Mateo 18:9 - Tachi Ak'õre Pedea

⁹ Ichiaba pɨ taupa pɨá nemietá oopiipɨra, mãɨ nemietá ooemaapa ẽut'aak'ari ãyá amaase. Piipará bɨma ewaricha Tachi Ak'õre ome tau berrea bait'a, mãɨya tau ume bɨ t'ɨpɨ tau uruadea bat'a peei k'aepẽra.

Mateo 18:9 Iomraidhean Croise

Mateo 16:26

Ẽpẽra nãɨ ĩjũane ne ãarea uru bɨde piuipɨra, ¿ichia uru bɨpa k'aripaik'ãra? ¿Jõmasã́ teai bɨma, ichi piuemaapa?

Mateo 18:8

»Mãɨ k'orea pɨ juapa wa pɨ jĩrupa pɨá nemietá oopiipɨra, mãɨ bɨat'uk'ari ãyá amaase, nemietá oopiemaapa. Piipará bɨma ewaricha bait'a Tachi Ak'õre ome, jua mosá wa bɨɨrɨ mosá, jua ume mãɨnepa jĩru ume uru bɨ ome, mãɨ t'ɨpɨ urua k'iik'amá eda bat'a peei k'aepẽra.

Mateo 19:17

Jesupa p'anoosima: —¿K'ãre k'orea chi pia bɨ k'orea mɨá idi bɨma? Aba pida pia bɨwẽma, mãɨyawẽapuru Tachi Ak'õret'u pia bɨpɨ. Pɨ Tachi Ak'õre ome ewaricha chok'ae ba k'ɨ̃ria bɨpɨra, ichia oopi bɨ pedea oose.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 5:29

»Mãɨpuru pɨ tau juaraaripemapa pɨá nemietá oopisira, mãɨ noet'aak'ari amaat'aase nemietá ooemaapa. Pɨ k'ak'uadepema abawẽa beerumina, ewaricha Tachi Ak'õre ome baipɨ. Mãɨya pia bɨma Tachi Ak'õrepa pɨ k'ak'ua jõma t'ɨpɨ tau uruadea bat'a peei k'aepẽra.

Marco 9:47

Mãɨnepa pɨ taupa pɨá nemietá oopisira, mãɨ noet'aase nemietá ooemaapa. Piipará bɨma ewaricha Tachi Ak'õre ome tau berrea bait'a, tau ume uru bɨ ome t'ɨpɨ tau uruadea bat'a peei k'aepẽra.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.