Mateo 18:4 - Tachi Ak'õre Pedea

⁴ Maamina abaɨ pida nãɨ warra jĩra waapẽarã k'aepẽra chupurii jĩra beeipɨra, Tachi Ak'õre Pajãne Bɨpa ichidirã ichi juade ua bɨde chi atepe minachia k'awa baipɨ.

Mateo 18:4 Iomraidhean Croise

Mateo 18:1

Mãɨ ewaride Jesú ome p'ɨrrɨapataɨrã ichi orrobarik'ari nãɨya idisidama: —Pajãne Bɨpa ichidirã ichi juade ua bɨdepemarã ¿k'ai chi atepe k'awa bɨt'a?

Mateo 18:3

Nãɨya jarasima: —Mɨa piarã jararuma: mãrapa awara k'ɨ̃risiadaepɨra mãɨnepa nãɨ warra chae jĩra p'ananaepɨra, Tachi Ak'õre Pajãne Bɨpa ichidirã ichi juade ua bɨde p'ananaiwẽma.

Mateo 18:5

Chi mɨne ĩjãa bɨ k'orea nãɨ warra jĩra pia pedea bɨpa, mɨá pida pia pedeaipɨ.

Marco 10:43

Maamina mãra mãɨya p'ananaiwẽa p'anɨma. Mãranepema chi atepe ba k'ɨ̃ria bɨpɨra chi waapẽarã pae pari mimiaparí jĩra bai bɨma.

Marco 9:34

Ãchi k'ĩup'ea p'aneesidama piarã k'ĩruu pedea chedada pẽra. Ara ãstu k'ĩruu pedea p'anasidama k'ai chi atepe bɨt'a k'awadai k'orea.

Luca 14:11

Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Luca 9:48

Mãɨne nãɨya jarasima: —Chi mɨne ĩjãa bɨ k'orea nãɨ warrá pia pedea bɨpa, mɨá pida pia pedea bɨma. Mãɨ awara chi mɨá pia pedea bɨpa chi mɨ Peedá pia pedea bɨma. Mãranepema chi ãpia k'ɨrɨ Tachi Ak'õre k'ĩrari chi atepe bɨma.

Santiago 4:10

Mãra Tachi Chipari k'ĩrari chi atepe p'anɨ jĩra k'ɨ̃risiarãt'ɨ. Mãɨya ichia mãra chi atepe p'anɨ jĩra bɨipɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».