Mateo 23:4 - Tachi Ak'õre Pedea

⁴ Ãchia ẽpẽrarã́ ne chaarea oopipatama, ne chɨk'ɨa at'oopi p'anɨ jĩra. Maamina mãɨ ãchia mi ãpia pida k'aripadak'ama mãɨ oodamẽrá.

Mateo 23:4 Iomraidhean Croise

Mateo 23:23

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Menta k'irú, anís net'a tau, comino ome Tachi Ak'õre pae awara bɨpatama, mãɨ diezedepemacha, aba. Maamina Moisepa bɨdade chi atepe bɨ oodak'ama; chĩara ome jĩp'a oodak'ama, k'ĩra chupuriadak'ama mãɨnepa Tachi Ak'õrene ĩjãanak'ama. Oodai pia bɨma ichi pedea bɨda jara bɨ jĩra, machi k'irú awara bɨpata jĩra Tachi Ak'õre pae.

Mateo 23:3

Mãɨpuru ãchia jarapataɨ jĩra ãarea oot'ɨ. Maamina ãchia ara ãchia jaratea p'anɨ jĩra oodak'ama. Mãɨpuru ãchia oo p'anɨ jĩra oorãt'ɨ.

Luca 11:46

Mãɨpuru Jesupa ichiá jarasima: —¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ne p'ue oodawẽa be ẽpẽrarã́ oopipatama. Maamina mãɨ ãchia mi ãpia pida k'aripadak'ama mãɨ oodamẽrá.

Hecho 15:10

Mãrapa ¿k'ãre k'orea Tachi Ak'õrepa k'awapida itu bɨ p'anɨma? ¿Ichia sãmaasã́ ooi k'awai k'orea mãɨya p'anɨk'ãra? Tachia mãɨnepa tachi chõarãenapemarãpa Moisepa bɨda mãɨ ãarea p'ue oodak'a pasima, mũra ɨ̃rɨ minachia chɨk'ɨa at'oopari jĩra. ¿K'ãre k'orea chi judiorãwẽa mãɨ oopi k'ɨ̃ria p'anɨma?

Hecho 15:28

Tachi Ak'õre Jaoremá mãɨnepa taimá pia bɨma ne chi t'aju be mãrá oopidaiwẽt'a. Abapuru nãɨ oodai p'anɨma:

Gálata 6:13

Chi k'ak'ua tauchaadaadarãpa Moisepa bɨda jõma oodak'ama. Maamina ãchia mãra k'ak'ua tauchaapi k'ɨ̃ria p'anɨma, ara ãchi k'ak'ua k'orea pia pedeadai k'orea.

1 Juan 5:3

Tachi Ak'õre piarã k'ɨ̃ria p'anɨpɨra, ichia oopi bɨ pedea ãarea oodaipɨ. Ichia oopi bɨ pedea t'ajuwẽa bɨma.

Apocalipsi 2:24

Maamina chi eda mãranepema Tiatira p'uurudepemarãpa chi jãɨ wẽrapa jaratea bɨt'a ĩjãanawẽa p'anɨma. Mãɨ awara mãrapa chi “tiorepa ne mẽra uru bɨade” apataɨ, makɨɨ k'awadayá jɨrɨ p'anɨwẽma. Mɨa waa mãrá waa ne awara oopide peeiwẽma.