Mateo 7:12 - Tachi Ak'õre Pedea

¹² Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Mateo 7:12 Iomraidhean Croise

Mateo 5:17

»K'ɨ̃risiarãt'ɨ mɨ chesima Moisepa bɨda itu bɨpiemaapa, mãɨyawẽpɨra Tachi Ak'õre pari pedeapataɨrãpa bɨdada itu bɨpiemaapa. Mɨ mãɨ k'orea cheé pasima. Mãɨ k'aepẽra mɨ chesima ãchia jara p'anɨ jõma piarã ooi k'orea.

Luca 6:31

Mãrapa k'ɨ̃ria p'anɨma waapẽarãpa mãra pia oodait'a. Ara mãɨ jĩra mãrapa waapẽarã pia oot'ɨ.

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

Santiago 2:8

Mãrapa Moisepa bɨdadepema chi atepe bɨ piarã oo p'anɨpɨra, pia oo p'anɨma. Tachi Ak'õre pedeade mãɨ Moisepa bɨdade nãɨya jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».