Mateo 22:10 - Tachi Ak'õre Pedea

¹⁰ Ara mãɨne ichi mimiapataɨrã o becha wãsidama. Ẽpẽrarã chok'ará enemeesidama; ẽpẽrarã pia berã mãɨnepa mietá berã. Mãɨya ẽpẽrarã minachia ará nɨbeesima miak'ãipataɨ tede.

Mateo 22:10 Iomraidhean Croise

Mateo 13:38

Ne uu ĩjũa jara k'ɨ̃ria bɨma nãɨ ĩjũa ãarea. Chi ne uu tau pia jara k'ɨ̃ria bɨma Pajãne Bɨpa ichidirã ichi juade ua bɨdepema ẽpẽrarã. Chi ne uu jara k'ɨ̃ria bɨma tiore mietaaderã.

Mateo 22:9

Mãɨ k'orea waapẽarã ẽpẽrarã o becha jɨrɨde wãpadade asima. Mãrapa unuutarã́ jarapadade asima mɨ warra miak'ãipataɨ arapaapataɨ tedea chedamẽrá”.

Mateo 25:10

Ara mãɨne olivo ta atade wãsidama. Mãɨmisa chi ɨmɨk'ĩra miak'ãi bɨ chesima. Maapae chi k'ɨ̃risia k'awa p'anɨ ichi ome eda wãsidama sõ arapá miak'ãipataɨ tedea. Ara mãɨne chi te chipari pae pari mimiaparipa chi eda wãpataɨ jɨ̃at'ɨsima.

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

2 Corintio 12:21

Mɨa wap'ea bɨma mãramá mãicha cherude Tachi Ak'õrepa mɨ mãra k'orea k'ĩra p'erapiit'a. Mãɨne chok'ará mãrapa naena nemietá oo p'anana wapida oo p'anɨ pẽra mɨ jẽaipɨ. Mãrapa chi Tachi Ak'õremá piawẽa oopataɨ, awaraɨ ome k'ãipataɨ mãɨnepa waapẽarã taade ne k'ĩra p'era oopataɨ wapida mãɨ itu bɨdawẽa p'anɨ pẽra jẽaipɨ.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.