Mateo 24:7 - Tachi Ak'õre Pedea

⁷ Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha jarra minachia oodaipɨ mãɨnepa iurumia minachia wãipɨ.

Mateo 24:7 Iomraidhean Croise

Luca 21:11

Iurumia minachia wãipɨ, tua chok'ará bede jarra minachia oodaipɨ mãɨnepa k'ak'ua piawẽa wawaria k'ɨdade p'aneenaipɨ. Mãɨ awara pajãne ẽpẽrarãpa ẽpẽerãpa ne p'ue oodak'apɨ́ ununaipɨ. Mãɨ k'orea ẽpẽrarã minachia wap'eadaipɨ.

Hecho 11:28

Aba Agabo apataɨ bai nɨbeek'ari Tachi Ak'õre Jaoredepa jarasima jõma nãɨ ĩjũane jarra minachia cheit'a. Mãɨ jarra piarã chesima Claudio chi Romanepema chi atepe poro chaarea bɨ ewari paside.

Hecho 2:19

Mãɨ ewaride ẽpẽerãpa ne p'ue oodak'apɨ́ pajãne mãɨnepa ĩjũane unupik'oaipɨ. Oa, t'ɨpɨ mãɨnepa nãri unupik'oaipɨ.

Hebreo 12:27

Mãicha orepiyade aside Tachi Ak'õrepa k'awapisima ne ãarea ichia ook'oadat'a orek'ari jõpiit'a. Mãɨne abapuru chi ne jõk'apɨɨt'a beeipɨ.

Apocalipsi 6:12

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mãɨne iurumia minachia ɨbɨa chesima. Chi ɨmata p'ãriosima, ẽpẽerã piuutade neet'á p'aimá tachia jɨ̃pata jĩra. Mãɨnepa chi jedek'o p'urea oa jĩra k'obeesima.

Apocalipsi 6:5

Mãɨya nak'ari chi Oveja Chak'epa mãicha chi k'art'ade k'ara bada aba oet'aside, chi ẽpẽra jĩra chok'ae be k'ĩmari p'anɨnepema chi abaɨpa nãɨya jara bɨt'a ũrisima: «¡Chese!». Mãmá ak'ɨside mũra p'aimá bɨt'a unusima. Mãɨ mũra ɨ̃rɨ suak'abari bɨpa ne chaapataɨ ichi juade uru basima.

Apocalipsi 6:6

Mãɨne mɨa chi ẽpẽra jĩra k'ĩmari chok'ae p'anɨ t'ãenaɨpa abaɨpa pedea bɨt'a ũrisima. Mãɨpa chi mũra ɨ̃rɨ suak'abari bɨa nãɨya jarasima: «Chi trigo itu pia chaupirãse. Mãɨya trigo libra ume netoi k'orea ẽpẽra ewari aba mimiai bɨma. Cebada sida itu pia chaupirãse. Mãɨya cebada sei libra netoi k'orea ẽpẽra ewari aba mimiai bɨma. Maamina olivojõ mãɨnepa uvajõ itu pia chaupise, mãɨya olivo taa mãɨnepa uvaba uru p'ananamẽrá».

Apocalipsi 6:8

Mãmá ak'ɨside mũra k'uará bɨt'a unusima. Chi mũra ɨ̃rɨ suak'abari bɨa «Chi Piuda» apatama. Chi ichi ome p'ɨrrɨa bɨa «Chi Piudaadarã P'anapataɨ» apatama. Tachi Ak'õrepa ãchiá chi k'ĩmarinepema abaabá ãarea peapade asima nãɨ ĩjũa ãareaɨne. Mãɨ ẽpẽerã peadayade asima ãchia k'ĩruupik'a p'anɨnepa, jarradepa, k'ɨdade p'anɨnepa ichiaba chi ãnimararã mietá p'anɨrãnepa.