Mateo 7:11 - Tachi Ak'õre Pedea

¹¹ Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa nepia teaiwẽk'ãra?

Mateo 7:11 Iomraidhean Croise

Mateo 23:9

Mãɨ awara nãɨ ĩjũanepema mi ãpia pida abaɨa pida “tai ak'õre” arãt'ɨ, Ak'õre abapuru pajãne uru p'anɨ pẽra.

Mateo 7:10

Warrapa beta idirude ¿taama teaik'ãra?

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Romano 3:9

Mãɨpuru ¿k'ãre jaradaima? ¿Jaradaik'ãra tai judiorã waapẽarã k'aepẽra atepe pia p'anɨma? ¡Mãɨyawẽma! Mɨa nãɨ k'art'ade k'awapisima judiorãpa mãɨnepa judiorãwẽpa nemietá oopataɨt'a.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.