Mateo 6:6 - Tachi Ak'õre Pedea

⁶ Pɨa Tachi Ak'õrea ɨt'aa chiidirude pɨchi tede eda wãse. Chi eda wãpataɨ jɨ̃at'ɨk'ari pɨchi tuaba pɨ Ak'õrea ɨt'aa chiidise. Pɨa k'ĩup'ea nepia oo bɨ Tachi Ak'õrepa unuparima. Ichiapuru pɨá nepia teaipɨ.

Mateo 6:6 Iomraidhean Croise

Mateo 14:23

Jõmãɨrã wãpik'ari ichi tuaba eyadea Tachi Ak'õrea ɨt'aa chiidide wãsima. K'iuside ichi tuaba basima.

Mateo 6:18

Mãɨyara ẽpẽrarãpa k'awadaiwẽma pɨa Tachi Ak'õrene k'ɨ̃risiadayá nek'odak'apɨ́ ewaride oo bɨt'a. Aba pɨ Ak'õrepuru k'awaipɨ. Pɨa k'ĩup'ea nepia oo bɨt'a pɨ Ak'õrepa unuparima. Ichiapuru pɨá nepia teaipɨ.

Juan 1:48

Natanaelpa Jesú unuk'a pada pẽra ichiá idisima: —Pɨa mɨ ¿sãmaasã́ k'awa bɨma? Jesupa p'anoosima: —P'elipepa pɨ jɨrɨde wãi naena mɨa k'awa basima pɨ higo pak'uru ek'ari bɨt'a.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Hecho 10:30

Mãɨne Corneliopa jarasima: —Ewari k'ak'o k'ĩmari pa bɨde ara nãɨ orak'a, k'ewara hora ũpeaɨde, mɨa Tachi Ak'õrene k'ɨ̃risiayá nek'ok'apɨ́ ewari oo basima. Tachi Ak'õrea ɨt'aa chiidimaa bɨde mɨ k'ĩrari ẽpẽra aba bɨt'a unusima. Ichi neet'á achiterrea basima.

Hecho 10:9

Norema ɨmat'ip'a parude ãchi ode Jope p'uuru k'ait'a cheutade, Pedro te ɨ̃rɨ wãsima Tachi Ak'õrea ɨt'aa chiidii k'orea.

Hecho 9:40

Mãɨne Pedropa ãareaɨrã tajatá wãpisima. Sĩraporode k'obeek'ari Tachi Ak'õrea ɨt'aa chiidisima Dorca chok'ae p'irabaripimẽrá. Ɨt'aa chiidik'ari chi piudamá ak'ɨrude jarasima: —Tabita ¡p'irabarise! Ara mãɨne ichi tau uruasima. Pedro unuk'ari suak'abari beesima.

Romano 8:5

Chi nãɨ k'ak'uapa nemietá oo k'ɨ̃ria bɨdepa nipapataɨrãpa abapuru nãɨ k'ak'uapa oo k'ɨ̃ria bɨt'a k'ɨ̃risiapatama. Maamina Tachi Ak'õre Jaoredepa nipapataɨrãpa Ichia k'ɨ̃ria bɨt'u k'ɨ̃risiapatama.

Ep'esio 3:14

Mãɨ k'orea mɨ Tachi Pajãnepema Ak'õre k'ĩrari sĩraporode k'obeeparima.