Mateo 6:2 - Tachi Ak'õre Pedea

² Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:2 Iomraidhean Croise

Mateo 15:7

¡Mãra ẽpẽerã pia jĩra berã! Tachi Ak'õre pari pedeaparí Isaíapa mãra k'orea piarã bɨsima. Nãɨya jarasima:

Mateo 16:3

Mãɨnepa tap'ededa ɨmata ochiaparieri pajã p'urea nɨbɨpɨra mãɨnepa t'aua nɨbɨpɨra, mãrapa ewari mietá bayade apatama. Mãrapa mãɨya ewari k'ĩra k'awa p'anɨmina Tachi Ak'õrepa nãɨ ewaride oo bɨt'a k'awadak'ama.

Mateo 22:18

Jesupa k'awa bada pẽra mãɨrãpa k'ɨ̃risia mietá uru p'anɨt'a, mãɨpuru mãɨya jarasima: —Mãra ẽpẽerã pia jĩra berã, ¿k'ãre k'orea mɨá pedea piawẽa pedeapidayá jãɨya p'anɨma?

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Mateo 23:6

Nek'ode wãnak'ari waapẽarã ome, suak'abari p'aneenai k'ɨ̃riapatama jõmãɨrã taade, minachia k'awa berã suak'abari p'aneepataɨde. Judiorã ará pedeapataɨ tede pida ara mãɨ jĩra oopatama.

Mateo 24:51

Maapae chi chiparipa minachia ɨtɨak'ari chi pia jĩra berã ome eda jɨ̃a nɨbɨpiipɨ. Mãma ãareaɨrã jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 5:18

Mɨa piarã jararuma: pajã mãɨnepa nãɨ ĩjũa bɨmisa mãɨ Moisepa bɨdadepema letra aba mi ãpia pida jõiwẽma, aba mãɨne jara bɨ ãarea baerudea.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:3

Pɨa nenea k'edea ne tearude waapẽarã taade jĩk'ua pedearãse. Mi ãpia pida abaɨa nepɨrɨrãse. Pɨa k'ĩup'ea nepia oo bɨt'a pɨ Ak'õrepa unuparima. Ichiapuru pɨá nepia teaipɨ.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 7:5

¡Mãrapa jarapataɨ jĩra oodak'ama! Nãɨrã pak'uru waibɨa machi taujãne bɨ aubarit'ɨ. Mãɨya p'ue ununaipɨ nejarra waapẽarã taujãne bɨ aubaridai k'orea. Ara mãɨ jĩra pɨa nemietá oo bɨ itu bɨse. Mãɨyapuru waapẽarã p'ue k'aripaipɨ.

Marco 12:39

Judiorã ará pedeapataɨ tede ãchi suak'abari p'aneepatama jõmãɨrã taade, minachia k'awa berã suak'abari p'aneepataɨde; nek'outade ara mãɨ jĩra oopatama.

Marco 7:6

Jesupa p'anoosima: —Mãra ẽpẽerã pia jĩra berã, Tachi Ak'õre pari pedeaparí Isaíapa mãra k'orea nãɨya bɨsima: Nãɨ p'uurudepemarãpa mɨá pia pedeapatama, maamina piarã ãchi sõne mɨne k'ɨ̃risiadak'ama.

Luca 11:41

Sõpiadepa nenea k'ederã́ mãrapa uru p'anɨnepema teat'ɨ. Mãɨya piarã mãra pia p'aneenaipɨ, tachi k'ak'ua pia sɨɨda jĩra.

Luca 11:43

»¡Mãra p'ariseorã chupuri p'anɨma Tachi Ak'õrepa ɨtɨai pẽra! Mãra judiorã ará pedeapataɨ tede ãchi suak'abari p'aneenai k'ɨ̃riapatama minachia k'awa berã suak'abari p'aneepataɨde. Mãɨ awara p'uurude ninane k'ɨ̃riapatama ẽpẽrarãpa ãchiá pia pedeadamẽrá.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 12:56

Mãra chi pia jĩra berãpa ewari k'ĩra k'awa p'anɨmina Tachi Ak'õrepa nãɨ ewaride oo bɨt'a k'awadak'ama.

Luca 13:15

Mãɨpuru Jesupa jarasima: —¡Mãrapa jarateapataɨ jĩra oodak'ama! ¿Mimianak'apɨ́ ewaride mãra p'ak'a wa mũra ẽranak'ari pania topide ateewãnawẽk'ãra?

