Mateo 3:11 - Tachi Ak'õre Pedea

¹¹ »Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Mateo 3:11 Iomraidhean Croise

Mateo 3:6

Ãchia nemietá oodada ichi k'ĩrari jaradak'ari ãchi Jordán tode porochoapachima.

Marco 1:4

Mãɨya Juan chi Porochoaparí ĩjũa pania newẽa bɨde ẽpẽerã́ jaratea beesima ãchia nemietá oopataɨ itu bɨdak'ari Tachi Ak'õremá chedamẽrá. Ichia jarasima mãɨya oosidara Tachi Ak'õrepa ãchi nemietá oodada k'ɨ̃risia atuait'a. Maapae porochoadai p'anɨane apachima.

Luca 1:17

Eliapa uru bada jaore, mãɨnepa ichi jua chaareadepema sida pɨ warrapa uru baipɨ. Mãɨnepa ichi Tachi Chipari naa wãipɨ chi ak'õrerã mãɨnepa chi naerã ãchi warrarã ome sõpiapii k'orea. Mãɨ awara ichia ĩjãanak'apɨɨrã sida k'aripaipɨ jĩp'a berãpa k'ɨ̃risiapataɨ jĩra k'ɨ̃risiadamẽrá. Mãɨya k'aripaipɨ p'uurudepemarãpa Tachi Chiparia pia pedeadamẽrá.

Luca 3:16

Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Luca 3:3

Mãɨpuru Juan jõma Jordán to k'ait'a berã́ jarade wãsima ãchia nemietá oopataɨ itu bɨdak'ari Tachi Ak'õremá chedamẽrá. Ichia jarasima mãɨya oosidara Tachi Ak'õrepa ãchi nemietá oodada k'ɨ̃risia atuait'a. Chi ichi pedea ũriuta ichia toeda porochoapachima.

Juan 1:15

Juan chi Porochoaparipa ichi k'orea nãɨya ɨbɨa jarapachima: «Nãɨ ẽpẽra k'orea, mɨa nãɨya jara bapachima: “Chi mɨ k'aadea cherut'a mɨ k'aepẽra atepe bɨma, ichi mɨ naena bada pẽra”».

Juan 1:30

Ichi k'orea mɨa naena jarasima: “Chi mɨ k'aadea cherut'a mɨ k'aepẽra atepe bɨma, ichi mɨ naena bada pẽra”.

Hecho 1:5

Piarã Juanpa ẽpẽerã paniapa porochoasima, maamina tãaraawẽa bɨde Tachi Ak'õrepa ichi Jaoredepa mãra porochoaipɨ.

Hecho 19:4

Mãɨne Pablopa jarasima: —Juanpa jarapachima ẽpẽerãpa nemietá oopataɨ itu bɨdai p'anɨt'a Tachi Ak'õremá chedamẽrá. Mãɨya oosidara ichia porochoapachima. Mãɨ awara jarapachima chi ichi k'aadea cherude ĩjãanamẽrá. Mãɨ Jesú pasima.

Hecho 8:36

Mãɨya wãutade pania bɨmá pasidama. Mãɨne chi Etiopiadepema mimiaparí minachia k'awa bɨpa jarasima: —Ak'ɨse. Nãma pania bɨma. ¿K'ãarepa mɨ p'ue porochoaiwẽa bɨma?

Hecho 8:38

Ara mãɨne chi mũrapa pɨrabari ateewãparí bari k'obeepisima. Ãchi umea toedá wãnak'ari P'elipepa ichi porochoasima.

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».