Mateo 5:5 - Tachi Ak'õre Pedea

⁵ Pia p'anɨma mãrapa atepe k'awa p'ananai k'orea jɨrɨdawẽa p'anɨrã, Tachi Ak'õrepa mãrá jõma nãɨ ĩjũa jɨ̃anamẽrá teai pẽra.

Mateo 5:5 Iomraidhean Croise

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Mateo 21:5

«Sión p'uurudepemarã́ nãɨya jarat'ɨ: “Ak'ɨt'ɨ, mãra chipari mũra ɨ̃rɨ mãramá cheruma. Chi ẽpẽra minachia k'awa bɨ jĩra chewẽma. Mũra chak'e ɨ̃rɨ cheruma”».

Romano 4:13

Tachi Ak'õrepa Abrahaná mãɨnepa ichidepa chedai pada ẽpẽrarã́ nãɨ ĩjũa teayade asima. Maamina mãɨya jaraé pasima Abrahanpa Moisepa bɨda uru bɨda pẽra. Mãɨpari mãɨya jarasima Abrahán nepɨra newẽa bɨade a jarada pẽra. Mãɨya nepɨra newẽa bɨade a jarasima Abrahanpa ichide ĩjãana pẽra.

Gálata 5:23

waapẽarã k'aepẽra pia berã k'ɨ̃risiadak'aɨ mãɨnepa tachi k'ak'ua jĩp'a uru p'anapataɨ. Mãɨ bɨda newẽma chi mãɨ ãarea eda jara bɨt'a «nemietaade» a bɨt'a.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

Tito 3:2

Ũpẽarã́ jarase: abaɨ k'orea piawẽa pedeadaiwẽa p'anɨma mãɨnepa k'ĩruu pedea p'ananaiwẽa p'anɨma, mãɨpari sõpia p'ananai p'anɨma, jõmãɨrã ome minachia bɨ jĩra p'ananaiwẽa p'anɨma.

Santiago 1:21

Mãɨpuru nejõma nemietá mãɨnepa nejõma jĩp'awẽa bɨ itu bɨt'ɨ. Maapae Tachi Ak'õrepa ichi pedea mãra sõne bɨda k'ɨ̃risia piadepa ĩjãat'ɨ. Ara mãɨ pedeapa mãra Tachi Ak'õrepa ɨtɨai pada p'ue k'aripaipɨ.

Santiago 3:13

Mãra k'ɨ̃risia k'awa berã mãɨnepa ne k'awa berã k'ɨ̃risia p'anɨpɨra, pia nipapataɨdepa unupit'ɨ piarã mãɨya bet'a. Chi atepe k'ɨ̃risiadawẽa k'ɨ̃risiadepa pia oodai p'anɨma.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

1 Pedro 3:4

Mãɨpari mãra sõnepuru mip'it'á bai bɨma; sõpiadepa mãɨnepa ne k'ɨ̃risiawẽa bɨdepa bai bɨma. Mãɨ mip'it'á jõk'ama mãɨnepa Tachi Ak'õrepa pia unu bɨma.