Mateo 5:10 - Tachi Ak'õre Pedea

¹⁰ Pia p'anɨma chi jĩp'a be k'orea waapẽarãpa mĩapi p'anɨrã, Pajãne Bɨpa ichi juade ua bɨẽra.

Mateo 5:10 Iomraidhean Croise

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 19:14

Mãɨpuru Jesupa jarasima: —Warrarã mɨmá itu chepit'ɨ, Pajãne Bɨpa ichidirã ichi juade ua bɨ jĩra p'anɨ pẽra.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Mateo 5:3

«Pia p'anɨma mãra chi chichupuria berã k'awa p'anɨrã, mãɨ Tachi Ak'õrepa mãra ichi juade ua bɨẽra.

Marco 10:14

Jesupa mãɨ k'awaside, k'ĩruuk'ari nãɨya jarasima: —Warrarã mɨmá itu chepit'ɨ, ãchi chi Tachi Ak'õrepa ichidirã ichi juade ua bɨ jĩra p'anɨ pẽra.

Marco 10:30

ichia ameena k'aepẽra nãɨ ewaride cien ataipɨ: te, ũpẽarã, ũpẽawẽra, nae, warrarã mãɨnepa ĩjũa. Ẽpẽrarãpa ichi piawẽa oodai k'orea ẽp'ẽnaipɨ maamina chi k'aadepema ewaride Tachi Ak'õre ome ewaricha chok'ae baipɨ.

Luca 21:12

»Maamina mãɨ naena mãra ẽp'ẽnaipɨ mĩapidai k'orea. Waapẽarã jitadak'ari judiorã ará pedeapataɨ tedea ateewãnaipɨ. Maapae ak'ɨdak'ari eda jɨ̃a nɨbɨpidaipɨ. Ichiaba mɨne ĩjãa p'anɨ k'orea mãra chi tua chaarearã k'ĩrari mãɨnepa chi minachia k'awa p'anɨrã k'ĩrari ateedaipɨ.

Luca 22:29

Mãɨpuru mɨ Ak'õrepa mɨ chi minachia k'awa bɨ bɨsima. Ara mãɨ jĩra mɨa mãra minachia k'awa p'anɨrã jĩra bɨ bɨma.

Luca 6:20

Jesupa ichi ome p'ɨrrɨapataɨrã ak'ɨk'ari nãɨya jarasima: «Pia p'anɨma mãra chi chichupuria berã mãɨ Tachi Ak'õrepa mãra ichi juade ua bɨẽra.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Hecho 5:40

Maapae Jesupa peedaɨrã mãicha t'ɨ̃ peesidama. Soapa p'epidak'ari ãchiá jarasidama waa Jesú t'ɨ̃nepa ẽpẽerã́ pedeapidaemaapa. Maapae ãjã́ pari bɨsidama.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

P'ilipense 1:28

Mãra chi nek'ĩramá mi ãpia pida wap'earãt'ɨ. Mãɨpa k'awapiipɨ Tachi Ak'õrepa ãchi k'enaipɨ, maamina mãra k'aripaipɨ. Mãɨ Tachi Ak'õrepa jõma oo bɨma.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

Santiago 5:11

Tachimá, chi minachia mĩa p'anɨne choa berã minachia pia p'anɨma. Mãrapa ũripatama Job ichi tãaraa minachia mĩana jõma choasit'a. Mãɨ ãarea tãaraa nepɨrade bak'ari k'awa p'anɨma Tachi Chiparipa ichi pia bɨsit'a. Ichia k'ĩra chupuria bɨma mãɨnepa k'ɨ̃rianepa k'aripai bɨma.

1 Juan 3:12

Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.