima: —Mãramá, mɨa jarateada ¿chi t'aju bɨk'ãra?

Juan 6:64

Maamina eda waapẽarãpa waidi mɨ pedea ĩjãanawẽa p'anɨma. Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.

Hecho 5:9

Mãɨpuru Pedropa jarasima: —Mãrapa ¿k'ãre k'orea pedea ausidama Tachi Chipari Jaorepa sak'á ooi k'awadayá? ¡Ak'ɨse! Chi pɨ k'ima t'ɨbaride wã p'anana jãma cheutama. Ara nãɨena pɨ sida t'ɨbaride ateewãnaipɨ.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.