Mateo 22:12 - Tachi Ak'õre Pedea

¹² Chi minachia k'awa bɨpa mãɨ ẽpẽrá idisima: “K'õp'ãero, pɨ ¿sãmaasã́ nãma eda bɨma, neet'á k'ak'apiawẽa bɨt'a?” Mãɨ ẽpẽra k'ĩup'ea beesima.

Mateo 22:12 Iomraidhean Croise

Mateo 20:13

Maamina chi chiparipa p'anoosima: “K'õp'ãero, mɨa pɨ ome jĩp'a oo bɨma. ¿Pɨa mɨ ome pedea ausiwẽk'ãra ewari aba mimiana pari mãɨ erreara jitai k'orea?

Mateo 26:50

Jesupa ichiá jarasima: —K'õp'ãero, pɨchia oode cheru oose. Ara mãɨne waapẽarã orrobaridak'ari Jesú jitasidama.

Mateo 5:20

Mɨa piarã jararuma: Moisepa bɨda jarateapataɨrãpa oo p'anɨ k'aepẽra mãɨnepa p'ariseorãpa oo p'anɨ k'aepẽra mãrapa jĩp'a oodaepɨra, Pajãne Bɨpa mãra ichi juade ua baiwẽma.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

Tito 3:11

Pɨa minachia k'awa bɨma mãɨ ẽpẽrapa chi piarã pedea itu bɨk'ari piawẽa oo bɨt'a. Nemietá oo bɨdepa unupi bɨma ara ichi Tachi Ak'õre k'ĩrari nepɨra pará bɨade a bɨt'a.