Mateo 6:1 - Tachi Ak'õre Pedea

¹ »Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

Mateo 6:1 Iomraidhean Croise

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:6

Mãɨne Jesupa jarasima: —Jĩrak'aua p'anat'ɨ chi p'ana ooropiparí p'ariseorãné ome mãɨnepa chi saduceorãné ome.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Mateo 5:46

Maamina mãrapa abapuru mãra k'õp'ãerorãt'a k'ɨ̃ria p'ananaipɨra, ¿k'ãret'a nepia Tachi Ak'õrepa teaima? Romanepema pae erreara jɨrɨp'epataɨrã pida mãɨ jĩra oopatama.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:9

Mãɨpuru Tachi Ak'õrea nãɨya ɨt'aa chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma.

Marco 8:15

Mãɨne Jesupa jarasima: —Jĩrak'aua p'anat'ɨ chi p'ana ooropiparí p'ariseorãné ome mãɨnepa chi Herodedé ome.

Luca 11:35

Mãɨ k'orea minachia jĩrak'aua base, pɨa ɨnaa jĩra k'ɨ̃risia bɨ mãɨ p'ãrio baemaapa.

Luca 12:1

Mãɨya p'anɨne ẽpẽrarã chok'ará tausia cheepɨrɨsidama. Minachia p'isua nɨbɨ pẽra waapẽarã para chi t'ɨ̃sia wã para basima. Mãɨne Jesupa naa ichi ome p'ɨrrɨapataɨrã́ nãɨya jarasima: «Jĩrak'aua p'anat'ɨ chi p'ariseorãné p'ana ooropiparí ome. Ãchi chi pia jĩra berãpɨ.

Luca 12:15

Mãɨne ichia jõmãɨrã́ jarasima: —¡Jĩrak'aua p'anat'ɨ! Erreara chi awaa p'anarãt'ɨ. Neet'á minachia uru bɨdepa tachi chok'ae bak'ama.

Luca 16:15

Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

Juan 12:43

Tachi Ak'õrepa ãchi k'orea pia pedeai k'aepẽra mãɨ judiorãpa k'ɨ̃ria p'anasidama ẽpẽerãpa ãchi k'orea pia pedeadait'a.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!

Gálata 6:12

Chi mãra k'ak'ua tauchaapi k'ɨ̃ria berãpa mãɨya oopatama, judiorãpa pia ununamẽrá mãɨnepa ãchia Cristo k'urusude piuda k'orea jaratea p'anɨ k'orea mĩapidaemaapa.

Hebreo 11:26

Tachi Ak'õrepa Tachi K'aripaparí teai jarada piarã cheide ĩjãana pẽra, ichia k'ɨ̃risiasima Egitodepema nepia uru bai k'aepẽra pia bɨma minachia mĩa bait'a. Tachi Ak'õrepa k'aadeapema ewaride teai jarada pia jita k'ɨ̃riana pẽra mãɨya k'ɨ̃risia basima.

Hebreo 2:1

Mãɨpuru jĩrak'aua p'anat'ɨ tachia chi piarãpẽa pedea ũrinaanat'a minachia ũrinai p'anɨma mãɨnepema ãyá wãnaemaapa.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

2 Juan 1:8

Jĩrak'aua p'anat'ɨ mãɨrãpa mãra seadaemaapa. Mãɨya mãrapa chi Tachi Ak'õre pae oopataɨ ichia teada atuadaiwẽma, mãɨpari jõma oodaipɨ.