Mateo 2:11 - Tachi Ak'õre Pedea

¹¹ Tede eda wãutade warra chak'e chi nae María ome bɨ unusidama. Maapae bedabari k'op'aneenak'ari warra chak'ea pia pedeasidama. Maapae ãchicha ne yaapariidepema ewadak'ari ãchiichia warra chak'ea nee, ãp'o k'era mãɨnepa mirra k'era teasidama.

Mateo 2:11 Iomraidhean Croise

Mateo 1:18

Jesucristo nãɨya t'õ basima: chi nae María José ome p'anasima miak'ãinayá. Maamina miak'ãinai naena María Tachi Ak'õre Jaorepa biak'oapisima.

Mateo 12:46

Jesupa mãɨ wapida ẽpẽrarã́ pedeamaa bɨde chi nae, chi ũpẽarã ome tajata p'anɨ ichi ome pedea k'ɨ̃ria p'anasidama.

Mateo 14:33

Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama: —¡Pɨ piarã Tachi Ak'õre Warrapɨ!

Mateo 2:2

Mãɨne ãchia idisidama: —Nãɨ tuade warra t'õsima judiorã poro jũra jɨ̃parí jɨ̃ bɨ pai k'orea. Ichi ¿sãma bɨma? Taipa ɨmata ochiaparieri ichi k'ãk'ãi unusidama. Nãmá che p'anɨma ichiá pia pedeadai k'orea.

Luca 2:16

Ara mãɨne isapea wãsidama. Mãma padak'ari María, José, chi warra chak'e ome unusidama. Warra chak'e ãnimara nek'opataɨde eda basima.

Luca 2:38

Mãɨ chõtã́ Jesú ak'õre mãɨnepa chi naemá orrobarik'ari Tachi Ak'õrea sõpia bayade asima. Maapae chi Tachi Ak'õrepa Jerusalén p'uuru k'aripai ewari nɨ p'anɨrã́ chi warra chak'e k'orea pedeasima.

Juan 19:39

Mãɨ awara Nicodemo, chi naena Jesumá teamasi pedeade che badapa mirra k'era áloe ome p'oerada ateewãsima. Mãɨ chɨk'ɨa 34 kilo basima.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 5:8

Mãɨ k'art'a jitak'ari chi ẽpẽra jĩra k'ĩmari chok'ae berã mãɨnepa chi chõarã veinticuatro berã ichi naa sĩraporode bari k'op'aneesidama. Ãchi k'ak'awá arpa uru p'anasima mãɨnepa p'arat'u jãjoa bɨ nee ooda uru p'anasima. Chi p'arat'u jãjoa bɨ ãchia incienso k'era ipiru uru p'anasima. Chi incienso k'era jara k'ɨ̃ria bɨma chi ẽpẽerã Tachi Ak'õrenerãpa ichiá ɨt'aa chiidi p'anɨt'a.