Luca 20:46

«Jĩrak'aua p'anat'ɨ chi Moisepa bɨda jarateapataɨrã k'orea. Ãchia neet'á teesoa anamari jɨ̃patama. Mãɨ awara p'uurude ninane k'ɨ̃riapatama ẽpẽrarãpa ãchiá pia pedeadamẽrá. Judiorã ará pedeapataɨ tede ãchi suak'abari p'aneepatama jõmãɨrã taade, minachia k'awa berã suak'abari p'aneepataɨde; nek'outade ara mãɨ jĩra oopatama.

Luca 6:24

“Maamina chupuri p'aneenaipɨ mãra chi erreara pará berã, nãɨ ewaridepuru sõ arapá p'anɨ pẽra.

Luca 6:42

Pak'uru waibɨa machi taujãne bɨ ununawẽa p'anɨpɨra ¿sãmaasã́ waapẽarã́ nãɨya jaradaima: “Nejarra pɨ taujãne bɨ mɨa aubariipɨ”? ¡Mãrapa jarapataɨ jĩra oodak'ama! Nãɨrã pak'uru waibɨa machi taujãne bɨ aubarit'ɨ. Mãɨya p'ue ununaipɨ nejarra waapẽarã taujãne bɨ aubaridai k'orea. Ara mãɨ jĩra pɨa nemietá oo bɨ itu bɨse. Mãɨyapuru waapẽarã p'ue k'aripaipɨ.

Juan 13:29

Judapa ãchi erreara enemeepachi pẽra, waapẽarãpa k'ɨ̃risiasidama Jesupa ne atapade a bɨek'ãra a k'ɨ̃risiasidama arapaapataɨ ewari oodai pae, mãɨyawẽpɨra chupuria k'edea ne teade wãmẽrá.

Juan 5:41

»Mɨa jɨrɨwẽa bɨma mãrapa mɨ pia ununamẽrá.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Juan 7:18

Abaɨpa ara ichi k'ɨ̃risiadepa pedea bɨpɨra mãɨya oo bɨma ẽpẽerãpa ara ichi k'orea pia pedeadamẽrá. Maamina abaɨpa k'ɨ̃ria bɨpɨra waapẽarãpa chi ichi peeda k'orea pia pedea bɨpɨra, mãɨpa piarãpẽa pedea jaraparima; sea jarak'ama.

Hecho 10:2

Mãɨ Cornelio ichi tiidapemarã paara ãarea jĩp'a p'anasima. Tachi Ak'õre wap'ea p'anasidama. Corneliopa judiorã k'aripai k'orea erreara minachia teapachima mãɨnepa Tachi Ak'õrea ɨt'aa chiidi bapachima.

Hecho 10:31

Mãɨ ẽpẽrapa mɨá jarasima: “Cornelio, pɨa ɨt'aa chiidi bada Tachi Ak'õrepa pia ũrisima. Ichia k'ɨ̃risia atuawẽa bɨma pɨa nenea k'ede k'aripaparit'a.

Hecho 10:4

Corneliopa Tachi Ak'õrepa ɨt'aripa peeda minachia ak'ɨk'ari ne minachia wap'ea bɨdepa idisima: —¿K'ãre, mɨ chipari? Mãɨne Tachi Ak'õrepa ɨt'aripa peedapa jarasima: —Pɨa Tachi Ak'õrea ɨt'aa chiidi bɨt'a mãɨnepa nenea k'ede k'aripa bɨt'a ichia mãɨ pia unu bɨma, ichiá ne paatearu jĩra.

Hecho 11:29

Mãɨpuru chi Jesude ĩjãapataɨrã Antioquiade p'anɨpa pedea ausidama erreara ũpẽarã Judea tuade berã pae tea peedai k'orea. Ãchicha p'ue teauta jĩra teadayade asidama.

Hecho 24:17

»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea.

Hecho 9:36

Mãɨ ewaride Jesude ĩjãa bɨ wẽra Tabita apataɨ Jope p'uurude basima. Griego pedeade ichi t'ɨ̃ Dorca apachidama. Mãɨ ũpẽawẽrapa nepia be oo bapachima. Chi nenea k'ede minachia k'aripapachima.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

1 Corintio 13:3

Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

Gálata 2:10

Abapuru taiyá jarasidama ũpẽarã nenea k'ede k'aripadamẽrá. Mãɨ mɨmá minachia pia basima mãɨya oo k'ɨ̃ria bada pẽra.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

P'ilemón 1:7

Ũpẽa, pɨa ẽpẽrarã Tachi Ak'õrenepemarã k'ɨ̃rianepa sõpiapida pẽra mɨ sida arapaapisima mãɨnepa minachia sõpia nipapisima.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.